حكم بالإعدام لـعايض راشد !!!!!

هذه القصيده للشاعر الرائع عايض راشد وأعتقد بأن هناك على الأقل قضيتان مثيرتان للجدل في ثناياها..

أود أن أسمع رأي من لديه شي ممكن أن يفيدنا ...







[poet font="Simplified Arabic,14,white,normal,normal" bkcolor="" bkimage="http://www.nadawi.net/images/alien.jpg" border="none,2,gray" type=2 line=200% align=center use=sp char="" num="0,black"]
البارحه نومي بحـــكم اعدام والليل ســياف=وأول فعول الســـيف شلّ الراس وشــلون تاليه


يحدني خوفي على الضــــيقه وانا كـنت ما اخاف=بس الليالي ذكرتني شــــي ماكنت ناسـيه


ماقد لمحنا الموت لوالمـــوت سـاعات ينشاف=هذا الكلام الصدق والا الكذب مانيب باغيه


والصدق مافرق جموع اسلاف واسلاف واسلاف=عشـــــان ينسى عودك الريان ينعم بســـــــاقيه


والله ما ردك عن الطـــــيحه عــــــلى حد مهياف=الا كــــتاب وقته ربك وحـــــدد ثوانيه


ياصاحبي ياللي على شرواك ماهـوب ينخاف=الالماس في عـــــين الغنى والفقر وحده معانيه


من يوم عرفك والوفا والحب نكــران واجحاف=مافيهم اللي يمســــــك الثاني ويقضب عراويه


والشرع مايامن لها البحار من غير مجداف=هذي على هذي لاصـــــار الموج عاليه واطيه


وانت متقبض في طرف بشتي ولا عندك خلاف=ماتدري اني لو بعيف البشــــــت باعيف مهديه


يكذب عليك اللي يقـول الدمع مــــــاهوب ذراف=لا احتجت من وقع الزمان لشخص منتب تدانيه





عايض راشد

[/poet]

مافيها والله ألا نقد الذهب ..

وذا كانت من ناحية الوزن والبحر فالوزن على مايرام والبحر تبحر به السفن

والبحر هو من بحور القلطه وأكثر مايكون عند أهل الحجاز وقد لعب عليه الثبيتي الله يرحمه

وعند أهل الشمال يسما ( حدوّة خيل) وهو لحن سريع


قصيده يتشبع شاعرها بالخبره

فعلا البحر مميز
وتراكب الكلمات
خاصه الشطر الثاني
من الابيات وزنها مثل
وزن اذاعة BBC ايام
حرب الخليج

اثق برأي بن هضيبان
ونترك التبحر بالمعنى
للقادم من الاخوان !!!


\\\\

ابو سلطااان اذا فيه امكانيه تذكر لنا محاوره من محاورات الثبيتي ومع من علشان نقدر نسمعها

او توورد لنا ابيات من اللي قال الثبيتي الله يرحمه 000 علشان يضح الالتباس اللي عندي 000 لاني ارى ان في القصيده بيتين او ثلاثه فيها كسور وكلكم خالفتوا رايي انت وعايض والاخ مرزوق العتيبي 00 بس الى الان ماشفت شي مقنع اللهم فقط تعبير عن الراي

وانا والله اقربكم للخطاء بس ودي اتاكد اني مخطي لاتتي الى الان الحنها واشوف ان ملاحظاتي اللي ذكرت مامشت مع اللحن

تحياتي للجميع

مرحبا يابو عبيد

ابيات الثبيتي والله ما اذكر منهن شي ولا ادري من معه ولكن نقدر نجيبهن اذا استلزم الأمر

وبعدين يابو عبيد ازهم اخوك عايض راشد بالجوال واقطع الشك باليقين ولا كلمني انا لأني ماعمري سمعت صوتك وغينيها لك


وخلاص

يعطيكم العافيه ....

حقيقه عند نزول المشاركه فهمت من الأخ سعيد الحمالي ....

أن القصيده معروضه لأمر لا يخص الوزن واللحن ..


عموما ..

القصيده وإن سمحتوا لي موزونه وماعليها خلاف ..


والبحر في له لحن يغنى عليه ولحن جميل ..

ولو إني ماجبته على الشمالي المذكور ..


ملاحظه بس هي اللي لاحظتها ويمكن هي سبب اللبس

وهي كلمة الألماس وهي ماتنطق كما تكتب .. نطقها هكذا (اللـ ماس )

في هذا البيت

ياصاحبي ياللي على شرواك ماهوب ينخاف
. . . . . . . . . . . . الالماس في عين الغنى والفقر وحده معانيه

************




وصح الله لسان الاخ عايض قصيده رائعه وفيه من الحكمه والجمال الكثير ..

وتحياتي للجميع

السلام عليكم

القصيده حسب رايي الشخصي انها كامله والكامل الله من حيث الوزن والبحر

اثق برأي بن هضيبان
ونترك التبحر بالمعنى
للقادم من الاخوان

ياحبي لك ياداهم يعني خلاص الوزن قررتوا انه سليم؟ ابغى اقتنع بشي تسوقونه امامنا كمثال او اسم قصيده او على الاقل اسم البحر ما نعرف شي اسمه بحر قلطه 00 بحوور القلطه واجد 000 ولاتكفي حدوة الخيل الي يقوول ابو سلطان 000 نعرف الحدا وهو بيعيد واجد عن هذا يمكن الاخ جلال اقرب للواقعيه ودون نفس الملاحظه 00 وادري وشلون تنطق علشان تطلع صح لاني ذكرتها بنفس الطريقه بتعليقي بالشعبي على القصيده 0

ليت الاخ مرزوق العتيبي يفيدنا 00 هو اكيد له باع بالشعر ومتمكن اكثر منا 00 ولا اعتقد انه بيشح بالعلم اللي عنده على من يطلبه 00وانا قسم باله ودي اني اطلع وانا عارف وش الصح؟



لبو سلطاان صوتك عذب 000 بس اللحن اللي تلحن عليه وربي خداع تكسر مادريت مثل الموال اللي قلت لك صار مع شاعر مشهور بالكويت 00 كرر الموال ثاني مره وزود كلمه عن المره الاولى اللي غناه فيها ولم يتضح هالشي 00 لولا ان كتبتهن بورقه وكنت اكتبهن تتبيع معه وهو يغني مواله ويوم خلص ضحكت بمجرد مطالعتي للورقه لانه زاد كلمه ولا تبين انه كسر


البارحه نومي بحكم اعدام 55//55 والليل سياف

هذي طريقه يمكن اشرحها ويمكن الغي اقتناعي بها 00 بس بعد ما يجيني رد ابن هضيبان بالخاص 00 لاني وضحتها وارسلتها له 00 وانتظر رده

طيب مافيه يجي بصفي ؟ الله يعين وينصر رايي ووجهة نظري 000 والا يوجهني وينوور لي بصيرتي واعرف وش خطااي

البارحه نومي بحكم اعدام والليل iiسياف
وأول فعول السيف شلّ الراس وشلون تاليه



يحدني خوفي على الضيقه وانا(*) كنت ما iiاخاف
بس الليالي ذكرتني شي ماكنت iiناسيه



ماقد لمحنا الموت لوالموت ساعات iiينشاف
هذا الكلام الصدق والا الكذب مانيب iiباغيه



والصدق مافرق جموع اسلاف واسلاف واسلاف
عشان ينسى عودك الريان ينعم iiبساقيه
(من شان) اخف


والله ما ردك عن الطيحه على حد iiمهياف
الا كتاب وقته ربك وحدد iiثوانيه



ياصاحبي ياللي على شرواك ماهوب iiينخاف
الالماس في عين الغنى والفقر وحده iiمعانيه
(الماس)


من يوم عرفك والوفا والحب نكران iiواجحاف
مافيهم اللي يمسك الثاني ويقضب عراويه



والشرع مايامن لها البحار من غير iiمجداف
هذي على هذي لاصار الموج عاليه iiواطيه



وانت متقبض في طرف بشتي ولا عندك iiخلاف
ماتدري اني لو بعيف البشت باعيف iiمهديه



يكذب عليك اللي يقول الدمع ماهوب iiذراف
لا احتجت من وقع الزمان لشخص منتب تدانيه


الاخ عااايض بن راشد

صح لساااانك وتسلم يمينك

ادري بيستغربوون الربع اللي خبرك لاني علقت

بس انا ترى ماكنت موافق من البدايه كنت اقوول طررق غريب 00 او انه اول مره يمر علي

بس اعتقد ان الاخوان حكموا بسرعه 00 وادري ان الارهابي بيهاااوشني بس اللي يجي منه عسل 0

القصيده مووووزووونه من وجهة نظري وحسب معرفتي المتواضعه 00 موزونه ماعدى البيوت اللي حطيت

تحتهن بعض الكلمات اللي بين اقواس واللي بين الاقواس اشوف انه ممكن يكون اصلح للوزن

وايضا الاماكن اللي وضعت عندها نجمه الله يسعدك (*) فيها خلل بس لاني مستعجل وانت لديك القدره للتعديل

وماهوب عيب ان الواحد يزل ويكسر وخاصه في طرق يمكن اول مره يطرقه 00 او زله بسيطه 00 او ثقل 00 ولكن طبعا عدم تكرار هالخطاء 00



السلام عليكم

هذا رد اخوي عكاشه


وانا اتفق معاه بالنسبه لابيات هذي


يحدني خوفي على الضيقه وانا(*) كنت ما iiاخاف
بس الليالي ذكرتني شي ماكنت iiناسيه

على الضيقه وانا )) وانا ادري انها تنطق هكذا((علضيقه)) بس كأنك تقحمها غصب باللحن

والبيت الاخر

والصدق مافرق جموع اسلاف واسلاف واسلاف
عشان ينسى عودك الريان ينعم iiبساقيه

اهو تقريبا سليم،، ولكن اذا قلنا عاشان الاقرب لسلاسة اللحن ان نقول من شان



ياصاحبي ياللي على شرواك ماهوب iiينخاف
الالماس في عين الغنى والفقر وحده iiمعانيه
(الماس)

والبيت هذا مافييه شي بس اذا نطقنا كلمة الاماس صح ((للماس ))


وهذا رايي يحتمل الخطا والصواب

وطبعا انا اجهل البحر هذا وغيره كثير ولكن اهي اذن الشاعر الموسيقيه


والشاعر عايض يليتني في مستواه ولله


وهذا راي اكتبه وانا كلّي خجل صراحه ،،،لان انا ابي اللي يوجهني


ودمتم



اخوكم



محمد الفلاح

بعد اذنكم جميعا

اخووي محمد الفلاح 00 احيي فيك شجاعتك 00 وليس لانك ايدت رايي ولكن لانك قلت ليتني في مستوى عايض واستغربت على نفسك انك توجه نقد له 000 اخووي محمد يعلم الله اني انا معك في كلامك ولم اصل الى مستوى الاخ عايض 00 ولكن اذا راينا ملاحظه واعتقدنا انها خطاء او في تصورنا انها خطاء فمن الشجاعه ابداءها لسببين 00 يا انك تنبه للخطاء هذا ويتم تداركه من قبل من وقع به 000 او انك تعدل الصوره اللي في بالك وكنت تعتقد انها صح 00 في كلا الحالتين انت الربحان 000 لاننا هنا لسنا في موقف تحدي او ترصد للغلطات 00 ونهجك اللي نهجته يامحمد عزالله انه يدل على وعيك وادراكك وحبك للاستفاده اللي هي مقصدي ايضا


اخووي عايض ابا احاول اتصل عليك اليوم انشالله 00 علشان تغرد لي بلحن هالقصيده العذبه فديت هالصوت وراعيه



ملاحظه للاخوان اللي يقرون اي رد لي في الادبي ليتكم تمرون على الرابط اللي بالتوقيع

ابن سيف

اخوي .. انا ما قلت ان رايي وابن هضيبان هو الصحيح ولو اعتقدنا صحته .. ولم اتعمد قتل النقاش .. النقاش مفتوح ورايك مقدر ووجة نظرك على الراس والعين !! الابيات بحرها غريب ولكن من يقرأها بتعمق يجد التناسق بين كل شطر وما تحته .. والابيات اللى فيها زله تبين مع الترديد .... وانا اعترف لك اني اتحسس الوزن بالسليقه وهناك فن تقطيع الابيات واتمنى لو ان هناك من يقوم بتقطيع الابيات .. بشكل علنى لعلنا نستفيد ....

الحق اولى ان يتبع متى ما ثبت انه الحق


لك كل التقدير يا عكاشه ... الله يهداك ما خبرتك تعصب بسرعه ... !! بس والله انك ملح النقاش يابو عبيد !! لاهنت !!

\\\\

[c]ارررررررحب ياداهم
ولو اعصب على اي واحد ماعصبت عليك انت لاني اعرف اسلوبك في النقاش ابعد مايكون عن العصبيه واعرف انك تملك روح المحاور الواقعي 00 و تحسس الوزن بالسليقه اعتقد تقصد الوزن السماعي؟

اعتقد ان هذا من ارقى او بالاصح اعلى مستويات الشاعريه وصدقني انا واحد لم اصل الى هذا المستوى بعد 00 الا في كم بحر من بحور الشعر 00 والباقي احاول جاهدا واتاكد من الصحه بواسطة اللحن اللي مافيه غنى عنه لاي شاعر كان

انا قطعتها بطريقه يمكن غير اللي انت تقصد 00 يعني بطريقتي اللي شفت الملاحظات اللي انا ذكرت طلعت فيها 000 ارسلتها لابن هضيبان في رساله خاصه 00 ومازلت انتظر رده ابو سلطان شكله نسى رسالتي [/c]

[شفق]

ايها الاخوه


كل شخص ادلى برأيه و جميع الآراء على العين والرأس.


و انا عندي رأي كما لكم آراء.


انا رأيي ان القصيده في كسور و خاصه في ابيات الصدر هناك كسرين تقريباً و في العجز هناك كسر او كسرين.

كما ان البيت الأخير من البيت غير محكم لا في التركيبه و لا في الصوره الصحيحه, و خاصه العجز و ليس الصدر.


هذا رأيي الخاص و بكل حريه.


و لكم آرائكم التي احترمها و اقدرها.


تحياتي للجميع


اخوكم


شفق

ليت الاخ مرزوق العتيبي يفيدنا 00 هو اكيد له باع بالشعر ومتمكن اكثر منا 00 ولا اعتقد انه بيشح بالعلم اللي عنده على من يطلبه 00وانا قسم باله ودي اني اطلع وانا عارف وش الصح؟

ما سلف اعلاه كلام الاخ عكاشه
والتعقيب الاول هو لست بأكثركم درايه ولا شاعريه وهذا ليس من باب التواضع بل الحقيقه

وما يلي ادناه ردي ورأيي في الموضوع

لن اتحدث عن الشاعر عايض بن راشد والذي ::::::::::>> نسيت لن اتحدث عن عايض
اذن اتحدث في القصيده موضوع النقاش


اعتقد واعتقد واعتقد

ان الوزن صحيح 100% ولا يشوبه شائبه لا من قريب ولا من بعيد

وليست كل القصائد تنتمي للبحور المعروفه . بل ان هناك قصائد تنتمي الى شئ اسمه ( الفنون ) كالسامري والفريسني الخ . وهذه الفنون تعتمد على شيلات معينه وتغنا على هذا الاساس
وهذه القصيده تنتمي الى فن ( الرزف ) او ( الرزيف ) ويشتهر فيه ( بني هاجر ) وهو مشابه الى حدٍ كبير فن
( الفريسني ) ولكنه اسرع منه في الشيله الى حدٍ ما

ربما اقول ربما انه يقابلها ما يشبهها من ألحان القلطه ولكنه لا يحضرني الان
لان القلطه تستوعب الحانها الكثير الكثير من البحور والشيلات .

هذا ما لدي في هذا الخصوص

واحب ان انوّه الاخوه بعدم الاستعجال في استصدار الاحكام خصوصا في الاشياء التي نجهلها
وليس كلنا محيط بكل شئ والكمال لوجه الله وبهدوء الحوار نستطيع ان نتوصل الى الحقيقه الصاخبه


لا يفوتني ان اوجه الدعوه الى النداوي
الـعـــروبـــي

للاستفاده من خبرته في علم العروض
وتقطيع النص على تفعيلاته التي تقابله

انا اعدكم بمخاطبة العروبي بهذا الخصوص


ولكم جزيل الشكر على المتابعه

الاخ/ مرزووق العتيبي

بيض الله وجهك على حضورك وتفاعلك لاعدمتك 000 والاخ عايض قصدي الاخ الشاعر عايض 00 يعلم الله وهو يعلم مدى اقتناعنا فيه كشاعر 000 هو من المميزين ولاهوب واجد عليه

وانت نشكرك على اللي قلته وعلى ندائك للنداوي/ العروبي 0

واتمنى اني اكون اون لاين اثناء حضوره 00 للاستفسار منه عن عدة اشياء نحن بحاجه او انا بحاجه لمعرفتها والتاكد منها 0 وفرصه لكسب المزيد 00 والعذر والسموحه منكم لكثرة مداخلاتي 00 والقصد او السبب اني اخرج بفائده واصحح او اؤكد معلومه لدي

تحياتي للجميع