يازين هد الطير

السلام عليكم ,,,

اقدم لكم هذي القصيده اللي قريتها بس ماشفت تحتها اسم ولا ادري من هي ؟؟؟؟؟؟؟؟؟؟؟


[poet font="Simplified Arabic,14,black,normal,normal" bkcolor="" bkimage="" border="none,2,gray" type=0 line=200% align=center use=sp char="" num="0,black"]

يازين هد الطيـر ســـاعة هداده=اقولها لو كان مانيب صقــــار
و لا على كفي نقلتـــــه وزاده=ولا تبعت الخرب من وين ما سـار
ولا ميز انواعه و لا اعـرف مراده=ولا عارف سدة و لا عرف مسمـار
لكن احـب امطالعـه و انجــراده=الى نزع من كف راعيــه وانـدار
حاديه طول الجــوع والهـم زاده=جول الحباري تالي الوقــت ذيـار
حـام وتعلى واعتلى باشتـــداده=و راعيه يومي له بملواح و شعـار
الليل مقبـل ومدلهم ٍ ســــواده=والأرض قشرى بين ضلع ٍ وشنضار
ما عاد له بالصيـــد شف ٍ وراده=ضرب على كفه بكفه تحســـار
اقفى بعد ميقن يقيـن ٍ نفـــاده=عينيه تهل ادموعها و القدم حــار
لكن طيره له مع البرق عـــاده=يمهل لها ويردهـا دون تختـــار
سمع الحساس ولد عينه قتـــاده=واثر العديم يلوفهـا لوف بيطــار
وحول على الخرب المسمى وصاده=واقفت شرايدها مع الجـو طيــار
وسجـد لربٍ معتن في عبـــاده=يا فرحته يا كبرها كبـر سنجــار
و يا حبني للبر حــــزت براده=لازال وقت الصيف واللاهب الحـار
لا شاجر الزاهر وعانـــق كتاده=الجو صافي والقـواريش جحــار
وبليس غايب والحسد والقــراده=النفس زينه والمناعير حضـــار
مجلس شرف شب جمع مع عواده=سوالف ٍ ذربه على بـن و بهــار
ما ضم غير اهل الشرف و العباده=و اهل القتاته مـالهم عندنا كــار
هذا هـوى قلبي وغايــة مراده=لو خيروني غير ما قلت مختــار


[/poet]

الله الله الله

صح لسان القايل وسلمت يمين الناقل

لاهنت يالمري

المري

قصيده جزله واختيااار موفق

صح لسان القايل وسلمت يدا الناقل

ماتجيب الا جزل لاعدمنااك

تحياتي

مرحبا والله يامحلفي


وتسلم على متابعتك لمواضيع ومواضيع الاخوان المتعلقه بالطيور

واتقدم بالشكر الجزيل لك ياخ مبارك والاخ فهد رفاعي وعكاشه ووووووالربع كلهم

بس يااخ مبارك انا عندي صوره اثر حباري وابي احطه على الموقع ولا جاء اذا عندك خلفيه او احد الربع


لاتخلونا.

اخوكم: المري

صح بدنك ياعكاشه


وهذي ابرك الساعات اللي وجدتك .

ارحب يالمري

لاهنت ولاعليك زود

بالنسبه للبريد سنعته ذالحين يستقبل

اما الصوره طال عمرك اذا الصوره من موقع على النت اسحب الرابط ونزله في موضوع جديد

اما اذا الصوره عاديه رح لاى مقهى نت وقله ابنزل الصوره في الموقع الفلاني اى الموضوع الجديد

لازم يكون في المقهى (سكنر للصور)