محاولة.. أرجو التقييم

[ولد راشد]

السلام عليكم ورحمة الله

هذي إحدى محاولاتي الشعرية.. وأرجو من الاخوة الشعراء تقييمها وتوضيح الخلل إن وجد


حين الفراق وبعد لحظة وداعه ** حزني انا ياناس هاليوم زايد

مثل القمر شخصٍ حميدة طباعه ** فالهين شريكي بعد فالوكايد

ما احتمل فرقاه لو ربع ساعة ** في سوقه أنا دوم اكبر مزايد

خلي غدا لنجٍ ورفعوا شراعه ** ماضي وتزفه رياحٍ شدايد

شملي تشتت بعد كنا جماعه ** وليوم الحزن للفرح صار صايد

من حر جوفي صار كن بي مجاعة ** نسيت لذ النوم وحياة الرغايد

لكن بإذن ربي بيوّد ذراعه ** وبقعد مع الخل نقرا الجرايد

يا خوي كلما جيت أ قـيم هـذ ه ا لأبيا ت ضحكت على سا لفة ا لجرا يد ..........
لي عود ه إ ن شاء الله

السلام عليكم ورحمة الله وبركاته

الأخ / ولد راشد

محاولتك الشعريه جيده .. ولكنها تحتاج لبعض التعديلات

عندك القافيه جميله

لكن الوزن مره يصيب ومره يخيب

البيت الأول : سليم

البيت الثاني : الشطر الثاني فيه خلل

البيت الثالث : سليم

البيت الرابع : انت شبهتها باللنج عشان تصيد الشراع .. لكنك ظلمتها وظلمت القصيده بهذا التشبيه

إذا مصمم على الشراع .. ممكن تقول :قلبي غدى لنج ومدوا شراعه .. أو .. حبي .. أو ..عمري ..وتكملها وانا اختك

والشطر الثاني مكسور : شيل (وتزفه ) وحط (وتلعب به) وشوف الفرق في الحالتين

البيت الخامس : شيل (صار ) وحطها قبل ( الحزن ) ويضبط البيت

البيت الأخير : غيره على كيفك لتكمل قصيدتك

ولاهنت
تحياتي

عزيزي ابو راشد

اكثر من القراءه والحفظ وستصل فمشوار الالف ميل يبدأ بخطوه واحده

اخوك

فراج العــــــــريدي