يا وطنا .. بصوت .. الشاعر عبدالهادي المسعودي

[align=center]أضغط على الرابط لتسمع الشيله[/align]
[align=center]http://www.youtube.com/watch?v=hP1pwAeOYSY[/align]
[align=center]القصيدة الوطنية المشتركة [/align]
[poem=font="simplified arabic,5,black,bold,normal" bkcolor="white" bkimage="" border="solid,3,black" type=0 line=0 align=center use=ex num="0,black"]
=.1- عبدالله المشعلي
راسخ حب الوطن عند المواطن=والولاء لملوكنا ظاهر وباطـن
في زخم لحداث وأعلام تراطن=يا وطنا دام عـزك يـا وطنـا
=.2- عبدالعزيز الفدغوش
الوفاء لك والغلا لك والتفانـي=ولك ولانا ثابت ٍ بين المحانـي
لك شموخ ٍ فوق توصيف البياني=يا وطنا دام عـزك يـا وطنـا
=.3- غربي حزام
كلنا في صف واحد محتمينك=بايعين ارواحنا من شان عينك
دام عبدالله وسلطان بجبينـك=يا وطنا دام عـزك ياوطنـا
=.4- الأيمن
عزنا فى طاعه الرب اونبيه=ياخفافيش الحسد والجاهليه
يا ملوك العز يا عز الرعيـه=يا وطنا دام عزك يا وطنـا
=.5- محسن العصيمي
الوطن شامخ وحنـا محتمينـه=عن هل الهفوات والارياء اللعينه
ما يغيرنـا الزمـان ولاسنينـه=يا وطنـا دام عـزك يا وطـنـا
=.6- جهيمان الروقي
دام هذولا جنودك لاتحاتـي=يا ملكنا في ذراك الأمن باتي
من تعدى حدنا جاه المماتي=يا وطنا دام عـزك ياوطنـا
=.7- عوضه الغامدي
علم الحوثي يعوّد خابت امـه=لا يمر حدودنا من كـل يمـه
(عندناسقمه وطاعونه وسمّه)=ياوطنـا دام عـزك ياوطنـا
=.8- أحمد الميزاني
علم الحوثي ترى الدار محروسه=(ولاتفيده فالقا فتوا مجوسه)
وقل له ان الضلع ماتمحيه سوسه=يـا وطنا دام عـزك يا وطنا
=.9- شماخ العرجاني
يا عدو المملكه داني وقاصي =بالمدافع والقنابل والرصاصي
نطحن الخاين ونعدم كل عاصي=يا وطنا دام عزك يا وطنا
=.10- تركي النومسي
( من دخل في حربنا ابطا مانسانا)=وان نسانا زان تذكيره وحانا
وباكر يبين الشجاع من الجبانا=يا وطنـا دام عـزك يا وطنا
=.11- فهد الشيباني
الدول وإعلامها واللي تقولي = حن رجال المملكه عرض وطولي
ما حسبنا اللي يدقون الطبولي = يا وطنا دام عزك ياوطنا
=.12- عادل الأسعدي
المواقف كلها من مصلحتنا=بإذن رب البيت ما قد خيبتنا
محتمين ارض الجزيرة بأسلحتنا=يا وطنا دام عزك ياوطنا
=.13- عيد السواط
سيفي اللي وارثه من يم جدي= (ذاخره لجل العدو لاناش حدي)
ما علينا لو تجيب ولو تودي=يا وطنا دام عزك يا وطنا
=.14- صالح المشعلي
الوطن لا ما نساوم طامعينه=نلطم الباغي ونعمي نون عينه
والعلم في كل قمة رافعينه=يا وطنا دام عزك يا وطنا
=.15- الناااايفه
يا مشرد من بلادك وين غـادي=فيك قلٍ بالعقل والا عنـادي
دار ابو متعب ماهيب اية بلادي=يا وطنـا دام عـزك يا وطنـا
=.16- شقران العجمي
نارد لحوض المنيه مانهابي=ومن نوينا يبشر بذل وعذابي
ما تذريهم جبال ولا هضابي=يا وطنا دام عزك يا وطنا
=.17- محمد سعيد المسعودي
العلم مرفوع فوق الرأس عالي=والبلاد معززه من كل جالي
دمنا دون الوطن ما هوب غالي=يا وطنا دام عزك يا وطنا
=.18- هلال المقاطي
يا وطناَ راسيٍ في كل حـزه=الجبل صلف الهبايب ما تهزه
والعلم ( دونه ) رياجيلٍ تعـزه=يا وطنا دام عـزك يا وطنـا
=.19- عبدالهادي سعيد المسعودي
حن هل التوحيد وأرجال الحميّه=من على وقت العصور الأوليّه
ننطح العايل ولا نرضى الخطية=يا وطنا دام عزّك يا و طنّا
=.20- ابن محماس
من يمس المملكه شاف الهوايل=نعتزي للحرب بسيوف صقايل
ما نــهاب المـوت نلطم كل عايل=يــاوطـنـا دام عـزك يـاوطـنـا
=.21- ماجد الجابري
من نوى بالشر حنا نرتكي له =(لين يقبلها وفي صدره مليله)
(في طريقه يسحب ذيول الفشيله) =ياوطنـا دام عــزك ياوطـنـا [/poem]
[align=center]وتحياتي للجميع[/align]

المشعلي وكوكتيل وطني اشتغل بالفخر ...
صح لسانك ولسان كل من شارك ومن ساهم بهذا العمل ..

تقديري للجميع

صح السانتهم والسانك
وصوت عبدالهادي المسمودي

لكن المقطع وجيز ليه ..؟!


:

كل التقدير

المشعلي


الله يعطيك العافية


وصح لسان الشعراء


تحياتي