من هو صاحب هذه القصيده الحقيقي

راسك علامك رافعه يـوم احاكيـك ...... الضاهر اني فوق حجمـك عطيتـك

لحظه .. نبي نرجع دقيقـه لماضيـك ...... بذكـرك فـي أي حـالـه لقيـتـك

كان الضيـاع ودمعتينـك تخاويـك ...... منهار وفي عـز انهيـارك خذيتـك

وارخصت عمري لجل احبك واداريك ..... هدمت قصـر الـذل فيـك وبنيتـك

كـان الغـلا شمعـه تنـور لياليـك ...... لو اظلمت دنيـاك جيـت وضويتـك

يالاسف كنت امدحك وافتخـر فيـك ...... رفعت من شانـك وعليـت صيتـك

كنت انت .. عندي غير مقدر اخليـك ..... اموت واحيا ان قلـت سـم وفديتـك

واليوم اشوفك خنـت حتـى مباديـك ... صغرت في عيني وانا اللي هويتـك
.
الضيـف لـو انـه عـدوٍ معاديـك ...... غصبٍ عليـك تقـدره وسـط بيتـك

ياصاحبي بتمـوت مانـي براجيـك ..... واشره علي انكـان حتـى طريتـك

لاصار ذل النفس فـي قلـب يغليـك ....... يلعنـك ياقلـب ٍ عشقـك وشريتـك

اضحك حبيبـي دام وقتـك مسليـك ..... بكره تمـوت مـن القهـر لا نستـيك


كثروا متناقلين هذه القصيده

حتى ضاع صاحبها

فمن هي ملكه هذه القصيده

الرجاء مساعدتي وإعلامي

لأني بأمس الحاجه للإجابه الشافيه

القصيده

هذي الشاعر ثامر شبيب الدقابي عضو معانا في النداوي

وعلى مااعتقد ان القصيده موجود بعد بالنداوي

تسلم أخوي تركي على الإفاده



لاهنت يالغالي

دمت بود