مسْرح الجـــــرْح

[poem=font="Simplified Arabic,6,#BF3774,normal,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
في مسرح الجرح شف دمّي ينادي عليك=مع إنّك القاتل اشوفك بعيني بري
على رصيف المواجع والجروح احتريك=استمطر السيف والسكين والخنجري
واكتب على الناصية من دمّي اموت فيك=يالعاشق الملهم ويالقاتل العبقري
الله على كل طعنة ذقتها من يديك=ومع كل ذلك لوتناظر لجرحي بري[/poem]

[poem=font="Simplified Arabic,6,#0015FF,normal,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
لبيّك يادرّة حروف القصيدة=ياسندريلا العشق يانبض مغليك
يادانة(ن)جوف البحور البعيدة=ياحلم غواصٍ قضى العمر يرجيك
اليا انكسر مجداف جدّف بأيده=ماانساه هول البحرذكْرك وطاريك
معطيك عنوان الخفوق وبريده=على ضفاف الحلم ساري يناديك
ماكنّك إلاّ قطرةٍ في وريده=من زود حبّك مازهد لحظةٍ فيك[/poem]

[poem=font="Simplified Arabic,6,#0080FF,normal,normal" bkcolor="" bkimage="" border="none,4,#400000" type=3 line=0 align=center use=ex num="0,#400000"]
تعال نرقى على سطح القمر ليلة=ونغادر الارض واللي ساكنٍ فيها
ننحاش عن عالمٍ كثرت تهاويله=ونعيش بين الكواكب في منافيها[/poem]

[poem=font="Simplified Arabic,6,#000DFF,normal,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
احيان اقول انّي مااحبّك ولا اهواك=مير القصايد تعترفْلك لو اجحدْ
كرامتي فوق الكواكب والافلاك=ولاتسوّلت المشاعرولااشحدْ
ان ما عطيت الود من مدّ يمناك=خل الوفاء بيني وبينك على الحدْ[/poem]

[poem=font="Simplified Arabic,6,#222DF5,normal,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
ياشمس مابينك وبين القمر نو=ولاخطوطٍ حمْر ولا حواجز
اليا متى ياشمس مايوصل الضو=وليه الأمل يمسي من الخوف عاجز؟
بُثّي خيوط النور دوْب استوى الجو=لاتكتفين بنشرها فالمواجز[/poem]

[poem=font="Simplified Arabic,5,#2F55EE,bold,italic" bkcolor="" bkimage="" border="none,4,#400000" type=3 line=0 align=center use=ex num="0,#400000"]
ليتك تناظر في بساتين صدري=مزروعةٍ بأسمك ورسمك وطاريك
بدري عليّ انساك يازين بدري=لوْ قلت فارقني مااحبّك ماادانيك
غلاك نهر(ن)فالشرايين يجري=يجتاحني ويحرّك القلب تحريك[/poem]

في 1/12/1430
[poem=font="Simplified Arabic,6,#0033FF,bold,italic" bkcolor="" bkimage="" border="none,6,#400000" type=3 line=0 align=center use=ex num="0,#400000"]
هلّت العشر يابخت الّذي يغتنمها= في صلاة وصلة رحْم وصيام وعبادة
تجري اعمارنا والنفس تتْبع وهمها=يالله الْطف بعبْدك يالطيف بعباده[/poem]

[poem=font="Simplified Arabic,6,#2100FF,normal,normal" bkcolor="" bkimage="" border="none,4,#400000" type=3 line=0 align=center use=ex num="0,#400000"]
خذني معك في رحلةٍ نرجسية=في مركب احساسك لشاطي تغليك
الموج الازرق في عيونك قضيّة=يغري ويدعو للغرق والتهاليك[/poem]

[poem=font="Simplified Arabic,6,#000000,normal,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
ودّك تعدّا حدّنا ياحليلك!؟=ماعلموك انّاكذا دمّنا حار
لوتأتي بزيفك ورجلك وخيلك=قدّمك عذابٍ منْزل وسيف بتار
نقدر من اطراف الجزيرة نزيلك=احدودنا موت وبراكين واعصار
هذا جبل دخان ياطول ليلك=لجْله يجيك اجبال واجبال من نار
هذي رسالتنا وعلّم خليلك=تبّت يداكم ياغريبين الاطوار[/poem]

[poem=font="Simplified Arabic,6,#4341EA,normal,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
ياعيد سلّم على ربعي وخلاني=ودّي أعيّد عليهم واحدٍ واحد
ياعيد كان الظروف ووقتي الهاني=عنهم ترا قدْرهم في خاطري واجد
الصاح والجار وابن العم والعاني=ادْعي لهم بالسعد حتّى وانا ساجد[/poem]

[align=center]



صدنا نواف في هذا الوضع وكان تعليقي هذه الابيات


[poem=font="Simplified Arabic,6,#3800FF,normal,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
وش قاعد تسوّي ترا توّك صغيـر=لابتب وسمّاعة وجلسـة خطيـرة
ويوتيوب وهتميل ومسن خير ياطير=واصحاب فالطايف وفي كـل ديـرة
علّمني بسرّك ترا السر فـي بيـر=وانا اوْعدك مااجيب لبـوك سيـرة
ياذا الكسوف اليا ولدنا طلـع زيـر=بكرة وشنقـول لوجيـه العشيـرة
نواف لك عنـدي معـزّة وتقديـر=عديل غازي فـي غـلاه وخشيـره
الله وانا عمّك يسهـل لـك الخيـر=ويعطيك من فضله وجوده وخيـره
أمير والله في نظـر عمّـك اميـر=والله وحـده مطّـلـع بالسـريـرة
ودّي أشوفك غير كل البشـر غيـر=فارس كمـا المقـداد وإلاّ المغيـره [/poem][/align]

[poem=font="Simplified Arabic,6,#0061FF,normal,normal" bkcolor="" bkimage="" border="none,4,#400000" type=3 line=0 align=center use=ex num="0,#400000"]
تاخذني الخطوة وامر الاماكن=اللي نحتها فالحشا واهج الشوق
والقاك ذكرى عذبة وطيف ساكن=وصورتك مرسومة على كل معلوق
هذا غلاك اللي تخبْره ولكن=لازم غلاي يكون من حجمه وفوق[/poem]

[poem=font="Simplified Arabic,5,#1200FF,bold,normal" bkcolor="" bkimage="" border="none,4,#400000" type=0 line=0 align=center use=ex num="0,#400000"]
بينك وبين الجاذبية علاقة=من روعتك في كل الاحوال جذاب
جذاب في وقت الغلا والصداقة=وشرهتك سقم القلب واعتابك اعتاب
يسعدني اهديلك من الورد باقة=من شوقهالمصافحك عطرها ذاب[/poem]

تحريض للزملاء المتقاعدين هذا العام على الزواج ولكن
لاحياة لمن تنادي

[poem=font="Simplified Arabic,5,#0033FF,bold,italic" bkcolor="" bkimage="" border="none,4,#400000" type=2 line=0 align=center use=ex num="0,#400000"]
سلام الله والهاجس على بنّه طغى هيله=بدع زين البيوت وحافها واحسن قوافيها
يصب الكيف الاشقر من دلاله في فناجيله=يسوقه في يدين رجال تاخذها وتعطيها
سعد واقبال وابراهيم محور حفلنا الليله=لهم منّا الوفاء والطيب والازهار نهديها
تحيه صادقة يامنبع النور ومشاعيله=شموع(ن)تحترق لجل الدروب ومن مشى فيها
أكيد انتم مقابيس الدجى وانتم قناديله=معين(ن)مانضب يطوي بلاد الله ويسقيها
لكم درع الوفا والكل منكم مابخس كيله=يدير الشور والصعبه يعقّلها ويثنيها
أثرْكم//في رياض المعرفه فاحت مداهيله=وجيش العاديات النقع ثاير من مواطيها
وخط اقلامكم ميدان تصهل فالوغى خيله=نواياكم خيول الخير معقود بنواصيها
وفيتوا في عطاكم كل فارس حسب تحصيله=وشيّدّتوا حصون العلم وارسيتوا مبانيها
وانا اقول المعلم واجب(ن)مدحه وتبجيله=سواة الغيث يسقي جرهد البيداء ويحييها
ونبى نخرج عن الموضوع ونغيّر تفاصيله=هروج(ن)مانبى النايد من العربان يوحيها
يقولون التقاعد زين للي ماسكن حيله=يدوّر له برنسيسه تدفّيه ويدفّيها
اليا شفت الحبيب الاوّلي جفّت مناهيله=وقام يسفّط الافراح بالدّور ويطوّيها
تمتّع بال***** والدها والمكر والحيلهولاتقضي حياتك خرص(ن)معلّق ف اذانيها
علاك بقوم(تؤبرني) أو(اتْنيّل قتك نيله)=وهات الدّرّه اللي ماتخجّل وجه شاريها
تسوّي في حنايا الصدر تدويره وتحويله=تلمّع حلمك المهجور وايّامك تحليها
ومن ضاعت علومه ينتخي بأمّه وتدعيله=عسى ربه ييسرله اليا كثرت دعاويها
أمّا مسيار وإلاّ كهلته تعطف وتاويله=يتنّح عندها تقعد تفليه ويفلّيها
ومن فاته قطار العرس يالاصحاب عزّيله=يقرّط في عجوزه ويتجوّد في علابيها
يعذّر في جميع احلامه ويقْصب معاميله=وريعان الفشيله والنقد لاعاد يبديها
وانا خابر سعد في صدره هروج(ن)لها طيله=مرار يقولها ومرار يجْحدها ويخفيها
وابراهيم ابْلش أهل جياد وكدي بتهاويله=يسرّح كارثة والثانيه حالا يضوّيها
واقبال مسوّي المحجاه ومجهز درابيله=يطير الصيد وهو يرفع البندق ويرخيها
وانا اقول استريحوا خلّوا العرس لرجاجيله=سواة (مسّفر)اللي لن نواى حاجه يسوّيها
ابن حمدان ابن حمدان من ياصل مواصيله=يقول الثالثه لن دبّر الرحمن ناويها
وصلاة الله عدد مالاح بارق وانحدر سيْله=على من بلّغ الدعوة وصاغ اجمل معانيها[/poem]

من يسجن المبدع ومن يهضم فنونه
اسوات من يسجنون الماء بنافورة

الورد يفقد شذاه ويختّلف لونه
إنكان ماارهى عليه الفجر من نوره

والطير جوف القفص مايعزف لحونه
ويعزف الياحام فوق الغصن وزهوره