Tweet
من دفتر ذكرياتي انتقيتها لكم
\
/
آه ياذيك الملامح
ياتقاسيم السعاده في جبين الصبح
ياطيبة مسامح
يا تفاصيل الحنان اللي فقدته
يامعاناة اليتيم اللي خنقته
يا وله قبل امس والبارح وياوحشة
غدي
يا عذوبة صوت شادي في صباحاته
على الغصن الندي
يا مسافات الظما متوجهه نحو السراب
كلما قالت بتوصل شدها الواقع وغاب
ياحكاية سطرتها قصة الحرمان
في داخل كتاب
يادموع اللي فقد عز اقرباه
يبتدي حزنه بونّه ..
يختنق صوته بـ (آهـ)
ياصعوبة اسئله تحتاج حل
لاسمعها العبقري طنش وفلّ
من متى ؟ وشلون ؟ مدري !
وليه مادري؟
واختنق صوتي بصدري
و قمت اعد الذكريات
والليال الماضيات
وامسك الحيره قلم .لجل تكتبني ألم
وارسم الذكرى عبور
في تجاعيد الورق بين السطور
وجهها أصفر وذابل
كنها طفلٍ فقير.. يشتكي مر المجاعه
له أمل في كنز بابل
من يلوم اللي فقد غاليه
من يقدر يلومه
لو بكت عينه غزير الدمع
بلل به هدومه
واختنق صوته وصار النور
في عينه ظلام
والتحف حزنه ونام !
\
/
بقلم\ ضيّ
!
تعليق