كيبورديّات.!

[poem= font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ياليت الحياه بلا تليفون لاسلكي=على شآن يرجع شوق جمعىً لنا سابت
ولاضايعٍ ملكك ولاضايعٍ ملْكي=نبى نقضي الأشغال باالهاتف الثابت[/poem]

[poem=font="Simplified Arabic,4,#000000,normal,normal" bkcolor="" bkimage="" border="none,5,#400000" type=2 line=0 align=center use=ex num="0,#400000"]
الزمان ليا إبتـرم كنّـه المكـره=مايفكّـر لا بكافـر ولامسـلـم
وأنت يااللي تسلم اليوم شف بكره=شرط من دورات الأيام ماتسلـم[/poem]

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
القلوب العاشقه مايعذّبها=غير باقي ذكرى الأحباب وأتلاها
والهنوف اللي بقايا ذوايبها=حوّلت بين المخدّه ومركاها
شعرتينٍ بأمره الله مخضّبها=لو تطبّ السوق ماجبت حنّاها
كلّ يوم أقول كنّي مطيّبها=من شذا اللي كان باالحسن يزهاها
ماعطتنيها ولانيب ناهبها=ولادريت الا عقب ساقت خطاها
أثرها قبل تبرّك ركايبها=طشّت الشيله وطاح وتغشّاها
إندلج من رآسها لأسفل إركبها=أشقرٍ لون الشفق فيه يتْباها
من وبر حمرا زهت به جنايبها=وإتركتها يوم قادت بمفلاها
كنّها يوم الهبايب تهبّ بها=نسمةٍ تشرح صدر من تلقّاها[/poem]

عنفوان العاطفه.!

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
قلبي يغرّب به النسناس ويشرّق به=عقب شوفة من يبيح كلّ سدّ بما أخفى
بينه وبين العذارى فارقٍ يفرق به=ماتقول الا عن العالم يعيش بمنفى
مثل فرق أهل الخبر عن ساكنين الثقبه=عارفين أهل الفخامه وأهل تكفى تكفى
ياماشاء الله ياعذوبة منطقٍ ينطق به=للحيا والرقه إسلوبه مقرّ وملفا
لو مجرّد حرف واحد لاهرج يشرق به=يمكن ينوّم ثلاث أيام فاالمستشفى
واهنيّك ياالهوى اللي نسمتك ترزق به=لو ماغير تداعب أنفاسه ليا أقبل وأقفى
يتهزّع بقدمه تقول ماياثق به =مثله (إ)عن المشي وأنا أستغفر الله يعفى
قلت له مما يشيل الساق معك إرفق به=ياأبو خصرٍ مايصوّب لو حذف باالشلفا
عنفوان العاطفه شيءٍ ماأحد ياثق به=لاتعقّب في ستار القلب مالايرفى[/poem]