ماهو رأيكم يانداويه؟؟؟!!!!!

اخواني الاعزاء واخواتي


مساكم الله بالخير جميعا


كلنا نعرف ان الشعر خصووصا للشعراء المتميزين والمبدعين بحرٌ واسع يبحر به الشعراء
ليجلبو لنا من الشعر والادب اغلاه واندره.


وكلنا نعرف ان القصائد قد تتشابه في المفردات احيانا ولكن قد يختلف موضوع الطرح ....
وقد تتشابه القصائد في القافيه احيانا كثيره ولكن تختلف في الافكار والموضوع والمضمون.
ولكن اليوم قرأت قصيده لشاعر رائع جدا قرأت بعض نصووصه واعجبت بها
اعجابا كبيرا وبشاعريته ولازلت معجبا بشاعريته الى الان حتى بعد قرائتي
لقصيدته الاخيره التي هي موضوع الطرح.



قرأت اليوم قصيده لشاعر رائع وهو الشاعر ناصر الاحمري بعنوان ((نور ونار))
وهي متطابقه من حيث الافكار تقريبا والمضون كاملا وقافية الصدر مع قصيده
للشاعر المبدع سالم بن جخير......


انا اجزم بشاعرية ناصر الاحمري من خلال نصوصه المطروحه
ولا اشكك بها ابدا ولكن اريدكم ان تشاركوني الاستغراب
ومن ثم تعليقكم على الموضوع


وهذا رابط قصيدة الشاعر سالم بن جخير بعنوان( الفكسار)

http://www.alnadawi.com/vb/showthread.php?t=28196

وهذا رابط قصيدة الشاعر ناصر الاحمري بعنوان (نور ونار)

http://www.alnadawi.com/vb/showthread.php?t=32386


السؤال الآن



هل قرأ الشاعر ناصر الاحمري قصيدة الشاعر سالم بن جخير العرجاني

وتأثر بها أم هي مجرد صدفه؟؟؟!!!!!!!!!!!!!!!!!


بانتظار ارائكم ورأي الشاعر ناصر الاحمري بالتاكيد

وللجميع كل التقدير الاحترام

28 قراءه












بدون اي تعليق!!!!!!!!!!!!!!!!!!!!!!!!!

محمد بن فهد



انا ما اشوف فيها اى تقارب فديتك



هو القصيد وشهو !!



ماهو بكلامنا العادى ؟ أجل كلامنا ماهو بمتشابه !!
حضيتك فيه شاعر بيجيب حكى خارجى ماهو مثل حكينا



اما القافيه والبحر والوزن عادى لو تشابهت




هذا رأيي والشاعر ناصر وسالم مبدعين والله يكثر من عينتهم وعينتك انت بعد



هاسلم وسلم



تحياتى

ياامرحبا ياخالد



ويفداك اللاش



سوف اعوود للتعليق على وجهة نظرك



ونرجوو من جميع اخواني ان لايبخلو علينا بآرائهم التي بالتاكيد سوف
نحترمها ونقدرها وان اختلفنا معها.


تحياتي

محمد


مريت على القصيدتين و فعلا كنت ناوي أبري ظميري وأقول رأيي بكل حيادية


بصراحه ما لقيت ما يدعونا للتوقف

إلا للاستمتاع بكلا القصيدتين



طبعا من وجهة نظري

ولك أن ترفضها



على العمووووووووووووووووووووووووم

من حسنات هالموضوع ان اللي ما مر على القصيدتين يمر
لأنهما تستحقان المرور و الإشادة







أخوووووووووووووووووووووووووووووووووووووووووووووووووك

مرحبا يابو فهد <<<< انتبه



الحقيقة القصيدتين وإن تشابهتا في البحر وقافية الصدر إلا انهما مختلفتان في المضمون


ماعدا في وصف الموتر ففيه تشابه ملحوظ في افكار بعض الابيات ولكن ليس لدرجة التأثر

فناصر شاعر كبير وسالم شاعر كبير وكليهما يمتلك موهبه شعريه فذه واعزي ذلك إلى توارد افكار ليس إلا










وما لاحظته من تقارب هو في هذه الابيات فقط

ان نطحته قلت لبيـه ياوجـه الظبـي = وان قفيته قلـت حـر ٍ يبشّـر بالهـدد ( سالم )


ان نطحته قلت كـم راس مالـي وذهبـي = وان تقفيته سرى الليـل بأطـراف العبـاه ( ناصر )

هنا الصيغة متقاربه جدا وإن اختلف التشبيه






صانعه ***** كوثر وكافـر واجنبـي = مايفكّـر فالقبـر والنصايـب واللّحـد( سالم )


فراكب اللـي صممـه للمهمـات اجنبـي = انقليزي مادرى عن صيـام وعـن صـلاه(ناصر )

وهنا الفكره واحده مع اختلاف الصياغه




هذا كل ما لاحظته بكل امانه


وتحياتي للشاعرين على هذا الابداع

وعلى قول مبارك من حسنات هذا الموضوع انا رأينا هنا قصيدتين من اجمل القصائد





تقبل تحياتي

[align=center]الفذ ابوفهد ..

اسعد الله اوقاتك ..

تقول هل قرأ الشاعر ناصر الاحمري قصيدة الشاعر سالم بن جخير العرجاني وتأثر بها أم هي مجرد صدفه؟؟؟!!!!!!!!!!!!!!!!!

اعتقد ان بين القصيدتين نقاط التقاء وأخريات مختلفه ..

فمنهج القصيدتان متشابه الى حد ما وهناك تقارب في صياغة بعض الالفاظ .. وتختلفان في المضمون وقدرات شاعريهما على الصناعة الفكرية المتميزة الملحوظة ..

فإن كان تأثراً ..فالتأثر أمر غير مقصود .. واراه احياناً محمود..


اخي محمد ..

تساؤلك موضوعي ..

والقصيدتان من اروع ما طرح في هذا الاتجاه خصوصاً ..


والله اعلم ..

وتقبل تحياتي وتقديري ..

اخوك سعد [/align]

0000FFبسم الله


ارحب يابوفهد



والله القصيدتين فيها اوجه تشابه بحكم ان القصيدتين تمدح السياره والقافيه في الصدر نفسها ولكن هذا لايعني ان هناك تأثر



اعتقد ان الصدفه المحضه لعبت دور اساسي للتشابه الوارد بين القصيدتين لأن الشاعر ناصر شاعر متمكن ولا اعتقد انه بحاجه لشاعر غيره



وان كان قد تأثر بالقصيده فأعتقد ان المحظوظ هو من تستمد قصيدته بعض الضوء من وكيل الجزاله المعتمد




قلت رأيي بكل صدق والشاعرين من امتع الشعراء ولا اعتقد ان هذا الموضوع ينقص حق اي منهم في الشعر الممتع والراقي





لاهنت يابو فهد وترى اااالجو عندنا صار على كيفك

محمد فهد العرجاني .. الله يمسيك بالخير ..


والله يجزاك خير على هالموضوع اللي يفتح الذهن ويخلي الواحد يفكر ويتمعن


وانا بالنسبة لي كلامي اتمنى انه مايزعل احد ..

اقول ..


اولا : الاغراض الشعرية .. والقوافي .. والبحور .. والالفاظ المفردة .. ماهي ملك لاحد .. من حق اي شاعر انه يستخدم اي طرق واي قاف واي غرض واي لفظ .. حتى لو قاله غيره .. لان هذي الاشيا ما لاحد عليها حكم ولا وصاية

فغرض الوصف مثلا .. غرض مباح لكل الشعراء ووصف السيارات وصف دارج وطرقه شعراء كثر .. كذلك القوافي .. وهذي القافية بالذات (ابي) قريتها لسلطان بن وسام ولسعد بن جدلان وناصر القحطاني .. وغيرهم كثير

كذلك البحر معروف ودارج .. والالفاظ ليست ملك لاحد .. يعني ماهو من حق شاعر يقول (لا نطحته) يقول لا احد يقول هاللفظه لانها لي .. واللي يقولها مقلدني !!

وعموما غالب الالفاظ في القصيدتين دارجة ويمكن لو ابحث لكم شوي في شعر بعض الشعراء لقيت تطابق عجيب بينها !!
ولكان 60 شاعر مقلدين لبعض ..


عموما لو بنقول ان ناصر اقتبس من سالم .. من باب اولى .. نقول ان سالم اقتبس من سلطان بن وسام !!

لان فيه تقارب واضح يصل لدرجة التطابق التام مع بعض ابيات سلطان ..

سلطان استخدم نفس قافية (ابي) في قصيدة لكزسٍ بيضا تقل سكر نبات .. وسالم نفس القافية .. وناصر نفس القافية معناه انه القافية مرافق عامه قصدي انها ماهي ملك احد

فاذا اعتبرنا تقارب كلمات القافية تقليد او اقتباس ففيه تقارب اكبر في القوافي بين سالم وسلطان



ويقول فيها سلطان :

لكزس بيضاء تقـل سكـر نبـات *** جت من اليابان فـي مينـاء دبـي

وسالم يقول :

جابه الساير يغيض الفطيمي فـي دبـي *** كاتـب ٍ فـي دفتـره كافلينـه للابـد




وسلطان يقول :

وانا معجـب والقصايـد معجبـات *** في ولد خالـد عريـب المنسبـي

وسالم يقول :

اسمـه ال(vxr) ولاّ عريـب المنسبـيي *** وم غيـره لاذكرنـاه تِكمالـة عـدد




وسلطان يقول :

واللحـن والقافيـه والمـفـردات *** صادق احساسي وجهدي وتعبي

وسالم يقول:

صانعه ماقال ضيّعت جِهـدي واتعبـي ***لنّه اصلاً سهم رابـح ومكسـب للبلـد




ايضا تشابه غريب بين بيت سالم اللي يقول :

ولا حنّا والنعم بـس فـي كلمـة ابـي *** ابي هذي وابي هذي وابي هـذي بعـد

وسلطان يقول في قصيدة له :

مشفين فيها شفات الفقير من البخيل *** ابي هذي وابي هذي وابيها كلها




وانا والله ماهو مرادي اني اقول ان سالم مقتبس من سلطان بن وسام .. ولا اعتبره مقتبس او مقلد .. لكن قصدي اذا احد يقول ان ناصر في التقارب البسيط يعتبر مقتبس من قصيدة الفكسار حقت سالم ... فمن باب اولى ان سالم يكون اقتبس من سلطان .. لان التشابه اقوى مع قصايد سلطان .. من التشابه بين ناصر وسالم !!

وانا والله ما قصدي انكش على احد واقعد ادور قديم .. لكن اول ماقريت قصيدة سالم على طول طرت علي قصيدتين سلطان .. وسلطان شاعر كبير حتا حنا متاثرين فيه .. والتأثر غير الاقتباس


خلاصة كلامي مافيه تشابه بين ناصر وسالم ابد .. ولو قلنا لكان من باب اولى نقول بالتشابه بين سالم وسلطان بن وسام .. وهو ماهو تشابه بينهم هو تاثر بين سالم وسلطان .. لكن بين ناصر وسالم لاهو تاثر ولا تشابه

وانا والله ما ادافع عن ناصر لان بيني وبينه علاقة .. والله اني ماقد شفته بعيني ولا سمعت صوته في تلفون او جوال ولا حادثته باي وسيله لا ماسنجر ولا راسايل خاصة .. ولا بيني وبينه لا نسب ولا حلف .. ولا بيني وبينه اللي اللي بين الاجواد في هالمنتدى .. لكن حسيت ان فيه تجني على ناصر وقلت اللي عندي


لاهنتوا .. ووالله ان سالم وناصر وكل النداوية على عيني وراسي ولا قصدي ادني احد على حساب احد ولا اقول الكلام هذا




سعيد بن واحش الغامدي

محمد بن فهد



انا ما اشوف فيها اى تقارب فديتك



هو القصيد وشهو !!



ماهو بكلامنا العادى ؟ أجل كلامنا ماهو بمتشابه !!
حضيتك فيه شاعر بيجيب حكى خارجى ماهو مثل حكينا



اما القافيه والبحر والوزن عادى لو تشابهت




هذا رأيي والشاعر ناصر وسالم مبدعين والله يكثر من عينتهم وعينتك انت بعد



هاسلم وسلم



تحياتى

حضيتك فيه شاعر بيجيب حكى خارجى ماهو مثل حكينا

!!!!!


ههههههههه



ارررررررررررحب يابوحميد



ياخالد الله يطولي بعمرك


انا مااقلت ان فيه شاعر بيجيب حكي فيه براءة اختراع

ويختلف عن حكينا !!!!!


والشاعر سالم والشاعر ناصر كلهم اخوان لنا ومبدعين لكن لقربي جدا من سالم وقصيده


لفت انتباهي

ان فيه تشابه كبير بين احدى قصايده وقصيده لاخوي ناصر الاحمري

البحر واحد وقافية الصدر وحده وفكرة القصيده تقريبا وحده كلهم يمدحون الجيوب


فحبيت استطلع ارائكم حول الموضوع


بس


وانت رايك وصل طال عمرك


ولاهنت الف على مرورك


ودعتك الله

الاخ محمد فهد العرجاني 0

طابت اوقاتك , الجماعه وفو وكفو في الشرح والتحليل
ولا أزيد عليهم , حيث ان الكثير من قصائد الشعراء تتشابه في المعنى وربما القافيه
شكرا لهذا الطرح , وبصراحه قصيدتين رائعتين لشاعرين كبيرين 0

أطيب التحيات 0

ياامرحبا ومسهلا



يامبارك


وفعلا القصائد راائعه والشعراء كذلك



لاهنت على حضوورك الغالي ياغالي


ودعتك الله

مرحبا يابو فهد <<<< انتبه



الحقيقة القصيدتين وإن تشابهتا في البحر وقافية الصدر إلا انهما مختلفتان في المضمون


ماعدا في وصف الموتر ففيه تشابه ملحوظ في افكار بعض الابيات ولكن ليس لدرجة التأثر

فناصر شاعر كبير وسالم شاعر كبير وكليهما يمتلك موهبه شعريه فذه واعزي ذلك إلى توارد افكار ليس إلا










وما لاحظته من تقارب هو في هذه الابيات فقط

ان نطحته قلت لبيـه ياوجـه الظبـي = وان قفيته قلـت حـر ٍ يبشّـر بالهـدد ( سالم )


ان نطحته قلت كـم راس مالـي وذهبـي = وان تقفيته سرى الليـل بأطـراف العبـاه ( ناصر )

هنا الصيغة متقاربه جدا وإن اختلف التشبيه






صانعه ***** كوثر وكافـر واجنبـي = مايفكّـر فالقبـر والنصايـب واللّحـد( سالم )


فراكب اللـي صممـه للمهمـات اجنبـي = انقليزي مادرى عن صيـام وعـن صـلاه(ناصر )

وهنا الفكره واحده مع اختلاف الصياغه




هذا كل ما لاحظته بكل امانه


وتحياتي للشاعرين على هذا الابداع

وعلى قول مبارك من حسنات هذا الموضوع انا رأينا هنا قصيدتين من اجمل القصائد





تقبل تحياتي

ياامرحبا والف هلا يامستور



واجدك تمعنت كثيرا في القصيديتين وتوصلت لبعض التشابه ان لم يكن التطابق في فكرة بعض الابيات
وان اختلفت الصياغه.



وتوصلت ايضا الى تشابه في صياغة بعض الابيات وان اختلفت الفكره.


وهذا هو محور سؤالي؟


هل قرأ الاحمري قصيدة العرجاني وتأثر بها وان كان بشكل غير مقصود ام انها مجرد

صدفه محضه؟؟؟؟؟؟؟؟؟!!!!!

وهذا ماجعلني اطرح الموضوع وان استانس بآرائكم وتعليقاتكم الثمينه والرائعه


مع علمي بان الشاعرين بهما من الجزاله والابداع والمتعه ماينفي الشبهه عنهما

لك جزيل الشكر والتقدير يامستور

على حضووورك الغالي ياغالي

ودعتك الله

اخوي الغالي ابو فهد

مرحبا بك على كل حال و موضوعك قيّم و مهم

والحقيقة ان المشابهه في القافيه و في المضمون ليست بذاك الاشكاليه مثل مطابقة الفكرة وخصوصا اذا كانت فكرة غير مسبوقة

اما تشابه موضوع و قافيه فمثل ما قال الاخوان . القوافي و المواضيع ليست حكرا لاحد .

والشاعرين الرائعين سالم و ناصر نجمين بارزين من شعراء الساحة و يطرب لقصيدهم البعيد و القريب و لا احد منهم ابد في حاجة انه يقتبس من الاخر ..

هذا ما عندي و الله الهادي

اخوكم

[align=center]الفذ ابوفهد ..

اسعد الله اوقاتك ..

تقول هل قرأ الشاعر ناصر الاحمري قصيدة الشاعر سالم بن جخير العرجاني وتأثر بها أم هي مجرد صدفه؟؟؟!!!!!!!!!!!!!!!!!

اعتقد ان بين القصيدتين نقاط التقاء وأخريات مختلفه ..

فمنهج القصيدتان متشابه الى حد ما وهناك تقارب في صياغة بعض الالفاظ .. وتختلفان في المضمون وقدرات شاعريهما على الصناعة الفكرية المتميزة الملحوظة ..

فإن كان تأثراً ..فالتأثر أمر غير مقصود .. واراه احياناً محمود..


اخي محمد ..

تساؤلك موضوعي ..

والقصيدتان من اروع ما طرح في هذا الاتجاه خصوصاً ..


والله اعلم ..

وتقبل تحياتي وتقديري ..

اخوك سعد [/align]

يامرحبا الف سعد الحمدان


واشكرك جزيل الشكر


على تواجدك ورايك الذي يفيد الموضوع ويؤكد ان هناك نقاط التقاء كثيره بين النصين


وهذا يؤكد رأيي المتواضع تجاه قصيدتين اخواني سالم وناصر


لاهنت


والف شكر


ودعتك الله يالغالي