لستُ بعنصري ولكن

[align=center]نعم أيها الأحبة لستُ بعنصري 0 وأمقت المتعنصرين وما دمت كذلك يجب عليّ قول الحق دون مؤاربة

في شاعر المليون عدد ضئيل من الشُعراء وبعضهم خرج بسبب الألية _المادية_ أو لأسباب تعلمها اللجنة بالطبع

وليس هذا بمعرض الحديث

فكل ما أردت قوله هنا أن لم يُفز هذا الشاعر بالبيرق وتوابعه 0 فسوف يتحول الجمهور في العام القادم إلى برامج مالكم إلا "هيفاء"


ولن تجدي الدعوات المتكررة بفالك المليون وفالك البيرق وفالك اللجنة



هنا شيء من شعر ذلك الرجل الذي أن فاز فأني أرى انه الوحيد الذي من الممكن أن يحفظ للبرنامج ماء الوجه أن تأكد ذلك !!!




---------------------------------------------------------------





















سنين وأسراب الطيور (اتـْدلّ)الأعشاش وتضيع!
..... وأنا الوحيد اللي رجع عشرين عام مْن الغمام!
رجعت أدوّر صوت جدي والمواسم والربيـع
...... ليلة ورى ليلة ورى ليلة.. قبل عصر الظلام
وصلت منهك والوله يجتاحني لحظة وأطيع:
.... للطين ، ظلْ النخْل ، ريح الهيل ، تهديل الحمام
رجعت وحدي مالقيت إلا غيابات الجميع!
..... وجلست مع نفسي أدوّرني ورى طين الكلام
أركيت ظهري واسترحت وقلت في نفسي ببيع
... صوتي لوحدي واختنقت ومت من قلّ الزحام!
هذا أنا راجع من المستقبل المُر الفظيع
...... طفل ٍعلى وجهه تقاسيم البراءة والغـرام
واتذكرّك : ويشيخ قلب .. وبابك المقفل صريع
..ماحدّثتْه الشمس عن وجهي ورمشك مستهام!
الماضي أجمل .. وانتظاري جف واتأخر ربيـع
....شكلي ابـ اتقدّم عبث..عشرين عام مْن الظلام!






وله أيضا





من اللي قَال مَال الشِّعر وقفة لاجل تنهيدك
........... من اللي قَال تنهيدك قصيدة شعر ما تُكتب ؟!
أنا ماني على قيد الحَيَاة اللي على قيدك
........... أنا قيدي حَيَاة ٍ لا اسْتَرحت ابْهَا بديت أتْعَب!
مواعِيد الوصل في يْديك يامَا أكذب مواعِيدك
.......... وأنا لو إني أفهم بعض كِذبك..قلت لك تكذب!
تْبَّعِد عن وِصالي والمواصل خاتم ٍ بـ ايْدك
........... أجل ليتك حَبيبي من بعيد إن كنت ما تَقـْرب
ثلاث أيام أو حول أربعة ما كنت في عيدك
........... جَلست بمُفردي..بيني وبينك كنت أبي أهرب
أَشبّهك بصباحي ..مغربي ياصعب تحديدك
.......... مادامك شَمس تَطلع في سمَايَه ما لها مَغـْرِب!
قم اسأل باقِي الأحلام عَنّي يمكن تْفِيدك
.......... نَعَمْ قلت الك يمكن!..كان ما فَادَتْك لا تَغضَب!
خَطَاك إن العَتب صَعب ٍ عليك وقَادر يْكِيدك
........."صدَق مِن قَال : خِلك يَجْهلك..لو مَا قدَر يَعْتب
أحبك من شتاي اللي تَرَمّد في مواقِيدك
............. وعُمْر ٍ ولّعَت كَفْ الليَالي نَار بِه..واشتَب!
وَ لا أقول الرِّضَا قمّة عَذَابك قَبْل ما ارِيْدك
............ أقول إن الرِّضَا نَهْر ٍ لك بقلبي عَجَز يَنْضَب
عَذَاب ٍ مِنك ما قصّر غَلاك إلا بدا يْزِيدك
............. بعين ٍ قصّرَت في شوف غيْرك..فِيك تِتْعَذّب
هَلا بأشهى ربيع ٍ مِن غصونك لا عَناقِيدك
.........تْقول ان الغصون مِن الخَجَل عنقودها مُعشِب!
لعمْري ماني بْوحدي بنِيرانك بتسهِيدك
................ ولكنّي قدرت أغسل عيونكْ كلها بالحُب
هلابك مَسْهَلين الأرض أرضك..(اعتبر بْيْدك
........... حَنَايَاي النحيلة) يا نَحِيل الخصـْر يا مُرعَب
كأنك لا رجعـْت أو مَا رجعـْت بصمت أغَارِيدك:
......... قميص ٍ في جفن يَعقوب ردّ الشوف بإذن الرب
سكوتك عن سكوتك ما يْشابه دون أنَاشِيدك
........ سوى موت ٍ تَعلّق في فَمك..وشلون لو تسهب؟
أقدّم عذر عن عذري كذيّا ماني بميدك!
......... وأثر مِن يعتذِر من نفسه لنفسه حقيقة : صَبْ!
وأنا شِعري قصيْد ٍ مِن قصيْد ٍ شِعره يْعِيْدك:
................ لقندِيله، لنوره، للخَطَا، للذَنْب، للمُذْنِب !
إذا هاذي قصيدة فالفَضل يَرجع لتنهِيدك
.................أنا مِن عَام أبي أسمع تَنَاهِيدك..أبي أكتب!



ويقول ايضاً



تهب الريح فـ اوراق الشجر ويغرد العصفور
...................وانا تحت الهجير وصمتي احياناً يكون ظلال
وتتكسر خلاخيل الرعد في بارق ٍ مغرور
....................واحس اني تكسرت وبقى في داخلي رجال
أطش بفم هذا الضي حزن وبعض من ديجور
...................واغمض جفن من تحته سديم ٍ واقف ٍ مامال
يالارض اخذي سنابل وجهي اللي مانبت فالبور
....................تعب حتى اساريره غدت بعد الغياب اطلال
خذي بعض الجهات ومن ملامح شاعر ٍ مجبور
...............وهو يذبح من عروق الزمن ساعه على الترحال
يالارض البارحه همّ الستاير والنجف والدور
.....................وحزن امي وجوعي والفراغ ودفتر ٍ دجال
خذت اغلى الدمْوع مْن العيون وخاطري مكسور
..................وصوتي ينسكب فوق الورق واحس به لاسال
قبل ذيك المدينه والنعاس وبابها المبتور
.....................تعلمت البداوه والحضاره هي سراب اللال
امانه قولي لـ(عليا) قراح الما وطهر النور
....................... تراني طفل مامل البكا لو ملت الأطفال
طفل مات بهدبها والخدود وشعرها المنثور
....................قبل يمشي بزهو ويلبس الغتره بدون عقال
طفل كان يتشيطن فالسطوح ويّدرج فالسور
..................... ويسرح فالنياق مواعد ٍ عشره وهو جمال
يشوف بعين عليا صورته وبثغرها البلور
...................ويْتنفس غلاها ويهذي لامرّته بالشــال
يالارض الوقت خليّته مزيف واحترف لي دور
...................وانا مالي سوى عليا وحلمي والهوى القتال
فبعض احيان احس اني كذا ..شاعر وله جمهور
.................واحس اني في بعض احيان اقول اشياء ماتنقال
ورى هذا الكلام يحسّب الشاعر بليد شعور
...................لوى معصم حديثه والقلم بيدينه الاغلال
وخيول ٍ تركض بصدري وتجمح ويْغشاها عثور
...................وتعاود ركضها عقب المطيح ويرتجل خيال
يجيني من قبل هالحال ..حال..وحالي المستور
................رضيت بقسمتي لو نصف تفاحه على ايّة حال
يقولون البشر عنتر وهو عنتر يخاف الثور
................... وانا اقول المخافه وارده في سيرة الابطال!
اجل ..مليت انوّخ حيرتي لعتابي المقهور
................... ومليت آتسلل فالسطور المظلمه واختال
يالارض اخذي يديني مالقيت اللي يمد الشور
...................وانا تحت الهجير وصمتي احياناً يكون ظلال


ويقول ايضاً


يمرك بالي اشهى من كلام ٍ ضيّـعوه اثنين
........ وامـّرك كني اللي مختنق لاطـّرو الاوطان
انا مااخترت احبك لو قدرت آحبك بيومين
....... ولافكـّرت من قبل الحنين احبـك مـْن الآن!
تفضل قلبي اللي في بياضه ضاعوا السارين!
........ وابيك تودي القلب اليباس لهجرة الهتـان
انا صرخة عيونك من نعاس يعلـّـق السقفين
....... على جدار السهر ويطيح بال وينهدم وجدان
بقى من فوقك طاولتـْـك مناديل وهدب ويدين
....عقب ماغبت ماادري غابت الدنيا ورى الاحزان
هنا عطرك حزين وقلبي البلور والنسرين
........تكسّر وانشرخ حلم ٍ طويل ٍ يشبه الإمكـان
ياليتك ترجع اكثر من غيابك وابتعادك لين:
...تكون اقرب من ابعد دمعة ٍ تهرب من الأجفـان!
على ميعادنا وقـّع فراش وطار عصفورين
..وانا قلبي "غصن"ماله ثمر في شجـْرة الحرمان
نواياي الطباشير ان تفتت فالوهم تخمين
..ونواياك الكحـْـل لاصرت اشوف اني بقايا انسان
هلابك لو غيابك مر لحظة من بعد عامين
...... تراحيبي حضور ٍ في غيابـك وانشد النسيان!
اسولف بك علي ولاقدرت اسكت الى هالحين
......جميل انك تسولف وانت تصغي للحديث آذان !
وانا ماكنت اقول انك سكنت عيوني الثنتين
..... مادام انك ورى حدب الضلوع تفتـّـح البيـبان
حبيبي قسمّو قلبي رفاقي وانقسم قسمين
....... وجيت آدوّر اللي يجمعه في سكـة الأحزان ..



وله أيضا



عسى ليل الغياب اللي نفـْضهْ مْن الظلام"اوداج"
..................... يفجّه نور فجر ٍ ليلته تهرب مْن سراجه
وانا قلبي صخر ياللي تـْعقـْد مْن العتاب حجـاج
............... على بال ٍ مثل صبّ البْرد في كاس ميزاجه!
قصيـد ٍ مايسّر عيونك النجلا "حبيـس ادراج"
.................. وغرام ٍ ماروى ظامي غلاك يجف ثجاجـه
غرامك باب واحلامي سجينه والرجا مزلاج
................... مفاتيحه تناهيـد الدموع وصبري افراجه !
انا مُتعب من ايام الألم .. واشعر ببعض احراج
............. لو ان اعصابي :النار .. وأحاسيسي فـ ثلاجه
خذ الثاير من احزان المواني ..صدري الامواج
............... بدى تحت الضلوع العوج بحر ٍ سرمد امواجه
انا محتاج لكْ ..مااحتاج لي! شف حاجة المحتاج
................. عجز يحتاج جرح ٍ من يدينك كان محتاجـه!
ولج ماضيك بين سنيني السود وغيابك فاج
.............. مثل عطر ٍ "سكْت "في فوحته والريح هراجه!
نضب شوفي وانا ادوّر عليك وللزحام افواج
............ تعال الباقي مْن الشوف : رمش ٍ ضيّع حجاجه
نبت لكْ من على اوراقي حمام وطارت الادراج
................ ورحت اطارد ابيات القصــيـد فـ ليل معراجه !


يقول أيضا



ماطار من سرب الحكي .. طير ويعود!
........... لـ سدرة الذكرى رغـُم خِضْر الاغصان
والصمت ريح ٍ هزهزت ليّن العود!
............ وبْيـوت صمت اتهدمت داخل لسان !
ينعس ورق واهداب قيفاني رقـود
............ واصحى من اقصى الحبْر دفتر ونيران!
توي عرفت انك على بالي تـْعـود
............ توي شعرت اني عقب شفتك انسان
امّا قدحت لسلهمة عينك زنـود
............ والا شعقت النـار في اشجار الاوزان
وامّا جمعت بدفتري قلب وفنود
............ والاّ ذرفـتك من تجاويف الاجفـان !
قم هاتني .. وجهي من ايام مفقـود
............ من شارع الغـيرة لقـْارعة الاحزان
حاولت افكك من ضلوعي بلا قـْـيود
............ ورحت وبقا همي معي دون جنحان
غاب القمر مع غيبة عيونك السـود
............ وناموا وانا وحدي الى الآن سهران
ناظرني .. افهمني .. انا كنت موعود
............ بالغيمة اللي تاخذ عقول الالوان!
انا انا يامعذبي كــنت مـوجـود
............ ومفقود انا من يوم شفتك الى الآن!
بكرة يلاقوني ورى فياض ونجـود*
............ امشي بلا ظل ..وبلا درب وازمان
بْـ يلقون في صدري من الحب بارود
............ وقصيدة ٍ جفت على فمّ نسـيان !
وأحلام ٍ بجنبي تراكيني: قـعـود
........... كانت تسولف لي سواليف هتــّان!
وتاريخ ٍ استوعب من الكِذبة جـدود
........... راحوا على ظهورالنضا*مثل الازمان!
واطول وصية قالها آخويهْ سعـود
...........يقول" لاتهرج اذا كنـت طفـشان"!
وانا سكـّـْت ايام وشهور وعقود
........... على أمـل:ياللأمـل بعض الاحيان!
دفنت حزن ٍ قبل ساعات مولود
........ وضحكت مااقسى الضحك لاصرت ولهان!
ابغا اتجاوز كلمة ٍ مالها حدود!
........... ابغا أحرر قيد صــوتي مْن الآآآآآآآن:[/align]

جميلة هذه النصوص


صدقني أخي الكريم


لم ازل ازداد قناعة بان اكثر من يقدم نصوص مفعمة بالشعر هو بندر المحيا ... هو كتلة من الشعر وابعد مايكون عن المباشرة والتقليدية والسرد .. هو بعيد عن كل ذلك فقط الشعر هو مايمارسه بندر .. اتمنى له التوفيق لكن هل تعتقد ان الفوز بالبيرق مرده كله للشاعرية .. لذلك هون عليك فان فاز بندر فهو يستحق وان لم يفز فلا تضجر فقد خرج من هو في مستواه ولم يغير ذلك من شاعريتهم قيد انملة ..


الف شكر لحضورك ومعك الغيم بندر المحيا .. الشاعر المتلبس بالشعر

محمد السالم

في بداية الحديث اتركني قليلاً أمقت العنصريه وأنبذها فهي معول الهدم وليست مشعل البناء . وعلى طاري تلك العنصريه الجاهليه هي قد انتهت بالفعل من كؤؤس الأنقياء والأتقياء والذين كانت عنصريتهم لها مايبررها في سالف الزمان وغياهبه الجاهليه ولكن فــ الوقت الحاضر انتقلت الى (( دراويش العرب)) وسفهاءها وازيد المستضعفين فيما مضى من صولجان التاريخ وللحقيقه هي مطلوبه في مواقع معينه لايختلف عليها اثنان ولكن ممقوته في جل الأماكن الجميله التي تحاول هذه العنصريه قتل كل ماهو جميل فيها ..

فيما يخص الشيخ والشاعر/ بندر بن محياء.. هو شاعر جميل يستحق المتابعه وقبل ان يكون شاعر فهو رجل متّزن وعاقل وقد اعجب الجميع بخلقه ورزانته وشهدوا له بالشعر وأدب الفروسيه التي ليست غريبه على ((خيالة الحردا )) وشهادتي في بندر ستبقى مشروخه حتى وأن اتت كما هي وكما يستحق ولكن ذلك لايلغي شاعرية العديد من اضداده في ذلك البرنامج ونتمنى لهم جميعاً التوفيق والبيرق ماهو طماعه للي مثل ((بندر المحيا )) فهم اهل البيارق من زمنٍ بعيد ويشهد لهم التاريخ وليالي المناويخ ..

تقبل تحياتي

الله يستر عليه ولن تتوقف مسيرتة ولا شاعريتة امام هذى البرنامج


فالة التوفيق في حياته والاالبيرق لايودي ولا يجيب ...

عزيزي ..




ونعم بك وبالشاعر بندر المحيا ..




وتبقى الشهادة لله وهو في غنى عنها _ أي بندر _



نعم الشاعرية تظهر لنا عندما يظهر بندر .. وهو شاعر بالفطرة وليس ناظما كالملايين غيره ..



عندما تحضر 100 شاعر سوف تخرج منهم 2 على الأكثر يملكون ملكة الشاعرية والبقية ليسوا سوى نظمَة


تعلموا الأوزان والقوافي ..



ولكن لي ملاحظة وحيده على شاعرنا المحبوب جدا جدا ..



وهي وبإختصار عدم التطرق إلى مواضيع عاامة وحسّاسة تخص المجتمع والأمة ولعل الأبرز هو إقتصار


مواضيع قصائده على أمور شخصية .. وهذا لايقلل أبدا من شعر وشاعرية وحضور هذا النجم ..



والبيرق ليس بمقياس أخي الكريم فيكفينا أن عانقنا إبداع هذا الفارس المبدع ويكفيه أنه مختلف في زمن


الأشباه والتماثيل ..



تقديري