المراسيــــــــــــــــل !!

[خالد الاسمري]

اتمنى ان تصل قصيدتي لذائقتكم

ودمتم



المراسيل



ابطيـــــــــــــــت ياقلبي تحــــرا المراسيل

من ناس تستكثر عليك الرساله

غرامـــــه الليـــ كحل العين تكحيــــــــل

مات الغرام وباقياتٍ ظــــلاله

لــو هو بكيف العيــــن ماتسهـــر الليل

ولو هو بكيف القلب وثــق حباله

يلومني في حب (..... ) العواذيـــــــــل

والعاذل المهبول مالي ومـــاله

من دار زايـــد لين تقبل على النيــــل

كل الحظر والبدو مابه جمـــاله

بعض الغرام يهد حيــل الرياجيــــل

وبعض الغرام مراهقات وجهـــاله

ياطير ياللي بالسما دوك بالحــيل

احملك للزين مني رسالــــــــــه

انثر سلامي فوق قصره مع الليـــــل

وانشهد عن اعلومه وعن حال حـــــاله

قله دموعي عقب فقده همــــــــــاليل

اتبع سراب اللال رجوا وصـــــــاله

ماغير اسامر ضحكة الجدي لسهيــــــــــل

وانوح له لو مر يمـــي خيـــــــــــــاله

اتعبت نفسي في زمان الغرابيل

لامر يومٍ قلــت باكر وصالـــــــــــــــــــــه

عهدٍ قطعنا في زمـــان المواصيل

مات العهد والا عهــــــــــوده سهـــــاله

وقله تراها جيته جيت السيــــــــــــــل

ونا وقلبـــــي والقصايد حلالــــــــــهــ



وسلامتكم

[سعد بن شليه السبيعي]

الاخ خالد الاسمرى صح السانك قصيده جزاه من شاعر جزل





تقبل تحياتى

مساء الخير...

أخوي\ خالد الأسمري...


صح لسانك

ولأهنت

بتوفيق والى الأمام أنشالله

تحياتيييييي

أخوك........

بوسعد

خالد الأسمري


بعض الغرام يهد حيــل الرياجيــــل

وبعض الغرام مراهقات وجهـــاله




قصيده جميله وشاعر اجمل


لاهنت ياخالد


تقبل ودي واحترامي

خالد الاسمري


صح اله لسانك ،،

بعض الغرام ايهد حيل الرياجيل ** وبعض الغرام مراهقات وجهاله


لاهنت

وننتظر جديدك

[align=center]السلام عليكم ...


الله الله يالاسمري



قصيدة ولا اروع


ولا اجمل


ولا أندى منها


قصيدة في قمة الذوق يا ذوق


لا هنت يا بعدي وصح لسانك


فهد بن محفوظ [/align]