( مقتطفــاتــي)

[poem=font="Simplified Arabic,5,#0078FF,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
رقيت بْخيالي فوق قمة مشاريفك=وغنيت يوم الشوق من خافقي غنا
وشربنا دلال الكيف,من كيفي وكيفك=على جال ضوٍّ تشتعل والحطب منا
جمعنا القدر من غير علمي وتوصيفك=ياليت القدر يتبع هوانا ويضمنّا
على قاربٍ تحكم مسيره مجاديفك=تسوقه شهر فووق أزرق الموج ماونّا
وأغني جديدي وأرتوي من سواليفك=مـ .غير البحر والليل ونْجومه وحنا
تمادى غلانا وأن سرى الليل مع طيفك=سجنت العواطف لاتغادر مساكنّا
نكابر على حْساب المشاعر وتصريفك=ونْشوف أيدِي الحرمان بالرمح تطعنا
طلبتك ظلام الليل,تسعف مواليفك=قبل لانموت ويروي الراويه عنا [/poem]

[align=right]حلمت وحلمي المزعج مْخوفني من المقسوم
,,,,,,,,,,,,,,,,,,,حلمت وكن حلمي فلم,وأبكاني بطل فلمي
غريبه!ماهقيت العين تبكي في لذيذ النوم
,,,,,,,,,,,,,,,صحيت ولين دمعي فوق خدي من سبب حلمي[/align]

[poem=font="Simplified Arabic,5,#0071FF,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
أختبرته,خساره,مانجح فـ .أختباري=أشهد أنه صدمني,ليتني مـ .أختبرته
وأختباري صريح,وفيه عذر أضطراري=لو توقّف على معناه,يمكن عذرته
أستفزه وهو في بعض الاحيان داري=ويتجاهل ويستغبي وأنا ماخبرته
ماخبرته غبي,واعي وفاهم حواري=بيني وبين نفسي,من جوابه,شكرته
صار وجهة مساره,تختلف عن مساري=يوم بانت عناوين الحقيقه,خسرته
كنت أشوفه وأشوفه,لين غطّى مداري=وابتسم نور صبحي,عقب ليلٍ سهرته
الله أكبر على بعض الخطط والطواري=موجز أخبار صار,ومابقى,مانشرته![/poem]

[poem=font="Simplified Arabic,5,#8500FF,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
مدري أختلقت الزعل..والا أحساسي صحيح!=مدري وش اللي حصل..وأمسيـت زعلانـه
وشلون صارت معي؟..ضاق المكان الفسيح=وأنـا قبـل كنـت مبسـوطـه وطربـانـه
عيّيت لا أرضى..وعيّى خاطـري يستريـح=وابلـيـس غـنـت مزاميره..وطيـرانـه
كبرت بنفسي كذا !! وين الجواب..الصريح=ليـه أتأثّر؟..وليـه النـفـس شرهـانـه! [/poem]

[poem=font="Simplified Arabic,5,#0A00FF,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
وش عاد باقي من التلميح!=لاصار الأخـلاق خربانـه
كافي على قلبي التجريـح=ياليـل ماللسهـر خـانـه
أذوّب الثلج ليـن يسيـح=وأشرب ولانيب رويانـه!
وأبني جدار الأمل ويطيـح=وأشكي على الرب سبحانه
[/poem]

[poem=font="Simplified Arabic,5,#E200FF,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
في مكاني ولكن مع خيالـي وصلتـه=ليتني نمت وأمسى هاجسي ماخذانـي
من غلاته سريت وعاذلـي ماسألتـه=كنّي أسمع صدى صوته ليامن دعاني
شالني هاجسي وان قَصْرت خْطاه شلته=واستثارت حْروفي من جديد المعانـي
آهـ.ياجهدي اللي طول ليلـي بذلتـه=أطوي الدرب كن الوقت عندي ثواني!
وآهـ.ياللخيال وفكري اللـي شغَلْتـه=مع غياهب سكون الليل رااح ورماني
[/poem]

[poem=font="Simplified Arabic,5,#AC00FF,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
ياكثر ماتقبـل الضيقـه وتقفـي بـي=وياطول صبري وياحلمي على الضيقه
أصبح وتصبح معي وأمسي وتمسي بي=حطت بْصدري لها بصمـه وتوثيقـه
تباًّ لشعري علـى كثـرة مكاتيبـي=لاصار مازاحـت الضيقـه طواريقـه! [/poem]

[poem=font="Simplified Arabic,5,#C300FF,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
نعم موّهت بك غصبٍ عليّه=ظروفي لابغيت الجد سيّه
بلاش احراج واقْبَلْه أعتذاري=وُراسك مظلمه والشمس حيه
تسولف لي وتسألني وأجاوب=وأنا مازال ل أجْوبتي بقيّه
صريحه بس فـ حْدود الصراحه=حواجز حيرتي صكت عليّه
لاقلت الليل!جاني الليل ساري=غدابي مع طريق المهمهيّه
ظلامه لاغسق يشبه ظلامي=ولو يضرب صباحه لي تحيّه
دهاني مادهاني واستجابت=لشكواي الحرووف الشاعريّه
تشاكت لي وصفت واطربتني=وغنت من لحنها الراعبيّه[/poem]

[poem=font="Simplified Arabic,5,#DA00FF,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
تصادم زفير الصدر مع وهج نار الشوق=تفاعل وفجّـر فـي خفوقـي براكينـي
تألمت واستسلمت!واسترسل الطـاروق=أشاكي خيالـي والمشاعـر تشاكينـي
وأسولف على روحي لعل وعساي أفوق=وأحاكي نجووم الليـل لـو ماتحاكينـي
[/poem]

[align=center][/align]

[poem=font="Simplified Arabic,5,#009FFF,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
رفرف علمنا والشعار السيف=وإيمانّا بالله قوّتنا
رحماك لاثوّر عجاج الصيف=هجّد معاصيره وثبتنا
وأحم الوطن وأكشف وجوه الزيف=وألطف بنا وانصر حكومتنا[/poem]

[poem=font="Simplified Arabic,5,#D200FF,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
الغالي اللي يحرق أعصاب غاليه=يابعد مضموون الغلى عنه بعداه
لاصار مادوّر على اللي يسليـه=وأنساه همّه في زمـانٍ تحـداه
لابارك الله في مسـارٍ يوديـه=لذاك الطريق اللي عجاجه تعداه [/poem]

[poem=font="Simplified Arabic,5,#AC00FF,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
تدري إني رحت فيها ولاكنّـك دريـت=وتدري أنك تقترف يالغلا فيني ذْنـوب
وتدري أنك تسرق الفكر مني م أستحيت=خذت عقلي لاشعوري وعارضت الهبوب
ياكثر ماقـد نهيتـك ولكـن م أنتهيـت=يالسروق اللي تماديت في سرق القلوب
[/poem]

[align=center](سحابة الشعر)[/align]

[poem=font="Simplified Arabic,5,#0088FF,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
ودي أغني وأخاف أتحمّل ذْنوبه=والشعر يسحر وأنا يكفيني ذنوبي
والقاف يلعب طرب والضو مشبوبه=ضو المشاعر سناها يشعل دْروبي
رسمت له من بديع فنوني اعجوبه=وأرسلت له من رموز الحرف مندوبي
وبنيت قدره بْقلبي طوبه بْطوبه=ومْن الغلى والحلى صبيت له كوبي
سحابة الشعر روحي وجّهي صوبه=قولي حراام التعنجه وارجعي صوبي
مراات من طيبته مرحه وحبوبه=ومره من الغيض ماياسعْني الثوبي
جاه الطلب للأسف ماتم ماجوبه=وأنا أحْسبه من غلاي يْتم مطلوبي
يقول الأحداث ذا اليومين مقلوبه=قاسي وأنا طيبتي عيبي وعذروبي
سبحان من بدّله!من غيّر أسلوبه=وانا معه ماتغيّر منهج سْلوبي[/poem]

[align=center][/align]
[poem=font="Simplified Arabic,5,#0A00FF,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
هنيّك مْريّح ماسرق فكرك الهاجوس=ولاشال قلبك من هموم الاوادم شي
ولاهمّتك دنيا ولاخذت منها دْروس=ولاباكي(ن)ميّت ولاناشدٍ عن حـي
ولا ساهرٍ ليلك ولا خاطرك محيوس=تْلاعب يْدينك بس وتْنام كل شْـوي [/poem]




[align=center]اسم الله عليه[/align]

[poem=font="Simplified Arabic,5,#8500FF,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
يانجد قدلي ثمان شْهـور ماجيتـك=يسوقني الشوق بس الشوق ماساقه!
لاقلت تكفى نروح اليـوم راجيتـك=قدّم ظْروفه علي واستشهد أوراقـه
ياطير عرّض علي واسمع مْحاكيتك=الجو يصلح سفر والنفس مشتاقـه
خذني وحلّق ترى مانيـب مزريتـك=نفسي خفيفه,تجمّل وابـذل الطاقـه
واعذر فضولـي ليامنـي تباطيتـك=روحي على نجد وأهل نجـد تواقـه
[/poem]