Tweet
الطلح شجره أقرب مالها السدر تقريبا ، والصقار إذا ضاع طيره لو يحصله حتى الحصاه ينشدها ما شافت الطيرمن قلة الحيله فالشاعر هنا يسند قصيدته على الطلح والطلح كأنه يرد عليه .
مشاركه عل وعسى ان تحوز على رضاكم ورضا الزوار الكرام .
[poet font="Simplified Arabic,14,black,normal,normal" bkcolor="" bkimage="" border="none,2,gray" type=0 line=200% align=center use=sp char="" num="0,black"]
قال الشاعر :
يالطلح ما مرك مع الصبح صافي=طير غدالي امس والشمس حيه
اتلا العهد به راح يطرد مقافي=خبريبه اومى في جناحه هنيه
رد الطلح :
لا والله إلا مرنا العصر وافي=كنه غلام مستغيرن بهيه
اقبل علينا ثم اخذ بنحرافي=يوم الحباري وقعن له سويه
قال الشاعر :
يالطلح قلي عل مابه خلافي=البارحه برد وشمال قويه
كانه تعشا قلت عله عوافي=والحي يجمعه الولي مع خويه
رد الطلح :
لا والله الى صاد خرب امتعافي=واخذ عليه من الثنادي شويه
لا مفلسن مره ولا قال كافي=يوم اخلفنه عن عشاه احقبيه
قال الشاعر :
خابره والله قاطع مايخافي=دايم على الصيده تجيله حميه
انشدك بلي منبتك بالسوافي=عساه في خيرن ولا فيه سيه
رد الطلح الشاعر :
خبريبه اقرش في سبوقه خلا في=مابه بلا وامرح على هالحصيه
والفجر شخص بالنواظر وشافي=طلعه بعيد ويمته ساحليه
قال الشاعر :
يالطلح ذا حبه ولاهوب خافي=متعادل حبه بحب البنيه
بعض الطيور ان راح قلنا عوافي=لاشك هذا وين ابلقى حليه
رد الطلح :
اتعب عليه وعادت الحر يافي=اضرب سهلها والوعر والشغيه
يجيبه الي رازقن هلعجافي=بهايمن تمشي على غير نيه
قال الشاعر :
يالطلح لك مني يابو غصن ضافي=لا جابه الله وكل نيه مطيه
لاجيك انا في موتر القش هافي=واسقيك هالي باقي بتانكيه
واطى على رملة سوافيك حافي=وكلن على ماقيل يذكر خويه
[/poet]
القصيده للشاعر / حمد بن عبد الكريم السعيد
تعليق