ان باعو الشيمة

[سويدان المري]

قصيدة ثانية للأمير السديري

[poet font="Simplified Arabic,14,black,normal,normal" bkcolor="" bkimage="" border="none,2,gray" type=2 line=200% align=center use=sp char="" num="0,black"]
إن صـار زود المال بيدين الانـذال = حنـّا مـن المعـروف تندا يدينا

وان كانهم شرهوا على طيب الافعال = حنـّا وردنـا جـمامها وارتوينا

وان فكـّروا للجـود يمشون رحّال = حنـّا قبـل يمشون يـّمه خطينا

يـا مـا لبسنا للشرف كـل سربال = وعلـى البسيطة للفضيلـة مشينا

فـي دوحـة العربـا لنا مجد وظلال = وحنـّا علـى در المكـارم غـذينا

لـو نـجمع اللي فات منا مـن المال = إن كـان شيدنـا القصور وبنينا

نـعطي ولا نـتبع عطانـا بالاقـوال = ونبـذل ونسكت كنـنا ما عطينا

وان باعـوا الشيمـة بديـنار وريال = حنـا دخلنـا سوقهـا واشتـرينا

نطلـع لها لـو هي على روس الاقذال = لـو هـو عسيـر ٍ دربها ما انثنينا

بـافعالنـا نرسم دروب ٍ للاجيـال = إلـي نساهـا غيـرنا مـا نسينا

أسـود سـادات ٍ تسجل للاشبـال = فضايـل ٍ شـمنا لهـا واهتديـنا

بـيض ٍ نسجلهن جديدات وسـمال = حـفايـظ ٍ لاحفادنـا اللاحقيـنا

نصبـر على الشـّدات لـو شيلنا مال = لـو سـال دم دفوفـنا ما شكينا

نـخاف يلقـى سـدنا كـل ختـّال = ويـبني هـزيلات المعانـي عليـنا

الليـل يـا خالـد علـى والدك طال = وهنـّيـت ناس ٍ بالكـرا نـايمينا

يا عـز راسـي شفت مـا خبث البال = شـي ٍ يهـوّل شيـّب الـجاهلينا

شـي ٍ مـن اسبابـه يشيب بالاطفال = فطّـر خـشوم مهجـرعات الحنينا

أديـر قـالات ٍ عريضـات وطوال = قـالات خـلنّ المخفـىّ يـبـينا

منهـن رزيـن العقـل بالوقت يهتال = بـوقت ٍ عبـوس ٍ فطّـن الغافلينا

وقـت ٍ من اسبابـه شكى كل ريبال = نصبـر ونسكـت كنـنا غايـبينا

النـاس بـالأيـام راحـل ونـّزال = وتفجعهم الدنـيا وهـم دالـهيـنا

وحـيـات رب ٍ نزل آيات الانفال = عـالـم خفايـا نـية الحاقـدينا

ما اترك طريق العدل في كـل الاحوال = لـو يـرحـل المـريـخ للفرقدينا
[/poet]

الأخ سويدان المري

تقبل مني خالص التحيه شكرا للزيارة واختيار موفق ..

تحياتي

[علي بن مشرف]

بسم الله الرحمن الرحيم

لاهنت ياسويدان المري



هذه القصيده تعتبر من عيون الشعر




ان دل يدل على ذائقتك العاليه فنتظار المزيد منك

اخوي سويدان المري

الله لا يهينك

واختيارك للقصيده يدل على ذوقك السامي


تحياتي لك

اخوك عبدالمحسن المري

الا خ سويدان المري

لا هنت طال عمرك وصح لسانك ورحم الله الشاعر مات ولم يمت ذكره الطيب وحكمته الشعريه العطره .

اجمل تحيات
اخوك ابو عايض ..

اخوي سويدان المري

الله لا يهينك

واختيارك للقصيده يدل على ذوقك السامي


تحياتي لك


هذه القصيده تعتبر من عيون الشعر

لاهنت وسلمت على النقل الرااائع

ننتظر منك كل ماهو راااااااااااائع وجديد