( مقتطفــاتــي)

[poem=font="Simplified Arabic,6,#8500FF,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
الله على ذا السحاب وبرقـه السـاري=سرى خفوقي علي مع نـوض براقـه
على سنا البرق ثارت موجة أشعـاري=مدري سرى الحرف والا هاجسي ساقه
الناس نامت وانا راحت بـي افكـاري=تطرد هجوسٍ سرى والنفـس تواقـه
وان أسهب الحرف لازم يكشف أسراري=بعض القوافي علـى الاسـرار بواقـه
قامت تلاعب طرب وارسالهـا جـاري=لصوت الرعد جاوبت ولهه ومشتاقـه
رنينها فيـه مـن نغمـات الاوتـاري=وفيها من الورد والوان الزهـر باقـه
سلمتها الروح واستوقفـت مشـواري=ياروعة القاف لامن جـا علـى فاقـه [/poem]

[poem=font="Simplified Arabic,6,#D200FF,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
أرويت من عذب القصايد خفوقـي=وأنا محلّي بارك الله ف..الارسـال
جزله يحاكيني ويسقـي عروقـي=وعذبه بْداخل مهجتي حطّ منـزال
أستوطن افكاري وخالـط مذوقـي=وأروى ضماي وصار للروح مدهال
أقرااه من كيفي واصوغه بّذوقـي=واشرب مِنِه فنجال واصب فنجـال [/poem]

[poem=font="Simplified Arabic,6,#8500FF,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
ودي أزور القمـر والا يزاورنـي=يابعد سطحه علي لو شاقني نوره
بعض الأماني تجيني ماتشاورنـي=وأروح معها والفّ الكون في دوره
لامن تحاشيتهـا جتنـي تدورنـي=واستوطنتني وأنا مانيب مجبـوره
ليت الأماني على الواقع تْحاورني=واشرح لها حالتي واوضّح الصوره [/poem]

[poem=font="Simplified Arabic,6,#9C00FF,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
بين الألف والياء خيال ومساحه=مابين شاليهات وأرقى الحدائق
أعيش فيها لين يظهر صباحـه=وتمر ساعاتي بعمـر الدقائـق
مرات أجيها في سعاده وراحه=والبال بين الأبجديـات رائـق
أرسم عليها للمقابيـل واحـه=إطارها يعجب جميع الذوائـق
ومرات تقلبها عيوني مناحـه=ويعيقني عنها من الحزن عائق [/poem]

[poem=font="Simplified Arabic,6,#CA00FF,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
شريط الذكريات أحيان يسعد خاطري..واحيان=يجيب الهم لامن أشتغل واسترجع الماضـي
يكدّر خاطري لامن عرض لي ماضي الاحزان=يجدّدها شريط العرض قدامي على الفاضـي
الا ياواهني من عاش يملك نعمـة النسيـان=سعيد الحظ..يكفي في حياته دالـه وراضـي [/poem]

[poem=font="Simplified Arabic,6,#3800FF,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
لوهي على الكيف عشناها بورد وزهور=وهموم قلبـي قسـم لاسكـر ابوابهـا
والصبر ممدوح والدنيا تلـف وتـدور=ورق المشاعر صفاتٍ تتعب أصحابهـا
حزني توطن بْروحي من ليال وشهـور=ودْموع عيني تْسيّـل نجـد واشعابهـا [/poem]

[poem=font="Simplified Arabic,6,#8500FF,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
فيض المشاعر تجاوز بالغلا حـده=يالله عسى خير وش ناوي يسويبي
كتبت وتْعبْـت ماكفـى ولاسـده=خذا شعوري على ذبحي وتعذيبـي [/poem]

[poem=font="Simplified Arabic,6,#1A00FF,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
وجودي وجود اللي غطت يخته الامواج=تنافض من الرهبه وطاحت مجاديفـه
ينادي بعالي الصوت ماصوبه أحدٍ داج=تلاعببّه الامواج ماجـت علـى كيفـه
على حاجةٍ في خاطري دونها مـزلاج=كتمها الزمان اللي عصتني تصاريفـه
[/poem]

[poem=font="Simplified Arabic,6,#C300FF,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
روحي وش أغلى في حياتي من الروح=وثروة غناتي دامـت النفـس حيـه
لو ما تسامحني ولا انتـه بمسمـوح=خـل الليالـي السـود تشهـد عليـه
كنـا وكنا!!مالهـا اليـوم مصلـوح=بـس أحفـظ الابيـات هـذي هديـه [/poem]

[poem=font="Simplified Arabic,6,#0005FF,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
الله يسامح حروفٍ هيضت بوحـي=حره..تجيني جديداتٍ ومحبوكـه..
وأنا حروفي جداها الدمع والنوحـي=تبكي وتشكي ورى بيبان مصكوكه..
حلفت تبقى ولو تثّر علـى روحـي=في داخل القلب مسجونه ومملوكـه [/poem]

[poem=font="Simplified Arabic,6,#3100FF,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
نعم سْلاحي لاتضايقـت دمعـي=عزي لمن دمعة عْيوونه سْلاحـه
أطفي بها لامن سرى الليل شمعي=وأزرع على ماها من الشعر واحه
يحتار واعي الفكر في قصد رمعي=لقيت في سر المواويـل راحـه [/poem]

[poem=font="Simplified Arabic,6,#0033FF,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
ودي أنسى نهارٍ كان فيه الودااع=والله أنه علي أقشر نهارٍ جـرى
يوم ودّعت أبوي وصابني للتيـاع=أرفع أيدي وهو ماعاد عني درى
عقب فرقاه قلبي في ذهول وضياع=ياترى ممكن انسى ماجرى ياترى [/poem]

[poem=font="Simplified Arabic,6,#8500FF,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
بين قوسين لي وقفه مع أربع نقاط=كل نقطه من أسمه لو جحدها حكت
أن نهيته تمادى فـ/الغلط واستشاط=وان سكتّ الحروف اللي حكاها بكت[/poem]

[align=center]تشرفت بهذه الأبيات على صفحتي في أحد المنتديات

من الشاعر/غازي العوني..يقول:[/align]



[poem=font="Simplified Arabic,6,#8500FF,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
ياشاعرة نجد فيك اسجـل اعجابـي=الله عطاك المواهب وانـت راعيهـا
بعض الشعر يسلب من الناس اللبابي=وانته حبكة القصايد فـي معانيهـا
مرثيتك جابت الدمعه علـى اهدابـي=واصبح صداها بقلبي من شقاويهـا
[/poem]



[align=center]صح الله لسان الشاعر...فقلت:[/align]



[poem=font="Simplified Arabic,6,#D200FF,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
يامرحبا عـد مافاحـن الاطيابـي=يالشاعر اللي حروفك لاحت اضويها
أعجاب مثلك ينوّر صفحة اكتابـي=وشهادتك يالسنافي أفتخـر فيهـا
وعساك يالقرم ماتبكـي الاحبابـي=وصح لسانك عدد ماهـب ذاريهـا [/poem]

[poem=font="Simplified Arabic,6,#F900FF,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
ياركني اللي كل ماضاق صـدري=جيتك وبعثرت الحرووف الجديده
ليتك عن اللي داخل الرووح تدري=وترد صوتي لابعث لـك بريـده [/poem]