صفوة عرب وملوكنا صفوة ملوك

[align=center]هذه القصيدة قلتها بمناسبة اليوم الوطني
وقد عرضت قبل سنوات
في بعض وسائل الاعلام ثم في قناة الساحة
وسوف تعرض بإذن الله ليلة الخميس ( 14/10/1431هـ )
وحبيت أطرحها هنا وآمل أن تنال استحسانكم[/align]

رابط الاستماع

[align=center][media]http://www.almshalah.com/up/uploads/files/mshalah4d477a3599.wav[/media][/align]

[poem=font="simplified arabic,7,teal,normal,normal" bkcolor="transparent" bkimage="" border="double,6,teal" type=1 line=0 align=center use=ex num="0,black""]

صفوة عرب وملوكنا صفوة ملوك= ملوك عز وعزهم مالك الملك
خدام بيت الله بلا ظن وشكوك= "مكة وطيبة " شاهدة هذي وتلك
نظامهم ما هوب قانون مشروك=تحكم بشرع الله ومن خالفه هلك
وبالحجة البيضاء تخاطب هل الزوك=تهب الرياح فالبحر تعبر الفلك
وحنا " سعوديين " والوقت مدروك=ناصل هدفنا ما علينا من الكلك
شَمِّّر ذراعك يا " سعودي " وأنا أخوك=وادحر عدوك وقمعه قبل ياصلك
" سعودي " تحمل هويتك بالبوك= ويحق لك تفخر باسمك ومنزلك
" شبه الجزيرة " موطن أبوي وأبوك=وانته تمثلني عليها وأمثلك
منار علم ومهبط الوحي مبروك=وحكّامها يسعون بالخير لي وإلك
ما واحد بابه عن الشعب مصكوك=تاصل لهم بأقرب طريق يوصلك
وأن صار لك حاجة و وصلتهم أرضوك=يقضون حاجتك ويحلون مشكلك
وأهل الدجل والبلبلة لا يهموك=شرذمة تجهل ولاك وتجاهلك
على رغد عيشك وأمنك يحسدوك=والله عن الحاسد يحرسك ويكفلك
تمسك بدينك ترى الشر محبوك=وأحفظ " ثلاث " حطها في مخيلك
الفرض وحمى العرض والأرض تدعوك=ما غيرها شي بدنياك يشغلك
وتعيش يا مطلق شرك كل مشبوك=مليكنا اللي بالمحبة نبادلك
حبيت كل الشعب والشعب حبوك=حب نبع من جودك ومن فضايلك
من وين ما بنت أهتفوا لك وحيوك=يا كبر مقدارك ويا كبر منزلك
واليا أسمعوا منك الندى للفدى جوك=أمرك مطاع وطول الله مهايلك
لآن طاعتك من طاعة الله وطاعوك=طاعة ولاء وصمايل من صمايلك
ويوم الوطن يوم به الشعب هنوك=يفرح فرحك وياصلك من تواصلك[/poem]

[align=center]عبدالله المشعلي[/align]

الشاعر المبدع

صح الله لسانك
قصيده رائعه وقافيه غير مسبوق عليها

والوطن وحكامه يستاهلون اكثر

لاهنت يالمشعلي لاهنت