صحيح اللي اختشوا ماتوا

باختصار شديد وعلشان الوقت من ذهب عند العرب مع وجود نقطه على العين


اظهرت لنا القنوات الفضائيه المهتمه بالموروث الشعبي وخاصة القصايد الله يكون في عون الاجيال القادمه اذا كانت هذه القنوات مصدر معلوماتهم عن تراث ابائهم واجدادهم ..

ظهر شعراء على هذه القنوات مفلسين من الحس الشعري شعراء اقل ما يقال عنهم انهم مهرجين متطفلين وكل ساعه والثانيه وهو راز خشته على الشاشه ..

ضياع وقت للمشاهد بدون فائده شاعر مفلس وش ترجي من وراه وش المكسب وش الفايده مدري ؟؟؟؟؟

ظهر شعراء يقولون قصائد في غاية الجمال والروعه ما يجعلك تتابع بكل احاسيسك منهمك مخمخ معها على الاخر وهذا شي جميل لكن المصيبه وهي صلب الموضوع اللي انا كتبت علشانه .

اقول اقطع يمناي ان كانه قال منها بيت واحد والا يعرف عنها شي لكنه بصراحه حفظها تمام ولم يخرج عن النص ويظهر عليها اسلوب وطرق شعراء معروفين تقرا في سياق القصيده اسم الشاعر الفلاني اسلوبه اللي اصبح مكشوف للجمهور ..

ياجماعه عيييييييييييب اللعبه مكشوووووووفه ...


وياشعراء بالغصب ترا حبل الكذب قصير ومصيرك منكشف ومالله اراد انك تكون شاعر لا تتحدى نصيبك وحظك ترا الشعراء ماهم نازلين من الله بسلسله يالله من شاعر ما يسوى ...؟؟؟؟


صحيح اذا لم تستحي فاصنع ماشئت ...


تقبلوا تحياتي وتقديري

مرحبا ملاييين يا حكيم الجامعة والله أني صادق

لا تفقد أعصابك على أولئك المرضى من الناس <<<<<خيل الحرشا


وسع صدرك يا القرم

هذولا مرضان ويشعرون بالنقص لكن المصيبة طال عمرك اللي يسهل لهم الطريق ويفرش لهم الارض زهور وهم يدرون أنهم منتحلين كاذبين سارقين مختفين ولو بعد حين

والمصيبة الكبرى ((باغات المغذي)) لمرضى حب الشهرة اللي هم الشعراء اللي خلف الكواليس أو بروتيناتن في كيس

تحياتي لك ويعلم الله أني أحب مواضيعك يا حكيمنا

سجل إعجابي

حجت يمينك على هذه الكلمات يا جعيثن

أوافقك في كل ما قلت وكفانا الله وإياكم شر قنوات الشعر الفضائية


تحياتي لك

اررررررررررررحب ياحمد


لبا والله قلبك اشهد بالله انه شعور متبادل الله يديم المحبه والمعروف ..


بصراحه اني ضحكة على باغات المغذي هههههههههههههههههههههههههههه

عزالله انك جبتها الله يكفيك والجميع شرها ..

المصيبه ياحمد ان الواحد منهم مصدق انه شاعر ويتحمس اذا جا يلقي القصيده والمصيبه ان اللي معطيه القصيده اغبا منه ياخي عطه قصيده على قده لا تجيب اخر ماعندك وتحط فيها من المفردات ما يكشف النصب ولاحتيال ..

وابشرك اني موسع صدري بالحييييييييييييييل ..


انا مره قريت في النداوي قصيده لشاعره وعرفت طرق شاعرها وقلت لها كلمات ملغمه عقبها والله ثم والله انها ماعاد عتبت النداوي الى ساعتك هذي والكلام هذا له ثلاث سنوات ..

وعسا ما يطيح في يدي احد والله انه العبها معه على المكشوف ...


تقبل تحياتي وتقديري

ابو سند


ارحب ارحب ارحب


ويمناك تحج الله يرحم شايبك واموات المسلمين


شهادتك وسام من الدرجة الممتازه ومجرد دخولك تشريف الله لا يهينك

تقبل تحياتي وتقديري

نظراً لقلة متابعتي لقنوات الشعر فلا أعتقد بأني مؤهل للحديث عنها كما يجب, ولكن مما رأيت وسمعت أعتقد بأن هذه القنوات ترتكب جريمة في حق الموروث الشعبي والشعر والأعراف والعادات الطيبة التي توارثناها أباً عن جد عن طريق تغيير هذه العادات وتشويه الموروث عن قصد او غير قصد , الله أعلم



شكراً أخي بو مهدي على إثارة الموضوع