( مقتطفــاتــي)

[align=center][/align]



[align=center]ياموج لاجيتك على الهون ياموج
.................واسمع قصيدي مثل مـ أسمع هديرك
قلبي حماه الله بضلوعي العوج
.....................لولى ضلوعي جاا مصيره مصيرك
شفته على الشاطىء يباريك ويدوج
......................والا معك فـ أدناك وأقصى غزيرك
لونك ولون الشمس,بالحس ممزوج
..........................خلطه,تثير جْروحي الله يجيرك[/align]

[align=left][/align]
[poem=font="Simplified Arabic,5,#6A1C75,bold,normal" bkcolor="" bkimage="images/toolbox/backgrounds/13.gif" border="groove,4,#631A72" type=2 line=0 align=left use=ex num="0,#400000"]

كم لغز جاك بوسط الأبيات مدفون=مْركّبه فكري على أجمل حْروفي
تقرأ وأنا أقرأ والجماهير يقرون=والورد يجذب,والبحر,والقنوفي
كنت أحسبك تفهم على كل ملحون=نباهتك تلقط مراميس جوفي
وكنت أحسبك في حل الألغاز مفتون=على الورق والا بْرااحة كْفوفي
عوّد علي اللغز بـ .الحفظ والصون=يشكي غباك وتستثيره دْفوفي
وأنا أتأمّل فـ .المقادير بـ .الهون=بين الجراءه والبراءه وخوفي!![/poem]

[align=center][/align]

[poem=font="Simplified Arabic,5,#676850,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]

في يديك الرسن وأمري وأنا في يديك=فارسٍ في هوى نفسك مطوّعني
ربي اللي سخرني,بس أمانه عليك=لاتشد الرسن بالحيل توجعني
ودي أتبع جنابك من غلاتك وأبيك=والحجر والشجر والشوك يمنعني[/poem]

[poem=font="Simplified Arabic,5,#000000,bold,normal" bkcolor="" bkimage="" border="none,4,#400000" type=2 line=0 align=left use=ex num="0,#400000"]
دقات قلبي على بيته تسابقني=ياوجد حالي لو انه عاد في بيته
من جيت(....)والعبراات تخنقني=جدّد صوابي,وأنا ماكنت ناسيته
معالمٍ في طريقي غصب تورقني=هذا وصلته وهذا قد تعديته
ولقيت فـ .البيت بحر الشوق وأغرقني=من غير دمعٍ قوى عيني وهليته
لي تسعة أشهر ونار البعد تحرقني=ياما تمنيت أجي وحْزنْت (يُم)جيته
يالله عسى ضيقة الخاطر تفارقني=واللي كتب ربي المعبود راضيته[/poem]

[poem=font="Simplified Arabic,5,#156E1F,bold,normal" bkcolor="" bkimage="images/toolbox/backgrounds/11.gif" border="outset,4,#277F3B" type=2 line=0 align=center use=ex num="0,#400000"]
ربي كتبت وُكتبت وُخاطري أكتب=أغفر خطاياي واستر زلة لْساني[/poem]

[poem=font="Simplified Arabic,5,#9621B5,bold,normal" bkcolor="" bkimage="" border="none,4,#400000" type=2 line=0 align=right use=ex num="0,#400000"]
أهديت لك مع نسمة الصبح روحي=جاتك هديه لاترد الهديه
معها ثلاث أبيات من عذب بوحي=نقشتها لك فوق راحة يديه
والورد واليشموم معها يفوحي=لـ .مالت غْصون الغراام النديه[/poem]

[align=right][/align]

[poem=font="Simplified Arabic,5,#0078FF,bold,normal" bkcolor="" bkimage="" border="none,4,#400000" type=2 line=0 align=right use=ex num="0,#400000"]
ليت الحمامـه مثلنـا تسهـر الليـل=تسجع معي لـ .ضاق صدري وغنيـت
تثيـرنـي وأثيـرهـا بـ .المـواويـل=وأروي لها قصة حياتـي بكـم بيـت
وأهـلّ معهـا سبحتـي دون تمثيـل=وأكشف لها سرٍّ عـن النـاس خبيـت
وأبهّـر الدلـه وأكثّـر مـن الهـيـل=لـو ماتقهـوى,تْشوفنـي لـ .تقهويـت
وأسوق من روحي لروحـي فناجيـل=ماهوب كيف,الا من الشوق مــ .أمسيت [/poem]

[poem=font="Simplified Arabic,5,#0C5242,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
القلب تايـق والمسافـه بعيـده=وأمطار نجد وناسهـا شوقتنـي
عسى الكريم بجود فضله يزيـده=دارٍ سيولـه فالقنـوات جتـنـي
أتابع أخبـاره ونفسـي سعيـده=من كثر ماشفت الصور وأعجبتني
وأحبابي اللي فيه ترسـل جديـده=تبي تبشرنـي وهـي هيضتنـي
والبعد موحش واتصالـي بريـده=كثرت مراسيله علـي وقْهرتنـي
ياسعد من يمشي على مايريـده=وأنا ظروفي عن هواي مْنعتنـي
ماطاعني غير القلـم والقصيـده=يملي عليها خاطـري وكْتبتنـي [/poem]

[align=right]مرسول الأحلام لامن نامت عيوني
,,,,,,,,,,,,,,,,,,,,تعال عندي وعطني موجز أخباره
من بعض الأحلام يروى يابس غصوني
,,,,,,,,,,,,,,,,,,,,,,,,ماهوب داايم.,ولكن تاره وتاره[/align]

[poem=font="Simplified Arabic,5,#234480,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
قصيدتي حرفي وظرفـي نشرهـا=لاهيب لا وجعه ولامـن عنـادي
سحابةٍ يسبق رعدهـا مطرهـا=من فووح حزني سيّلت كل وادي
مستمطره من وقتها من شهرها=لاشك بارقهـا مـع الليـل زادي
وأبطت عيوني عقبها في سهرها=واسترهفت روحي وتلّت فـوادي
وزادت على بعض الخواطر كدرها=ماهوب ودي غصب لو قلت عادي
لاصار أبوي وطيب ذكره فخرهـا=هان العتب,لو جاير الحزن سادي [/poem]

[poem=font="Simplified Arabic,5,#671281,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
تأخذني الذكرى على خـط الأقـلام=وأعيـد وأقـرأ ماكتَبْـهْ وُكتبتـه
شعر وخواطر ماتجي لو فـ .الأحلام=حفظتهـا مافيـه حـرفٍ شطبتـه
وأنتجتها وأخرجتها مثـل الأفـلام=وسميتها *من طيب حظي كسبته*
[/poem]

[align=right][/align]


[align=right]الناس مثل الطيور ومثل,, فطرتهـا
وكلٍّ سعادة حياته ,,لا لقـى طيـره

ناسٍ فطينه ,,ولاتخطـي ,, بنظرتهـا
وناسٍ توهّق,,عَوَضْها يـ .الله الخيره [/align]

[poem=font="Simplified Arabic,5,#1B6940,bold,normal" bkcolor="" bkimage="" border="none,4,#400000" type=2 line=0 align=right use=ex num="0,#400000"]
ماكنت قبل أمس مثل اليوم=وش غيرك يابعد روحـي
مالك مصدٍّ عن المقسـوم=مكتوب ماجاك فـ .اللوحي
سماك مقتم,مطر وغيـوم=صوتك من البرد مبحوحي
خلاص لـ .صار فيه عْلوم=تَعْفي وتكفي عن البوحـي
معذور ومقدّر ومحْشـوم=لو تشغل البال مسموحـي
حمام شوقي عليك يحـوم=تسمع هديله بمنضوحـي
[/poem]

[poem=font="Simplified Arabic,5,#3D1645,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
لولى مصابيح الأمل تضوي ليـا طـال الغيـاب=كان النهـار بغيبتـه فـ .عيونـي الثنتيـن ليـل
تضوي علي وتبـدد هْمومـي وجـور الاكتئـاب=وترد روحي وأنتظـر وأقـول يالصبـر الجميـل
وأصك باب اليأس وأفتح في رجاا الرحمن بـاب=وأجحد ملامح ضيقتي وأصنع لها الضحكه بديـل
وأكتب عبارات الغلى,فوق السماا,فوق السحـاب=وأنسى الزعل,وأزرع أمل,وأسهر مع الليل الطويل
وأن زار من نسج الخيال,جيته وأنا كلـي عتـاب=وسْمعت لخيول الوله والشوق في صدري صهيل! [/poem]

[align=left][/align]




[poem=font="Simplified Arabic,5,#B97137,bold,normal" bkcolor="" bkimage="" border="none,4,#400000" type=2 line=0 align=left use=ex num="0,#400000"]
سويت لك فنجان قَهْوه على الكيف=بنه وهيله مـن نـوادر قصيـدي
محبوك ماخالط مقاديـره الزيـف=يغليه قلبي,وأسكبه مـن وريـدي
[/poem]