أول وقفه لي هنا ..(هـ لـوسة)

[align=center][align=center]
السلام عليكم ورحمة الله وبركاته

في لحظة تفكير متمردة على بعض العادات الاجتماعية
الخاطئة الصادرة من اتباع مَا أَلْفَيْنَا عَلَيْهِ آبَاءنَا
و العادات المستحدثة من مواكبة التطور.
باختصار كنت أفكر في( الإمعه)
كنتُ اسأل نفسي واسمعها تجيب

/

\
وش عليه.. إن كنت انا من بينهن
متمرّده..؟!
وعن قوانين الجهل والذل واستعباد الانثى
مُبعِده.
وش عليه.. إن سرت عكس الجهل واستقبلت
شمسي ؟!
لو ابدّل حزن يومي والغبار انفضه من جلباب
نفسي
لو رفضت أكون للخيبه حبيسه
وكل ثوبٍ فصله غيري على جسمي
اقيسه
يمكن انه ما يناسبني ولاهو من مقاسي
وابتلش به لا لبسته
واختنق في فتحت السحّاب
راسي !
اعتقد مافيه باس..
يمنع الإنسان يختار الطريق
اللي يشوف إنه
أساس
مو بشرط انه يجاملهم ولو دربه
زلق !
أو يتابع ظلهم في ليل مكنونه
غسق
من مشى في درب خطه مو صحيح
الأكيد إنه بيتعثّر قبل يوصل
يطيح !
ومستحيل انه يصل مهما يقابل

لن رغباته تعاند وجهة التيار

والتفكير ذابل ..!

تلك ارائي على حسب اعتقادي
ومو بشرط تكون ارائي سليمه
يمكن اني مخطئة لكن عادي

لن عندي جهد واصرار وعزيمه

إن عجبكم ما كتبته صفقوا له

وكان ماعجبكم فلا تقفون حوله

بعثرة فكري وفيها غطرسه
واختصاراً
كل كلمه من كلامي فوق
كانت (هلوسه )...!

.

ولكم مودتي
بقلم \ ضي الفكر [/align][/align]

إن عجبكم ما كتبته صفقوا له

وكان ماعجبكم فلا تقفون حوله



بل سنقف وسنصفق لهذا التمرد القادم ..مختلفة أنتِ ياضي ..

رائعة ...

حياكِ الله يا كبرياء الشعر وأهلاَ بجمال مرورك وأناقة ذوقك

شكراَ للأدب الذي بين حناياكِ

لاعدمت توهج حضورك ياعزيزتي

دمتِ بود

جميل ، ثورة فكرية تستحق التقدير

سعيدين بإطلالتك ياضي وفي قدومك المشرف

اجمل تحياتي

بشوق لنثرك الأخّاذ ياضي ..أين أنتِ ؟

؟؟

أعتقد مافيه باس



يمنع الأنمسان يختار الطريق اللي يشوف أنه أساس


أخي ضي الفكر
هنا أضائات جديدة لطرق الفلسفه

أحسدك على هذا الزخم الفلسفي
لله درك
إلى الأمام أستاذتي العزيزه


تقبلي تحيات أخوك غريب