( إنتي أدرى ..) مشاركة أولى !

(( بسم الله الرحمن الرحيم ))

فالبدايه أتمنى أن تقبلوني عضو جديد في هذا التجمع الأدبي الكبير وأتمنى أيضا أن تعجبكم مشاركاتي المتواضعة .


(( إنتي أدرى .. ))



إنتي أدرى ..
عن سبب هذي الكآبه
والجروح إللي تشابه.. في غيابك
وكيف حزني ..
صار واضح ..
في تفاصيل الملامح ..
لين صرت أشبه دموعي ..
بكل مجرى ..
وإنتي أدرى !

****************************

من رحلتي ..
والعمر ضاعت سنينه
بين هم الليل ..
وأنوار المدينه
يسأل أكوام الأماكن ..
عن مكانك ..
عن حنانك ..
عن نهار صار داكن .. من رحلتي

****************************

إنتي وينك .. ؟
وش خذيتي من صدودك ..؟
وين صارت بك حدودك ..؟
عاجبك ماصار فيني ..؟
يابروووووودك !!
في غيابك ..
ياما خفت من السوالف .. لاتجيبك
تعرفين القلب حالف .. يحتفيبك
في حظورك .. أو غيابك ..
بالدموع
مايعرف من الهدايا ..
غير جرحه .. والدموع
وإنتي أدرى !!

****************************

ياجماعه اعذروني صار خطأ بسيط وحبيت أعدله !!
تراني غشيم شوي ، كتبت في موضوعي ( اقبلوني عضو ) ولما شفت الموضوع لقيت تحت إسمي ( ضيف ) علشان ماتقولون سوا نفسه عضو !
خلونا نقول خطأ مطبعي .. اتفقنا ؟

ولا يهمك ما حصل خطأ انت ضيف وعضو وحنا قبلناك





مرحباً بك بين اخوانك....حللت اهلا ووطأت سهلا...





أخوك,
قلب الذيب