Tweet
.
:
مرزوق الروقي
شاعر سعودي يملك الكثير من المشاعر والأحاسيس ترجمها لنا في قصائد وأبيات تكاد تنطق
وهي على الورق هذه قدره يمتلكها العديد من الشعراء
ولكنها مع الروقي تختلف .
رأيته في العديد من القنوات الشعرية وسمعت منه شعراً رصين يقطر نبلاً وقرائته هنا لدى متذوقي الشعر عبر الشبكه العنكبوتية
أستمتعت فكتبت احساسي بشعره ووضعته بين يديكم لانه بـ/إختصار
المبدعون يستحقون !!
* في الغياب تجده متسامح رغم مرارة الجرح
الحب في نظره يكفي حتى وان لم يغنيه عن وجود من يحب
عذرك معك يا للي عن العين غايـب=وأنا ادري انه لو هو بيـدك ما غبت
الحـظ خـاب ودايـم الحـظ خايـب=وان خاب حظي معك معي أنت ما خبت
يودعها فيواسيها فتبتسم تواسيه.. .
هو هكذا وداع العشاق.. .
تبقين لو مانتي قريبه من العين =أعز وأغلى من جميع القرايب
* حبيبته في عيونه كل الوجود .. .
لو ضاقت الدنيـا عليّ القى بقلبك منزلي ,,=هو ديرتي ياجعل يبقـالي وتفدااااه الديـار
* مشاعر .. احاسيس .. حزن
خلطة رائعة يدهشنا بها هنا .. .
شيً بصدري لي زمانً مخبيه=ودي أقوله !! لكن اشلون اقوووله ؟؟
اخاف لاجيت اتكلم وابّديه=يفهم على مفهوم ماهوب حوووله
في السفر خالف السرب ليدهشنا بـ/إحدى روائعه
ومن الروقي لا يستنكر الجمال .. .
ماخذيت من السفر ياكود زود الضيقه=ضيقتي دايم بصدري .. رايحٍ ومعّود
صرت طيراً ماجداه الاكثـر تحليقـه=مايوّقع غير لامن الفضا بـه سّـود
انقل حمول العذاب اللي عجزت آطيقه=ويل قلبي من حمولٍ كل يـوم تـزوّد
آتعلق بالصبـر.. ياشينهـا تعليقـه=والسنين اقفت وقلبي بالصبر متجّود
ومن مميزاته انه يحول قصائد المناسبات الى شعر حي
فالقصائد الوطنيه صوت حق لا يعلا عليه
واللي وضع لاسم شعبه فالمعالي حضور=يستاهل انا نحطه بيـن عيـن وهـدب
اشرق غلاه بقلوب الشعب باشعاع نـور=تغرب شموس وتفيض نفوس قبل يغرب
وان قلت عبد العزيز اهتز فيّ الشعـور=من يقدر يوصف التاريخ يا أهـل الأدب؟
* وفي الرثاء كتاباته وجدانيه انسانيه المشاعر .. .
للمفارق طعم حزن ومرارة ذهول =تختلف في قلوب الناس تركيبته
واحدٍ يكتم بصدره والآخر يقول =ومن تعذّر بدمعه.. ما هي معيبته
صدمة الفقد يبقى وقعها ما يزول =خصّ لا صار غالي بينت غيبته
* في الخيانة له موقفين //
(( الأول ))
جيت لك نادم على ماصـار منـي=والله انـي مانويـتـك بالخيـانـه
بس جاء غيرك واخذني غصب عني=مافـرق عنّـك وزاد الا بحنـانـه
(( الثاني ))
هبت عليك .. ولا لقيتي لـك ذرا=و(( انا )) ذراك منّول وبعتي ذراك
شفتك وخليتـك وحيـده فالعـرا=صديت عّنك كن عينـي ماتـراك
وأخيراً .. .
يعلم الله اني كتبت متهيبه الموقف
لان الكلام على الجمال لا يرتجل ارتجالاًَََ
قرات له بشغفٍ كلمه كلمه بل حرف حرف فكانت الكلمات ترفرف امامي
تدعوني .. لأهمس لكم بروائعة .. .
شاعر كهذا ..
يكتب بمبدأ النوعيه لا الكميه
يستحق الكثير .. .
ريم التركي
:
.
تعليق