ولع الطير

الاعزاء النداويه والزوار

اسعد الله اوقاتكم[poet font="Simplified Arabic,14,limegreen,normal,normal" bkcolor="" bkimage="" border="none,2,gray" type=1 line=200% align=center use=sp char="" num="1,chocolate"]
يامل قلبن عذبه زايد الشوق = يزاوره فى كل صبح وعشيه

اسج لى سجات وجر طاروق = كنى بعيدن عن جميع البريه

يامبارك العينان كنى بصندوق = من يوم للمقناص ماشوف نيه

والله على اللى تو حطوبه سبوق = مطروح بين الغانمى والحنيه

جابه طويرش لين سلمه مرزوق = وكل درابه فى خلال أضحويه

يوم اكشفو راسه وهوداخل السوق = مثل الزبيدى فى فياضن عذيه

والوجه وجه اللى من الغيض مخنوق = والا الشجاع اللى تنومس بهيه

اشعل ظهر خالى من الرش ودقوق = هجرن كراعه والمثايل رهيه

كن المناكب عنهن الصدر مفهوق = ينشاف فى طيور ابو خالد حليه

والله على اللى يوم تلوى وهى فوق = مثل الشهاب بليلتن خرمسيه

ترهى على الخرش المدابير بلحوق = طرح الكويت وجنسها فارسيه

والله على قفر من الوسم ماسوق = متساوين عشب الظهر والشغيه

ارضن قفر ماهو من الناس مطروق = ماداج به راع التفق والرعيه

هذى شفوفى يوم كل وله ذوق = وخوة مشاكيل الاجاويد ليه

غديت انا والطير عاشق ومعشوق = مثل الكريم اللى يدارى خويه

..وسلامتكم..
[/poet]

ملاحظه (طويرش تاجر صقورو مرزوق صاحب مكتب لبيع الصقور)

مع تحيات

فهد رفاعى

الله الله الله الله الله

ياسلالالالام ياسلالالالالام


قصيده جزله ومن شاعر جزل من الطراز الاول ... ومسندّه لشاعر كبير


صح الله السانك ولاهنت ....وبأنتظار ردّ مبارك


تقبلو تحياتي

يامرحبا يافهد

صح لسانك وابشر بالرد

يشرفني انك ترسل لي قصيده من شاعر مثلك

ابو محمد انا قريت القصيده أول مانزلت ولكن مابغيت ارد الا اشوف رد مبارك


عزالله انكم قصدتم ياصقاقير وخوّتكم تنشرا

[poet font="Simplified Arabic,14,black,normal,normal" bkcolor="" bkimage="" border="none,2,gray" type=0 line=200% align=center use=sp char="" num="0,black"]
والله على اللى يوم تلوى وهى فوق=مثل الشهاب بليلتن خرمسيه
ترهى على الخرش المدابير بلحوق=طرح الكويت وجنسها فارسيه
[/poet]


ياسلام يابو محمد ياسلام


كفيت ووفيت

فهد رفاعي


صح لسانك والله يلحقك شفوفك

وعسى فالك المقناص الطيب والوناسه

وانت سندت على حاوي ثنتين صقارة شعر وصقارة مقناص

ويستاهل مبارك



لك تحياتي

عساني ماذوق حزنك يافهد

وربي ان قصيدك له نكهه خاصه يالسناافي

صح لسااانك وبيض الله وجهك

علومكم غانمه كلها 00 وعزالله انك سندت على شاعر وصقار وقرم

وعسى ايامكم كلها توافيق 000


تحياتي لكم

الاخوا الاعزاء :فالح بن قشعم

.............مبارك الهاجرى

............محمد بن هضيبان

...........مرزوق العتيبـــــى

.............عكاشـــــــــــــــه

لك كل تقدير واحترام ولاهنتو

الاخ القدير / فهد رفاعي

مساك الله بالخير


هذى شفوفى يوم كل وله ذوق
وخوة مشاكيل الاجاويد iiليه


غديت انا والطير عاشق iiومعشوق
مثل الكريم اللى يدارى خويه

عز الله ان المقناص طربة النفس صح الله السانك يالسنافي والسان الشاعر مبارك قصايد جزله

وبعدين هانت كلها شهرين وتزين العلوم


معا كل الود والتقدير

أخوك......عبدالله

الله الله عليك اخوي فهد .....

صح السااانك وقصيده سلسه متنااغمه مع بعض ..

اشكرك كثير على انتااااعنا بها

تحياتي لك أختك

أمســــــــــــــــيه

الاخ : عبد الله ال خليفه

مرحابك وابرك الساعات مرورك المشرف

لاهنت لاهنت لاهنت

مع تحيات

فهد رفاعى

فهد يا فهد

صح لسانك.........

كلام وقصيد ثمين...

صح لسانك..

اخوك/ الشريفي

المحترمه : امسيه

صح بدانك وشكرا للاطراء

مع كل تقدير

فهد رفــــاعي



تحيه طيبه وبعد




قصيده جزله معانيها فريده





لاهنت





تقبل اعجابي





الله يحفظك





خالد العتيبي

فهد


صح لسانك


جعل يسقى شهر تسعه


تحياتي