النص الرابع عشرفي إختبار النجوم

السلام عليكم ورحمة الله وبركاته


هنا بين أيديكم النص الرابع عشر في "برنامج إختبار النجوم" ...

المطلوب هو تعليقاتكم أونقدكم علي النص بكل امانه وحياديه, وطبعاً إسم الشاعر معروف لدي فقط وحسب ما تعهد به

صاحب النص, وهذا ما سوف يزيل عوامل التأثير السلبي و الإحراج الذي قد يشكله معرفة إسم الشاعر علي كاتب الرد ...

مع رجاء حار بعدم الخوض في نقاشات جانبيه او إنتقاد خارج الماده الأدبيه المعروضه هنا ...


[poet font="Simplified Arabic,4,darkred,bold,italic" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]

أنا ليلة البارح حرام ٍ عليّ النوم =مغير اتجلد طول ليلي على فراشي
ألا يالله إنك تَعْدل الحال يا مزهوم= وتبرج لهم ٍ واهجه محرق ٍ جاشي
ألا يا سِعد بو عين من لايشلّ هموم= ولانحته بقعا مثل نح الأدباشي
أنا لابغيت أقوم بالحظ عيا يقوم=وماكنت أنوشه صار ماعاد يناشي
زمان السعاده راح واللي حصل مقسوم= وغصون الفواد المخضرة صارت اعطاشي
تقاسيم يادنيا تعلي وتعز ارخوم= وهم باول الدنيا دراويش وأحباشي
لابو ذا الزمان اللي يصغر كبير القوم= لابو من ليا ضاقت يعنّز على اللاشي
زمان ٍ يسوم المرجله من يدينا سوم=ويقلّب روابعنا على كذب واغشاشي
شوري علي اللي عاقلٍ في اللقاء شغموم= يروم المعالي ماحسب وشية الواشي
يجنب طريق اللاش ويحشّم المحشوم=ولاينبش اسدوده على كل نبّاشي
وانا ماكوى قلبي ولا حط فيه وسوم = يكون الجميل اللي يروّح على ماشي

[/poet]



.

تقاسيـم يادنيـا تعلـي وتعـز ارخـوم
وهم بـاول الدنيـا دراويـش وأحباشـي
لابو ذا الزمان اللي يصغر كبيـر القـوم
لابو من ليا ضاقت يعنّز علـى اللاشـي
زمان ٍ يسوم المرجله من يدينـا سـوم
ويقلّب روابعنا علـى كـذب واغشاشـي
شوري علي اللي عاقلٍ في اللقاء شغموم
يروم المعالي ماحسب وشيـة الواشـي
يجنب طريق اللاش ويحشّـم المحشـوم
ولاينبـش اسـدوده علـى كـل نبّاشـي
وانا ماكوى قلبي ولا حـط فيـه وسـوم
يكون الجميل اللي يـروّح علـى ماشـي


ابوناصر سلم لي على راعي هالقصيده الجزله

شاعر شاعر شاعر ولاعليه تعقيب

وانا ماكوى قلبي ولا حـط فيـه وسـوم
يكون الجميل اللي يـروّح علـى ماشـي

وهذا البيت من عيون القصايد الجزله

وصح لسان شاعرها ولاهنت

تحياتي

أبو ناصر


يقولون عين الناقد بصيره .

أما القصيده في الحقيقه وافيه وجزله

في معناها وفكرتها . يوجد بها شي بسيط من إختلال الوزن

قد يكون عدم إختيار الفرده المناسبه هو السبب وهذا لا يعيبها .


مغير اتجلد طـول ليلـي علـى فراشـي ... ينقصه شي من التنسيق

أنا لابغيـت أقـوم بالحـظ عيـا يقـوم .... ينقصه التنسيق الناسب .

شوري علي اللي عاقلٍ في اللقاء شغموم
يروم المعالي ماحسب وشيـة الواشـي


شوري , أثرت على سلاسة البيت .

هذا البيت ( وشيه ) لو قال (نمة ) مثلاً

تقاسيـم يادنيـا تعلـي وتعـز ارخـوم . ( تعلي ) غير مناسبه .

عموماً كلام شاعر جزل ما يحتاج ولا ينقصه شي بتاتاً

قديكون لا يهتم بالوزن ولا إختيار المفردات ولاكن في رأيي

الشخصي المتواضع والذي يحمل الخطاء والصواب .

قصيده جيده جداً في مجملها وفيها بعض الابيات الممتازه .

وشاعرها جزل وكبير . بس يهتم شوي بالوزن وإختيار المفردات

وترابط القصيده .

وقد أكون مخطي هذا مجرد رأي .


حفظ الله الجميع .

شكراً لصاحب النص على اتاحة الفرصة لنا للتأمل والتعلم
وشكرا لأخي سعيد على تشجيعنا لتقديم نصوصنا لتكتمل الفائدة.
القصيدة على الهلالي التام : فعولن/ مفاعيلن/ فعولن/ مفاعيلن
وهو يتفق وتفعيلة البحر الطويل في الفصيح . فهي على لحن:
تمنيتك البارح على هجعة العربان.. ابسهر معك في نور اخوك القمر ساعه
الملاحظات بسيطة ولا تمس جوهر القصيدة فهي من أحد فحول الشعر :
ألا يالله إنك تَعْـدل الحـال يـا مزهـوم ( يستحسن تغيير كلمة "مزهوم" إلى " قيوم")
وتبرج لهم ٍ واهجـه محـرق ٍ جاشـي( وتربج ، قد يكون خطأ مطبعي لكلمة وتفرج)
شوري علي اللي عاقلٍ في اللقاء شغموم( شوري : يستحسن أن تكون : فشوري)
البقية لا أرى فيها أية ملاحظة ، فهي متكاملة والكامل وجه الله وإن كنت ارى أن
القفلة ينبغي أن تكون:
شوري علي اللي عاقلٍ في اللقاء شغموم
يروم المعالي ماحسب وشيـة الواشـي
يجنب طريق اللاش ويحشّـم المحشـوم
ولاينبـش اسـدوده علـى كـل نبّاشـي

بمجرد تقديم وتأخير بينها وبين البيت الأخير..
تحياتي الطيبة واحترامي

اخوي ابو ناصر


اشكرك جزيل الشكر على جهودك


وانا اتفق مع الشاعر عبدالله بن شايع القحطاني في الكثير مما كتب


وابدي اعجابي


بالبيت التالي

وانا ماكوى قلبي ولا حـط فيـه وسـوم
يكون الجميل اللي يـروّح علـى ماشـي

أولا مساكم الله بالخير

و الله يثيبك يا أبو ناصر على مجهووووووووووودااااااااااتك الجبارة في هذا الصرح


وثانيا أحيي شاعرنا على قصيدته وأقول له صح لسانه


ثالثا إليكم نقدي الذي لا شك يحتمل الخطأ و الصواب


مغير اتجلد طـول ليلـي علـى فراشـي
لو انه غير في الشطر (( على فراشي ))
وتبرج ........... كلمة تبرج نقولها يا سكان نجد وهي متداولة ولا تعيب البيت
ألا يا سِعد بو عين مـن لايشـلّ همـوم
(( خلل في الوزن ))

تقاسيـم يادنيـا تعلـي وتعـز ارخـوم
(( خلل في الوزن ))

لابو من ليا ضاقت يعنّز علـى اللاشـي
((خلل في الوزن ))



ممكن أن نطق شاعر القصيدة يغاير طريقة كتابتها وهنا يختفي الخلل في الوزن

وبصراحة

القصيدة قريبة مني حين أقرؤها


صح الله لسان شاعرهاااااااااااااااااااا
تحياتي

اخي الغالي

سعيد الحمالي

الف شكر لك على اتاحة هذاه الزاويه الرائعه والف شكر لك خاص على وضع الصوره

القصيده رائعه وشاعرها شاعر كبير وله باع طويل في مجال الشعر

وان كان فيه بعض الملاحظات حسب ماقيل من قبلي


ولكن هنا غلطه كبيره وفادحه ولايجوز ان تقال

مارئيكم في هذا البيت الذي كثير من الاخوان لم يمر عليه


{لابو ذا الزمان اللي يصغـر كبيـر القـوم
==============لابو من ليا ضاقت يعنّـز علـى اللاشـي}


ياناس ياعالم


هل تدرون منهو {الزمان والدهر}

انه الله عزوجل

فكيف يسب ويلعن

لا اله الا الله


فيه حديث في مامعناه

{{{{سبني ابن ادم دون ان يعلم

يسب الدهر وانا الدهر}}}}

ارجو ان يغير هذه البيت والقصيده ليسة مكسره بل بعض الكلمات فيها ثقله بسيطه وهذا لايعيبها بل ينبغي ان تدارك وهي من بحرها

وان غنيت طلعت روعه وان سردت اي هدد تحس فيها بعض الثقله


صح لسانك قائلها وناقلها


سهيرالليل

اشكر الاخ سعيد الحمالي لاختيار هذة القصيدة

الوافية في معناها والجزلة في مضمونها وبلا شك

ان شاعرها يملك مقومات الشعر الجزل والوافر

القصيدة باختصار ليس بها اي نقص او خلل في الوزن

عند قراءة القصيدة او تلحينها قد يخفق البعض في ابراز وقراءة تنوين الحروف الذي

هو المعيار الاساسي لاكتشاف النقص في الوزن...

عموما وفي الشعر كافة لا اويد تماما استخدام الكلمات التى تحتوي

على سب الدهر او كلمة " حرام--على الحرام" وما شابهها

في القصائد....


ختاما قصيدة تستحق القراءة وصح لسان شاعرها..


شكرا للجميع

تقاسيـم يادنيـا تعلـي وتعـز ارخـوم
وهم بـاول الدنيـا دراويـش وأحباشـي
لابو ذا الزمان اللي يصغر كبيـر القـوم
لابو من ليا ضاقت يعنّز علـى اللاشـي
زمان ٍ يسوم المرجله من يدينـا سـوم
ويقلّب روابعنا علـى كـذب واغشاشـي
شوري علي اللي عاقلٍ في اللقاء شغموم
يروم المعالي ماحسب وشيـة الواشـي
يجنب طريق اللاش ويحشّـم المحشـوم
ولاينبـش اسـدوده علـى كـل نبّاشـي
وانا ماكوى قلبي ولا حـط فيـه وسـوم
يكون الجميل اللي يـروّح علـى ماشـي


ابوناصر سلم لي على راعي هالقصيده الجزله

شاعر شاعر شاعر ولاعليه تعقيب

وانا ماكوى قلبي ولا حـط فيـه وسـوم
يكون الجميل اللي يـروّح علـى ماشـي

وهذا البيت من عيون القصايد الجزله

وصح لسان شاعرها ولاهنت

ابو ناصر...

اثابك الله على جهودك الحثيثه والبارزه للأ رتقاء بالموقع الى القمه التي هو يتربع عليها بلا منافس..

أتفق مع الزملاء..باءن هناك هفواة بسيطه جداَ

ولكن يشفع للشاعر جمال القصيده عموماَ..وتصويره الجميل للأ حداث


لابو ذا الزمان اللي يصغر كبيـر القـوم

.........لابو من ليا ضاقت يعنّز علـى اللاشـي


يقول شاعر قديم ورائع وأعتقد باءنه من قبيلة سبيع..اللي يعنز يعنزله على طيب..


تذكرت ذالك الجمال حينما شاهدت هذا الجمال


شكراَ لشاعرنا الجميل

اخي العزيز \ سعيد الحمالي

تحيه عطره

مجهود متجدد وخدمه رائده للشعر واهله يعطيك الف عافيه..



من طرف القصيده فيها هالبيت جيد


لابو ذا الزمان اللي يصغر كبيـر القـوم
..........................لابو من ليا ضاقت يعنّز علـى اللاشـي



نتمنى لصاحبها التوفيق ولكم جميعاً



تحياتي .

أنا ليلـة البـارح حـرام ٍ علـيّ النـوم
مغير اتجلد طـول ليلـي علـى فراشـي

((ياسلام ))

ألا يالله إنك تَعْـدل الحـال يـا مزهـوم
وتبرج لهـم ٍ واهجـه محـرق ٍ جاشـي

((هذا البيت مافيه شي من ناحية الوزن ولكن اعتقد لايجوز ان يقال للفظ الجلاله عز وجل ((يامزهوم)) فالله سبحانه وتعالى له الاسماء العظمى التسعه والتسعين ولايجب ان نزودها من عندنا. هذا اللي اعرفه))


ألا يا سِعد بو عين مـن لايشـلّ همـوم

((فيه خلل في الوزن))

ولانحتـه بقعـا مثـل نـح الأدبـاشـي

((المعنى ضعيف من وجهة نظري المتواضعه في الشطر السابق))

أنا لابغيـت أقـوم بالحـظ عيـا يقـوم
وماكنت أنوشـه صـار ماعـاد يناشـي

((بيت جميل يعبر عن عجر الشاعر دون وصوله لهدفه المقصود))

زمان السعاده راح واللي حصل مقسـوم
وغصون الفواد المخضرة صارت اعطاشي

((جميل ومعبر هذا البيت))

تقاسيـم يادنيـا تعلـي وتعـز ارخـوم

((اعتقد ان الواو التي قبل مفردة تعز مالها داعي وسببت بعض الخلل بالوزن))

وهم بـاول الدنيـا دراويـش وأحباشـي

((معنى لاباس به في الشطر السابق))

لابو ذا الزمان اللي يصغر كبيـر القـوم
لابو من ليا ضاقت يعنّز علـى اللاشـي

((اعتقد ان الشاعر هنا كان ذكيا ولم يسب الزمن فهو قال ((لابو) فقط ولم يدخل اليها اي لعنه
وهذا ذكاء من الشاعر لاظهار غضبه على الزمن دون الوقوع في المحضور والله اعلم))


زمان ٍ يسوم المرجله مـن يدينـا سـوم
ويقلّب روابعنا علـى كـذب واغشاشـي

حرف ((الواو)) الذي سبق مفردة ((يقلـّب)) ماله داعي ونطق البيت بدونه يعطي سلاسه اكثر

شوري علي اللي عاقلٍ في اللقاء شغموم

(((حرف(( الواو )) ارى انه ضروريا هنا قبل مفردة((شوري)) لانه يجبر القصور في الوزن
ويعطي نوع من الاسترسال للشاعر والمعنى كما ان الهمزه وهي اخر حرف في مفردة
((اللقاء)) مالها داعي وتنطق وتكتب المفرده بدون الهمزه وألا اختلف الوزن)))

يروم المعالي ماحسـب وشيـة الواشـي

جميل جدا هذا الشطر


يجنب طريق اللاش ويحشّـم المحشـوم
ولاينبـش اسـدوده علـى كـل نبّاشـي


(على كل نباشي) معنى ضعيف جدا

وانا ماكوى قلبي ولا حـط فيـه وسـوم
يكون الجميل اللي يـروّح علـى ماشـي


الله الله الله على البيت الاخير



هنا اقووول صح الله السان شاعرنا وبيض الله وجهه ووجهك يابو ناصر


والشاعر ماقصر وبذل جهد وحنا عطينا راينا واجتهدنا والله يوفق الجميع


والقصيده لابأس بها وبها معاني طيبه وخصوصا البيت الاخير

ولكن اهمس باذن الشاعر بانه يمتلك ادوات نجاح القصيده ولكن يجب بذل جهد اكبر لتكتسب قصائده بعون الله
النجاح الذي يهدف اليه


والله يوفق الجميع

ارحب يابوناصر




عزالله انه شاعر ولا يختلف عليه اثنان


وان القصيده قويه جداً ومن القصايد التي تعجبني جداً




وخصوصا هذا البيت :

وانا ماكوى قلبي ولا حـط فيـه وسـوم
يكون الجميل اللي يـروّح علـى ماشـي

الله اكبر


صح الله لساااااااااااانه الى ماله نهايه



اخوكم .. فهد

السلام عليكم ورحمة الله وبركاته


الله يبيض وجهك يابو ناصر ويبيض وجيه الربع اللي ردوا وشاركوا في نقد القصيدة


الحقيقة ان نقد الاخوان محل تقديري واهتمامي ولو ان بعض الشباب ينقد ولا يبين سبب النقد مثل قولة بعضهم كلمة غير مناسبة او معنى ضعيف طيب عطني البديل المناسب

ودي اني ارد على كل واحد منهم لكن باختصر في الرد لاني في بيشة والتلفون الثابت نسمع به

من ناحية الأخوان اللي ينقدون في الوزن فاعتقد ان مرحلة الخلل في الوزن مرحلة قد تجاوزناها لكن الربع الظاهر انهم يقرونه بشكل مغاير لكتابتي للأبيات فلذلك التبست عليهم بعض الابيات والدليل على ان الابيات مافيها خلل من ناحية الوزن ان فيه شعار مالاحظوا عليها خلل في الوزن وهم شعار لهم ثقلهم ومشهود لهم بالجزالة مثل فلاح ابن حثلان والشريفي وحسين الحبابي وفهد بن صلبوخ وهذا لانهم قرأوها كما كتبتها انا .
من ناحية كلمة شوري فيعلم الله اني بدعت القصيدة على كلمة فشوري لكن يبدو انها سقطت سهواً
واما من ناحية نقد الشاعر حسين الحارثي والشاعر عوض الشريفي في سب الدهر فانا اقدر وجهة نظرهم وانا ماسبيت الدهر قلت( لابو ) وسب الدهر مايجوز واعتقد ان النقطة هذي ذكرها الاخ العزيز محمد العرجاني