دون الحباري .......

[ابن فارعة]

هذه قصيدة مقناص لوماهو وقتها لاكن عساها تعجبكم

دون الحباري كيف ياسعيد باعيش //// والعين منها قام يقصر نظرها
عقب البطا عقب التعب والمغابيش //// الله يروينا على القاع ثرها
ولا جلعت قدامنا تكفخ الريش //// اللي يفك الطير واللي سبرها
كبودنا قد هي عليها معاطيش //// ولا جابها قدامنا الا قدرها
وحول القفيلة والغواميس والريش //// وأرض العقير تربها وتعبرها
ومادام راسي يقدح النار ويطيش //// نذرٍ علي لاخبرك وش خبرها
لعيون من كاشت على الزين تكويش //// والى اسبرت محدن يضيع سبرها
ام العيون اللي هدبها مراييش //// سبحان خالقها وخالق بشرها
لاوقفت توجع الساق بشويش //// والى مشت يرقا الوجع في ظهرها
نقشت حبة داخل القلب تنقيش //// نقش الحروف المبهمه في صخرها

واسمحولي على التقصير
عساها ان تعجبكم تقبلوا تحياتي

ابن فارعة

[c][/c]


[c]هلابك معانا منور المنتدى بوجودكم[/c]


[c]صح لسانك ولاهنت [/c]



[c]نشكرك على المشاركه وبانتظار القادم[/c]



[c][/c]

ابن فارعه


لاهنت على هذه القصيده



وفي انتظار الجديد




خالد عتيق العتيبي

مرحبا عدت هل السوق في يوم الخميس**عد من زار المفيرق على طول النهار

يا مرحبا بك يا بن فارعه تشرفت بقرائتي لذالقصيده الشامخه والفارعه والجزله,,,,

لاهنت وصح الله لسانك وفي إنتظار الجديد,,,,

تقبل أعذب وأرق تحيه مني,,,

إخيك:سعد آل كاظم,,,,

مرحبا عدت هل السوق في يوم الخميس**عد من زار المفيرق على طول النهار

مرحبا يا بن فارعه وتشرفت بقرائتي لذ الشامخه الفارعه الجزله,,,

لاهنت وصح الله لسانك وفي إنتظار جديدك طال عمرك,,,

لك مني أعذب وأرق تحيه,,,

إخيك:سعد آل كاظم,,,,,