( مقتطفــاتــي)

[align=center][/align]

[poem=font="Simplified Arabic,5,#000000,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
أبوي صوته معي داايم بجوالي=فـ .القبر لكن معي بالصوت والصوره
أروح لي في مكان مْن البشر خالي=وأسمع قصيده وأعانق روعة بْحوره
ماغاب من مات,لاوالله على بالي=بالصبح بالليل,يامشكااي معذوره[/poem]

[poem=font="Simplified Arabic,5,#2F4F30,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
أعَرْف إني على بالك مثل مـ .أنّك على بالي=وأعَرْف أن الظروف تحول مابيني ومابينك
وأعَرْف أن الليالي درّستنا والثمن غالي=وأعَرْف أن الدروس النافعه جتني على أيدينك
سماي وعذب ماي ومصدر إلهامي وموالي=سكون الليل يسري بي على سكة عناوينك
عسى يوصَلْك مضمون الغلى والحس وارسالي=مع أني واثقه لو كان ماجت عيني بعينك
أنا ودي ولكن ماحصل ودي ولاجالي=عليك الله وأكبر يـ .الزمن مـ .أقوى سلاطينك[/poem]

[poem=font="Simplified Arabic,5,#704FB1,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
هزي الغصن الاخضر ياهبوب الجنوب=واحذري,بالهداوه لايطير الحمام
خلّي الراعبيه قبل وقت الغروب=كلما مال تسجع لين يبدأ الظلام
في لحنها غذاا مدري دواا للقلوب=ينعش الروح ويْغذّي زهور الغرام[/poem]

[align=center][/align]



[poem=font="Simplified Arabic,5,#9A218B,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
متحدّثه والله عطانـي مـن الافصـاح=مخارج حروفي لــ .تكلمـت موزونـه
ولكن عَجَزت أنطق معك كلمةٍ ياصـاح=بتبطي وهي في دااخل الصدر مسجونه
تحديت نفسي بالجراءه,عشان أرتـاح=وتلعثمت فيها مثـل طفـلٍ يهجّونـه [/poem]

[poem=font="Simplified Arabic,5,#BB47B4,bold,normal" bkcolor="" bkimage="" border="none,4,#400000" type=2 line=0 align=right use=ex num="0,#400000"]
مايكشف أسراار البحر عالي الموج=وأنا أسرااري ماكشفهـا قصيـدي
تبقى بقلبي دونها ضلوعي العـوج=ماذاعهـا للنـاس فاخـر جديـدي [/poem]

[align=center][/align]

[poem=font="Simplified Arabic,5,#2D4A30,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
ياليت من حوّل مع القديه=والجو غايم والخوي سْنافي
على المزاارع وأرضها النديه=أروي عرووق الخافق المنلافي
وأمسك تراب المزرعه بيديه=وأشكي على غرس النخيل الخافي
وأقول للأشجار أنا نجديه=وأبوي راعيك الكريم الوافي
بـ .أهديك من عقب البطى هديه=لـ .غرّق الرشاش كل أطرافي
أبيات شعرٍ فااخره وديه=من ذكريات الأمس لحنٍ دافي

جودي علي يـ .أحلامي الورديه=رحت وسرحت وجيت,تحت لْحافي![/poem]

[align=center][/align]

[poem=font="Simplified Arabic,5,#FFA900,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
ياصبح بـ .أرسل مع نسيمك سلامي=وبـ .أرسل معك فوق السلام أربع أبيات
فيها هواي ومشْتكاي وغرامي=ينزل على مضمون الابيات زخات
وفيها حكايه,وان شرحها كلامي=رويتها للجيل ضمن الروايات
وفيها وفيها,بس غاية مرامي=مع النسييم تْرووح الأبيات بسكات[/poem]

[poem=font="Simplified Arabic,5,#502756,bold,normal" bkcolor="" bkimage="" border="none,4,#400000" type=2 line=0 align=right use=ex num="0,#400000"]
طَرَى حرفي اللي يستثيرك وهو ما ثار=كثر ماعَزَف للحيـن مابـاح مكنونـه
يشد الحزام ويسرج الخيل فــ .المضمار=تجهز عشانك وأقرب النـاس ينهونـه
سرى لك على درب الغلى والطريق غْبار=عساه يْتبيّن لك عـن الناس,مضمونـه,
[/poem]

[align=center][/align]

[poem=font="Simplified Arabic,5,#344CDC,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
حمامة الشوق غني لـي وسلينـي=هيا نغني سوَى في خاطري ضيقـه
متغلّقه من ظهـر والبعـد حادينـي=واللي على خاطري,ياصعب تحقيقـه
واللي مشوا هيضوني,من يواسيني؟=أحتاج من عقب ضيق الصدر ترويقه
على الجناحين ياااتكفيـن شيلينـي=نطلع سماا نجد ناااخذ فيه تحليقـه
[/poem]

[poem=font="Simplified Arabic,5,#2A32BF,bold,normal" bkcolor="" bkimage="" border="none,4,#400000" type=2 line=0 align=left use=ex num="0,#400000"]
أربكتني مع عالي المـوج وأربكـت=نفسك,ونفسـك يــ .الغـلا ماعليـهـا
تستحمل الفرقى وأنا ضقت وأوشكـت=أغرق وروحي مابقـى حيـل فيهـا
ومن حيرتي فــ .حْبال صمتي تشربكت=مابي المشاعـر تعتـرف لك,وأبيهـا!! [/poem]

[poem=font="Simplified Arabic,5,#6067EC,bold,normal" bkcolor="" bkimage="" border="none,4,#400000" type=2 line=0 align=right use=ex num="0,#400000"]
تشاركنا بــ .الافكار وبــ .الاسرار ولمسنا الغيم=وتحدتنا الظروف العوج في تحقيـق أمانينـا
تعلمنا من دروس الحيـاة وماشكينـا الضيـم=صبرنا وانجبرنا مــ .أنتظرنا مَـن يواسينـا
[/poem]

[poem=font="Simplified Arabic,5,#8F1892,bold,normal" bkcolor="" bkimage="" border="none,4,#400000" type=2 line=0 align=right use=ex num="0,#400000"]
رسالة الجوال تشرح لـي الحـال=كنْها تجاوب عن سـؤالٍ طرحتـه
طرحته بنفسي من البال عــ .البال=وحالي بَرَى حالي وأنا ماشرحتـه
أحتال في قلبي وأنا كنت مــ .أحتال=ياما وياما غصب عنـي جرحتـه
[/poem]

[align=center][/align]
[align=center]جديدي...[/align]
[poem=font="Simplified Arabic,5,#000000,bold,normal" bkcolor="#1B1B0F" bkimage="images/toolbox/backgrounds/39.gif" border="solid,5,#090903" type=2 line=0 align=center use=ex num="0,#400000"]
يوحي لي إحساسي وأكذّب إحساسـي=وأنا وهبني خالقي صـدق الإحسـاس
ودي شموخي فووق من قـو باسـي=وماودي أطوي دون مقصودي اليـاس
وأنا أدري إني قلبـي أحيـان قاسـي=لو المشاعـر والاحاسيـس قرطـاس
فصلـت مـن خـام المـوده مقاسـي=وشربت لي من فايض الشوق كم كاس
ومليت مـن صبـري ودارت بْراسـي=أفكار تجبرني على اعـلان الافـلاس
يضيق بي صدري وأنا بيـن ناسـي=وأنطر قدووم الليل لا ناموا النـاس
لي مع حديث النفس سفـن ومراسـي=أبْحُـر ويتبعنـي سرايـا وحـراس
تكتـب مواويلـي وترفـع حماسـي=وأنا عْروقي من ضمى الوجد يبـاس
ضـو القمر,مـوج البحر,واقتباسـي=لـ .صوره من الواقع بدقـه ومقيـاس
حفظتها فـ .الذااكره شـيء أساسـي=تذكاار مع دقـات قلبـي والانفـاس [/poem]

[poem=font="Simplified Arabic,5,#365B51,bold,normal" bkcolor="" bkimage="" border="none,4,#400000" type=2 line=0 align=right use=ex num="0,#400000"]
يقـول خَللّـي للتفـاؤل مسـاحـه=في ركنك الهادي وكفّي عن النـوح
ليه الحزن يلبس بركنـك وشاحـه=كافي طلبتك مامن الحزن مصلـوح
قلت أبشر أبشر وأن بغيت الصراحه=لابد ماتطغى المشاعر على البـوح
فــ .الشعر يلقى كاتب الشعر راحـه=لــ .صار يطلع لاتهيّض من الـروح
[/poem]

[poem=font="Simplified Arabic,5,#633F6A,bold,normal" bkcolor="" bkimage="" border="none,4,#400000" type=2 line=0 align=right use=ex num="0,#400000"]
صدق المشاعر يجهد الروح بـ .اجرام=ويجتاح دقـات الخفـوق أجتياحـي
يانور صبحي صار لي قطعـة أيـام=لا طاب لي ليلي ولا أشرق صباحـي
طلاسـم المكتوب,تظهـر بــ .الاحـلام=بينـي وبينك,غايتـي وانشـراحـي
شي(ن)كشفته لك على روس الأقـلام=وشي(ن)مغطيـةٍ عليـه بوشـاحـي [/poem]