يهتز سطح الارض والشعر زالزال!( بصوووت)

اضغط هنا للاستماع للقصيدة بصوت

[poet font="Simplified Arabic,4,black,normal,normal" bkcolor="transparent" bkimage="backgrounds/18.gif" border="none,4,gray" type=1 line=200% align=center use=ex length=0 char="" num="0,black" filter=""]
يهتز سطح الارض والشعر زالزال=زلزال في شرق اسيا يشبهه حيل
شعرٍ يخلدني على مر الاجيال=يبقى على مر الزمن مابقى سهيل
لاقلت بيت من الصدى ردت جبال=وما استبعده يلغي شعر كل هالجيل
وان ما شهرني وانضرب فيه الامثال=ماقول حرفي شمس وحروفهم ليل
ياقاري حروفي و يا طيب الفال=اربط حزام الدهشة بكف تحليل
شعري نوى يمدح غزيرين الافعال=الوافيين الشامخين الحلاحيل
اللابة اللي فعلها يسبق القال=مثل الرعد يسبقه برق المخاييل
الموت كنّه عندهم شرب فنجال=والخوف ماله فالحنايا مداهيل
مثل المحيط اليا ضرب موجه الجال=غريمهم شاف الغرابيل والويل
وصبيهم ينطح ثلاثين رجال=وقت اللقا له ضربةٍ تسقط الخيل
كل الدواسر ياهل العرف ابطال=فعل القبايل غصن وافعالهم سيل
واخص منهم عمي معرب الخال=طير الهدد ذيب الجلد ذابح الحيل
المجلس اللي للمناعير مدهال=من عقبه اصبح (حاتم) بعيني ابخيل
هذاك ذكره بدل الياس باامال=وهذاك ذكره كنّه الشمس بالليل
والطيب لو له هامة اتطاول اجبال=تصير ساس لطيب راس الرجاجيل
مادام فزعة لابتي روس الاموال=والنخوة بعمي هي ذخر المقابيل
لاقلت ابن زايد من الوقت لامال=تضحك لي الدنيا ويتعدل الميل
ماهو غرورٍ لكن الحق ينقال=انا شموخي عانق الجدي وسهيل

خالد الودعاني الدوسري
[/poet]

خالد الدوسري

صح السانك يابن العم على هذه الشامخة ...

تقبل تحياتي

الشاعر خالد الدوسري


صح لسانك ملايييييييييييييين يالقرم



قصيده جزله تدل على طيب شاعرها



لك تحياتي

العزوة: مشعي

تواجدك بحد ذاته يكفي

دمت بكل الخير

خالد