نقد .. كاريكاتورى.....I hope لا احد يزعل :)

مرحبا

مليت من السوسيولوجيه الي رجيتكم فيها وربطها بالزمان والمكان الشعري أتعبتنى البنائيه اللغويه وثنائيه اللفظه التى لاحقتها في النصوص مليت اقنع الكثير بمبداء العمليه الشعريه التى تجري في مستوى اللغه الصوتى والدلالىوربما مل الكثير باقناعى....الخ ايش رايكم نغير الجو شوى ولكم الحريه في مواصله هذا النقد الجديد ام التوقف بمجرد قولكم توقفي يا سحايب لن اكمل صدقونى وايضآ للمنتدى حق الحذف اذا كان تجاوز النقد الحدود
ــــــــــــــــــــــــــــــــــــــــــــــــــــــــــــ

** شاعر حط قصيده لا والفجر بعدوالناس هجوع وماكن به الا عضوين وثلاثه زوار
بسم الله وصل عدد الزوار في العشر دقايق الاولى 120 زائر
شوى بعد ربع ساعه صك 299؟ الابديت شغال ؟ مدري العداد ؟




** شاعره رجتنا مابقى وظيفه ماحطتها مدري مهندسه مدري رساله الزماله معها غير انها تعيد وتزيد مغروره وحلوه وعيونى وجبينى وشعرى وظافرى ومدري وشهو قصايدها مدري من اي صالون مطلعتها وكلها على نفس الشكل يا ختى ملينا غيري شوى



** شاعر ذبحنا كل قصايده فيها دلال وقهوه وتقهويت واشرب من الدله وان بعد راح لزق بقصيده ثانيه هيل؟
وانا اجزم انه رغبه لاشعوريه بدخول كوفي شوب انتر نت




** شاعر مشاء الله اسم لامع ومشهور تواجد بمنتدى كاسم والناس ترد وهو يرد
حتى انا مشت علي ورديت عليه فرحانتن بوجوده....وصفط
اثريه مايعرف وش الكي بورد حتى واكره ماعنده الانتر نت !!
مدري من الي يقوم بادور البطوله كل مره





اكمل ولا .....





اتمنى ان يؤخذ ماسبق على محمل المزح وليس القدح



شاكره للجميع


سحايب فيصل

*** انا وهو والان هي اذا ثلاثة اعضاء وبعدين فالعشر الدقايق الاولى 89 زياره فقط وثلاثة زوار فقط!!!!



*** بعد مرور شهرين و37 يوما بالكمال والتمام ال .. انهــ ب

ــ ل؟ !!!!!


لكن.........!!!!! اكمل............. ولنا حديث


ان طاب وطال المقام


تحياتي

هلا والله بناصر


شكلك حاضر الوقيعه امس

انتبهت؟ لزوار over publataion


هلاااااابك يطول ويطيب المقام


سعيده بتواجدك في متصفحى ويا هلااااا مليون

اما عن الشاعر الاول

الله يخلي f5 Refresh


اما عن الشاعره

امتنع عن التصويت


اما احالة الثانية
ياكثرهم ويا قل بركتهم


اخوك

القريشي


قل ودل


قل ودل


قل ودل

شاكره لك الحضور

بس الله يهديك وشبك ممتنع عن التصويت؟ هذا وهو تصويت
كيف بله لو قلنا حيلك بهم



هلاااااابك مليون

نقد كاريكاتوري00


الأخت: ســــحايب

أنامادخلت هالمنتدى الا من كم يوم00 فـلا أسـتـطيع تحديـد المقصود ولا كن يبدو أنـهم كالتالي :0000

الأول:تقولي وصل زواره 299 00 فـيـديـنكم معه ياجـماعه وخلوه يوصل لحلمـه ال00(999) ويكون طلع من الانترنت كله برقم مميز مدام قصائده ماحققت التميز !!!

أما الشاعره فيبدو أن كثرت تغيير العدسات أثرت على المسيكينه فصارت ترى ترى قصائدها على حسب لون العدسه 00 حتى صار عندها أختلال في الشبكيه الأمـر الذي شبكها بالأنترنت بالخطاوتحسب الناس فيه ينقص عليهم 00 وتاليتها عيادات المغربي وتطيب انشاالله

. أما شاعر الدلال فحسب ماذكرتي ماناقصه الى زعفران وعطوه مستكه في جيبه ويشوفله مضارب ثانيه

وبعدين هذولا منكم وفيكم وسعو صدوركم عليهم 00 ولا للمجنون الا أهله00 والا الرباط

الاخت /سحايب



مساء الخير الله الله يعطيكِ العافيه


على فكره انا ودي اجاوب ومدام الدعوى مزح بمزح رمضان

كريم...


- الاول العداد يعرفه انا متأكد بس كشفتيه لناوها المره

نعديها اما الثانيه نقول( على مين تلعبها )



- الثانيه: اعتقد انها مالقت وظيفه ومسويه دعايه على

شان تتوضف.



الثالث: مدمن قهوه وتأثرت القصايد من كثر ماهو مدمن

بس قاعد يسوي لا تلومينه..


الرابع: اكيد انه رجال يستحي وهقوه ويوم شافوه اخذ

الجو عليهم


انسحبو ويمكن مايعرف يكتب بعد.):






تقبلي تحياتي ):

هلا والله معدى المرقاب


انت زدت على اللذعات ....؟


تحياتى لك وشاكره لك الحضور

هلا والله خلف العايضى


قلمك روحه مرحه


لا عدمنا هذه الطله


تحياتى لك


ولقلمك

الناقده والشاعره الكبيره سحايب,



تحية طيبه وبعد,


الحقيقه تكون مؤلمه احيانا ولكن لابد من التدخل الجراحي ومن مبضع الجراح لإستئصال الأورام الخبيثه في بعض الاحيان.




*صاحب ال 299 زائر حقيقه وكنت على النت عندما كان موجود وهذا يجعلنا ثلاثه, انتي وانا وناصر النفيعي الذين حضروا الواقعه



وأعتقد اني رأيت بعض من تنطبق عليهم توصيفاتك ولكن الكمال لله, كلنا لنا عيوب وأشعارنا واساليبنا عليها ماخذ كثيره....



أحيي فيك هذه الروح المرحه والمعالجه الغير تقليديه في النقد.....



تبقي سحايب قمة من قمم الادب والنقد في الخليج العربي في هزلها وجدها....




اخوك,

استاذي

سعيد الحمالي


لاول مره تخط هذه الكلمه لاننى لا احب الاستاذيه ولكن اتوجها

لك لباعك الطويل وثقافتك العاليه التى تمخضت في كل جانب سواء شعري او نقدي او اخلاقي



شاكره لك الحضور والمؤازره

الله الله الله الله الله الله الله الله الله الله

بسم الله الرحمن الرحيم ..


اولا صبحكم الله بكل خير


بنسبه لما تطرقته الاستاذه \ سحايب

فاشكره جدا جدا اذا دل هذا دل على متابعته بالمنتدى 24 ساعه









...





الاول بنسبه لعدد الزوار اتوقع زاد زائر فلاونه الاخيره

فانا اعتقد انه ((شاعر قادم بقوه ) .



والله مدري وش اقول لاكن الله يرزقه ان شالله


وعلى ماتوقع انه ميحتاج لعدد الزوار المهم هم الفئه التي تستنشق من الابداع وتسج من الخيال .









ثاانيه .


هذي لازم تزور طبيب تجميل على شان يزودها بالمعلومات كي يغير نمطها ..







ثالثا


هذا شاعريحليله يعرف يقصد غيره مايعرف شي (مو شي )
ولابد انه يكيف قصيده مثل ماتكيف ادله راعيها










رااااااااااااااابعا

ً
لاااااااتعليق...




.




.






.





.




.





.




.


اختي سحااااايب .

هل تعلمين ان موضوعك فيه فائده تصل الا 100%100



تقبلي قائق احترامي .



العنيد

هلا بك العنيد


الوقوف عند كل نقطه ومناقشتها من قبل قلمك

يطريقه جاده وساخره اعطى الموضوع حيويه اكثر من قبل






شاكره لك هذه النفس الطيبه و المتابعه الواعيه

التى لم تخلو من المرح



لا عدمنا هذا الحضور والتواصل يا العنيد

أختي الشاعره القديره هنوف الشعر,


إسمحي لي أختي الفاضله بهذه المداخله البسيطه,


كنت قد قرأت أصل الموضوع من أول ما نشرته الأستاذه سحايب, ثم قرأت ردك بعد قراءة ردود الأخوان جميعاً, وأحب أن اوضح للجميع بعض النقاط الهامه.


أولا:
موضوع الأستاذه سحايب موضوع نقدي بروح فكاهيه مرحه وأعتقد أنها تعي ما تكتبه جيداً وأنا وإن كنت لا أوافقها في أسلوب طرحها تماماً فإني لا أخفي إعجابي بفكرها وأخلاقها ونبل رسالتها.
موضوعها وإن كان ربما يصف كثير من الشعراء ولكن ليس بالضروره في هذا المنتدى , الظواهر التي تحدثت عنها موجوده في كثير من المنتديات والساحه الشعبيه ككل.

وأقسم لك بالله يا هنوف بأني شككت بأن أحد الذين وصفتهم في أحد مواضيعها ينطبق علي ولو كنت أخذت الموضوع بحساسيه لتصرفت أو رديت مثلك.


ثانيا:
"هنوف الشعر " إسم غني عن التعريف وشاعره لك ثقلك وأسلوبك المميز ولك جمهورك ولن ينقص من قدرك أي نقد أو تهكم هذا إذا فرضنا جدلاً بأنك المقصوده بالموضوع النقدي وأنا أستبعد هذا يتاتاً لانك لو قلت عن نفسك مهندسه أو حتى برفسوره فمن حقك لأنك كفو..

ثالثاً:
تأكدي أنتي وكل عضو وزائر لهذا المنتدى باننا لا نرضي بالتجريح الشخصي لأي شخص سواء كان عضو أو غير عضو ولكن هناك مساحة للحريه لا نحب أن نتدخل فيها ونريد إعطاء الجميع حرية التعبير والنقد والإبداع مادام ملتزماً بشروط النشر واداب الحوار , وسحايب لم تتعدى هذه الحدود في موضوعها ولم تتطرق لأحد بالإسم لذا فإن موضوعها لم يشطب وإذا كان هناك حزازيه أو زعل فنحن نمون عليكم جميعاً ومستعدين لحل أي سوء فهم ولا أعتقد بأن عندك أي سوء ظن في الاستاذه سحايب كما أني متأكد بأن سحايب تكن لك كل تقدير وإحترام ولا يمكن أن يكون هناك أي شي لديها ضدك.

لذا فإني أرجو من الجميع الإلتزام باداب الحوار وأنا اولهم وأن نحسن الظن في بعضنا.


وصدقيني الدنياما تسوي وحنا كلنا ما جمعنا هنا الا حب الشعر والادب ويجب علينا أن نتكاتف ونتعاون للنهوض به فنحن أولا واخيرا نتشارك في هواية عظيمه نبيله و يجب أن ينعكس هذا علينا إيجابيا بالحب والإخاء...






أخوك,

اختي عزيزتي //////سحايب\\\\\\\\\\





مساء الخير الله

الله يعطيكِ العافيه


- الاول العداد يعرفه انا متأكد

بس كشفتيه لناوها المره

نعديها اما

الثانيه اعتقد انها مالقت وظيفه ومسويه دعايه على

شان تتوضف.



الثالث: مدمن قهوه وتأثرت القصايد

من كثر ماهو مدمن بس قاعد

يسوي لا تلومينه..




ولباقي باقي تحياتي