مشاركتي بين أيديكم

[align=center]أحبتي أعضاء النداوي وأساتذتي
أضع بين أيديكم مشاركتي التي
ألقيتها على لجنة شاعر المليون
وقد حصلت على الأجازة منهم
ولكن يبقى رأي أخواني أعضاء
هذا الصرح الشامخ


أبو ظبي من زود جوده حامد
تغيب الأسماء ولا يغيب محمد

أبوه قـبلـه كـان مــده واجــد
يـوم أن غيـره جمـر جـوده رمـد

يبقى سراجه للبشر مـتواقد
وفرقاه جرحٍ مايطيب أن ضمــد

فعساه للغفران بـونا زايد
وعساه فـي دار النـعــيـم مـغمــد

ويعيش بو سلطان وأبو خالد
سلايــل العــز التلــيـد المنــمـد

ورثوا عوايد وذي عوايد قايد
ورثهم الناموس والعز والمــد

مداتـهم تحـيي الهـشيم الخامـد
وطلاتهم تحيي الصحاري الهمد

فياالله طلبة من لوجهـك ساجـد
بعد الصلاة على النـبي محمــد

تحمى بلدهم من ردى اللي حاقد
ويصير دمه في العروق مجـمد

وتنصر بهم دينك وكل مجاهد
لأنهـم حماة الديـن ياوافـي الـمد



شعر غريب الشمراني
Im-vip-1@hotmail.com

عــقد لول
تعانق الغيم وإحساس القصيد وسرى
إلين خـيم على دارالظــبـي والزحـــــــول
ارض الفلاحي عساها في نعيم وثرى
اللي القـصايـد تـوالى فـي غـلاها فـصــول
ذعذع هواها وقلت بخاطري ياترى
لوجيت أبكتب قصــيده لجلهــا وش بـقــول
فياهاجس الشعرلاتبخل وأنا في حرى
قصـــــيـدةٍ مـن تـعـابــيرالمـحـبه تهــــــول
والله يجملني أكتب لاجلها لجل أرى
أحساسك العذب لويمطر يلاقــي قــبـــــول
أبغيك توصف غلاها اللي بدمي جرى
وأنها على خاطري في كل حزه تـجــــــول
فماهي بحبٍ قديم أشتقت له من طرى
إلاغـــرامٍ تـمــكــن داخــلـي مـا يــــزول
ولاهي بداري ولكن هي وداري قطرى
أشــتاق وأحـن لـثـنـتـيـن عــرضٍ وطــــول
تقاسمـوا قلبي الثـنـتـيـن فيه أخشـــرى
ولا يــنقـص غـلاهــن داخـلـي مـن عـذول
الأوله داري اللي بأرضـها أم الـــقرى
الـلي طـلـع من ثـــناياهـــا مـحـمــد رســول
أمجـادهـا خـالــــده بروحـــنا تـنشـــري
وحكامها هم حماة الـدين رجـح الـعـــقـــول
والثانيـــة دار زايد لو ســـكـن بـالـــثرى
يـبــقـى كـمـاغــيـمـةِ هـتــانهـا في نــــزول
خيره على الناس في كــل الــدول ينقرى
وماينجمع في معـاجـم لأنه شخـص يهـــول
أسطورة الــقرن واللـــي ما ألــتقابه درى
الــوقت ماعــظـم إلا من يـديــنه تــطــــول
ولويرجع الوقت وتــعــود اليـــالـــي ورى
الكــل يرخـص حــياته بـس عمـره يــطـــول
لكـــن لله حـكمــــه هـــــوخلـقنـــا وبـــرى
يبـقى له الـحـكـم واللي غــير وجـهـه يــزول
فاالله عسى جنـة الفـردوس دار وذرى
للي جـمـع سبـع إمـاراته كما عــقـد لول

شعر : غريب الشمراني
[/align]

ارحب ياغريب
وكل عام وانت بخير
ولاعجمت ولاهفيت ياكحيلان
والله يوفقك

غريب الشمراني


كل عام وانت بصحه وسلامه

صح السانك على القصيده الوافيه

ولاهنت


::
تقديري

غريب الشمراني
كفو كفو كفو
قصيدتك تستاهل الاجازه مثل ما راعيها يستاهل الدخول الي قلوبنا
ماشاء لله تبارك الله عز الله انها كفو وتجمل يالشمراني

تقبل مروري يالقرم

غريب الشمراني

.
.

صح قلبك ولسانك . نبض رائع وبالتوفيق لك أن شاء الله .

.
.

مودتي لك .

أخوي الكبير بو مقبل كل عام وانت طيب
وشكراً لتواصلك

ارررررررررحب يابو ولايف



صح لسانك ملايييييييييين


وتستاهل البيرق واتمنى لك التوفيق

اخوي عبدالهادي الله يحيي ذا الطله
كل عام وانت طيب
اسعدني تواصلك
الله لا يهينك

أخوي فيصل الوعيلي
ماعليك زود
يعلم الله أنه من حسن حظي
أن يكون لي سند
وأخ وأستاذ
بحجم فيصل الوعيلي


تقبل صادق مودتي
أخوك الصغير غريب
أبو ولايـــــــف

يبقى سراجه للبشر مـتواقد
وفرقاه جرحٍ مايطيب أن ضمــد

الله يرحمه الشيخ زايد بقت اعماله الطيبه

جميل هالبيت صح لسانك قصيدة محبوكه وتمنيت لو زادت ابياتها

تعليق بسيط وليس نقد وتحليل بحسب علمي ومتابعتي للجنة شاعر المليون انهم يجيزون الشعراء دون توضيح منهجيتهم في البدايه واذا كانوا على المنصه والتصفيات تتضح ذائقتهم في نقد الشاعر وقولهم غرض مدح او رثاء مواضيع مستهلكه اللجنه نمطها الان تجديدي واتضح من اول حلقه لاحظ هذا الامر ياغريب في الحلقات القادمه

تقديري واحترامي لك

عبدالرحمن السمين
حي هالطله
لا عدمتك
لك خالص شكري
لتواصلك

المرحب باقي
يابو مبارك
لاهنت وتسلم
يابعدي

الناقدة والشاعره والاخت
سحايب فيصل
لكي جزيل الشكر على تواصلك
وتوجيهاتك سعدت بها


أخوك ابو ولايف