بعد الفقر حطت شريحة وجوال

[Unregistered]

قصيدة للشاعرشجاع بن عبدالله السواط
بعد الفقر حطت شريحة وجـوال
يسعد مسـا جوالهـا والشريحـه
كانت تجيني تشتكي قلـة المـال
وتصيح لاجا طاري الفقر صيحـه
تقول أبويه دايـم الـدوم رحـال
وأمي كبيـرة سـن دايمiطريحـه
وأنت الوحيد اللي لك القلب ميال
دايم يصارحني وأنا له صريحـه
طفله وأنا معشوقها بين الأطفـال
جريح حب وطاح له في جريحـه
كنا سوى نرسم على التربه آمـال
وأحلام تقتلها الحيـاة الشحيحـه
كم دمعةٍ كانت على الخـد تنهـال
وإذا نزلت ضاقت على الفسيحـه
الله كم صرخة وهمسـه ومـوال
الله كـم جـادت علينـا القريحـه
نخيل لوما في السماء برق وخيال
وأقول أنا (عبدالله) وأنتي (مليحه)
تقول لا حطيت لك بشت وعقـال
وسخر لك الرحمن عيشه مريحـه
أخاف تتركني على عثـرة الفـال
للفقـر ووجيـه الحيـاة القبيحـه

وحبيتها بيـن الخلايـق والأزوال
حبٍ يطول الوقت محـدٍ يزيحـه
وسلمتها قلـبٍ تباريـه الأهـوال
وطاح الخفوق وطيحة القلب طيحه
راحت وخلتنى مع القيل والقـال
شاعر صواريف الدهر تستبيحـه
ودار الزمان وغير الحال بالحـال
وجاها الزمان بكل ورده وشيحـه
فلة وخدامـه ولكـزس وجـوال
وأنا عجزت أدفع رسوم الشريحه

ياسلام ياسلام


مبدع مبدع


صح لسانك مليووون


لاهنت ياشجاع


تقبل تحياتي

تسلم يمينك اخوي ولاهنت

وصح لسان الشاعر شجاع

قصيده رائعه وتواجدك رائع

تحياتي

اخوك خالد

صح السان الشاعر شجاع

ولا هان صاحب الذوق الراقي ناقل القصيده

الأمل

يامرحباا ياضيف

صح الله لسان شاعرهااا
بنسبه الى القصيده قد نسبة الا اكثر من شاعر ولا ادري الان من هي له هل انت متاكد اخي الفاضل ؟


وتقبل تحيااتي ،،