بمناسبة الافتتاح (الطير عزام)

[poet font="Simplified Arabic,14,black,normal,normal" bkcolor="" bkimage="" border="none,2,gray" type=2 line=200% align=center use=sp char="" num="0,black"]
وين انت يانايف وسيع البنايد"="هيضتني في صورتك جنب عزام
ذكرتني راعي الفعول الفرايد"="زود(ن)على فعله غدا حبه هيام
اشقر قصير الساق صافي وصايد"="جبر الثنادي بارزه منه قدام
هجر(ن)وراسه ابيض(ن)منه نايد"="ان قلت من فارس اونه من الشام
سواد عينه وسط راسه يشايد"="دقات شام(ن)في نحر ترف الاقدام
وطلعه بعيد وكل طلعه وكايد"="وزد(ن)على طلعه سبوق(ن)وجزام
في كل جو(ن)له مهد ومصايد"="ولياانطلق لو كان في الحر ماحام
ماعاد من جول الحباري شرايد"="اقسى من الكافر على ورث الايتام
دم الحباري فوق صدره قلايد"="والقاع عقبه كنها ساحة اعدام
افعول طيري يابو بندر جدايد"="فعله جديد ولحقه فعله العام
ياما وياما جابلي من فوايد"="لاكنهم ساموا ولاكنه انسام
اقفى وخلى عروق قلبي بدايد"="من يوم مات وقلب راعيه منضام
زاد النكايد عقب موته نكايد"="والحزن عقبه وسط قلبي بنا خيام
يالايمي في حب عزام بايد"="ماعضتني لو جبت ساطور وحزام
لولا المخافه قلت وسط الجرايد"="ان العزا في الطير من شرع الاسلام


[/poet]

[mover]رائعه رائعه رائعه يامبااااارك[/mover]

صح لسااانك وسلم بنانك

تحياتي لك

يامرحبا ياعكاشه

الرائع والله انت اللي اسمك نلقاه في كل قسم من المنتدى

لتنشيط اقسام المنتدى ورفع مستواها

ليت الاعضاء كلهم مثلك

لاهنت

مـــبـــــــــــــارك

الولع يترك اثره في النفس البشريه

والطير الطيب مثل الخوي النشمي خص اذا مضاله فعول

وانا اذكر طيرك ( عزام ) وعزالله انك ما تنلام فيه

والدليل الابيات اللي قلتها فيه

وخصوصا اخر بيت :-

لولا المخافه قلت وسط الجرايد"="ان العزا في الطير من شرع الاسلام


لا هنت والله يرزقك بالمقناص الطيب اللي تجينا باخباره


تقبل تحياتي

يامرحبا يابو محمد تراحيب المطر

الله يسلمك ويعافيك والله كريم يجينا العبور الطيب

لكن احسب احسابك للمقناص

لاهنت

ابشررررررر بالعوض يابو محمد

طير وفعوله طيبه

يامرحبا يابو علي

لاهنت