> مما أعجبني<

ياللي تعرف الجوهره من نحاسه..خذلك على درب التجاريب مرواس

مبنى على الغرمول ينهد سـاسه..ويثبت إلى عزيت مبنى على ساس

واجب على الرجال يلبس مقاسه..ويصير بعيون الرجاجيل نبـراس

يرفع مجاله عن دروب الدناسه..ونفسه يدربها على قوة البـــاس

ويحسن أخـلاقه بليا شـــراسه..لوهو شـجاع ويلبس الدرع والطاس

ويأخذ تجاريب الليالي دراسه..ويميـز الياقوت من لمعة المـاس

لو ذاق في بعض الليالي تعاسه..يصبر ولو صارن أشافيه يبــاس

ومن يصحب الأنذال وأهل النجاسه..يقضب عليه الهرج في كل مجلاس

ناس تميز كحته من عطـــــاسه..ويصـورون االكذب في صفح قرطاس

الذيب يرفع همـته عن مـداسه..يوم يجـوع وســـاعه يرفع الراس

وبعض العرب ماهمـه إلا لباسه..دايـم على غـرات الأجـواد عساس


محمد ناصر السياري,,,,,






.....>> معـدي المـرقاب<<.....

اخي وعزيزي

معدي المرقاب

ومن يصحب الأنذال وأهل النجاسه
0000000000000000000..يقضب عليه الهرج في كل مجلاس


صح الله لسانك قصيده معديه المراقيب كلها

وبيض الله وجهك فكره وطرق ومعنا وقافيه

تسلم يالقرم ومعودنا علي الجزاله يالجزل

عزيزي .وأخي ... محمد الحبابي


-----------------------
------------- اشكرك على إطلا لتك .----------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------


.....>> معدي المرقاب<<.....

الذيب يرفع همـته عن مـداسه..يوم يجـوع وســـاعه يرفع الراس

وبعض العرب ماهمـه إلا لباسه..دايـم على غـرات الأجـواد عساس



أخي معدي المرقاب,



لا هنت وإختيار موفق جداً...



صح لسان الشاعر وسلمت يمينك.......





أخوك,

أخي الفاضل معدي المرقاب


لن أضع رأيا أو تقييما لهذه القصيدة لسبب بسيط جدا وهو أن

صاحبها رحمه الله علم من أعلام الشعر في المملكة وهو من جيل

الروادأمثال محمد السديري وزبن بن عمير وسويلم العلي

وأقرانهم وكان منزله منتدى وملتقى لأكثر شعراء جيله

وقد تميز شعره بألحث والإلحاح والدعوة المستمرة إلى

مكارم الأخلاق والتنفير من ضدها وما أجمل قوله رحمه الله :


المجلس اللي ما تجيه الرجالي

.........................وشعاد بالكاشان لو يفــ،رشونه

بعض الحزوم أزين على كل حالي

.........................ليا صار راع الحزم ربعه يجونه



رحم الله الشاعر الرجل / محمد بن ناصر السياري


وجزاك الله كل خير على هذا الإختيار




أخوك

صايد الفوايد

أبو خالد