Tweet
بالاول اعتذر لجميع الاخوان النداويه على التاخير الغير مقصود ؟ ..وثاني شي حبيت اغث القريشي اشوي واظهر ما في كبدي عليه دبل كبدي ولا عرفت كيف ادبل كبده واظهر حقي منه..كما انتهز الفرصه واشكر ابو ثامر على اتصاله ودعوته وتشريفي في المشاركه بهالمنتدى الجميل وانشالله اني اكون عند حسن الظن .مع اني بغث كثير من هل المنتدى بيشوفون القصايد اللي لها شهور طلعت فجئه في هالسطح .والسبه التنبيش في القديم ..المهم ببدا موضوعي معكم الليوم كأولمشاركه عن البنات
الموضوع :
البنات اسم ملفت للنظر ومسيل لعاب البشر وشاحذ نواقيس الخطر .البنات هم حكايتي الليوم .وسرهم في خلق رجل مبدع .كثير من المبدعين في هذا الزمان .انربط اسمائهم بأسماء نساء سطرو التاريخ بأروع ما رسمه ابداع الرجل ..يقول اوناسيس((نداوي قديم )) يقول لو ان الرجل من صنع المراه لا انغرض الرجل.وانغرض الابداع (( هذا برضو حكي اوناسيس؟؟؟ )).
المهم ان البنات هم سر الابداع والعكس ماهوب صحيح لاني اعتقد ان البنت هي سر ابداع الرجل ومحركة شجونه ولاعبه في فتونه ومطلعه عيونه ولاعنه سلسفيل جدونه فاتشوف هالظعيف (( الرجل )) يحاول لفت انتباها هالقوي (( البنت)) وخلق فكره عنه توهم البنت انه فارس احلامها وغارق هيامها وشاد الفرس من لجامها ويا كم رجال يلعب بالحروف وكنه يلعب .كورة سله على ارضيه صخر. يحسب البنت الحين تشوفه على شكل فارس مغوار قادم لها على حصانه الابيض وكنه ينتظر من ايدها الكريمه انها تطعم له هالحصان جت وبرسيم ويجلس هو وهي مقابلين وجه الفرس وكل واحد ماسكن بيده طرف اللجام وعيونهم ماتفارق بعض .والحقيقه ان البنت ماهيب حوله ولا درت عنه .تفكر في شركة كريستانديور وش بتعرض في هالصيف من ملابس تكشخ ابها .ولا ساعات سانت موريس شوبارد وش مبتكره في اخر صيحات الساعات الشحاطه ..ولا نيناريتشي .وشناط العلاق المزقرشه ولو صدق هي اتخيل الرجال بالشكل اللي تحبه .وخاصه لو هي تشرب تتن(( يعني دخان يعني زقاير )) ماظن بتشوفه الا كنه اصبع زقاير مالبورو تشربه في خيالها ولا خلصت منه دعست على قطفه الارض بجزمتها الباليه الله يكرمكم .
المهم تجد الابداع مقرون بالبنت في كل شي لدرجة انها باتت تعني له كل شي في حياته صاحي ونايم آكل وشارب فاصبح كل شي له معنى معها ولا له ادني قيمه بدونها لدرجة ان لو اعز رفيق لك مثلا مستحيل يذكرك في خياله الا اذا تعطلت سيارته على شارع عام وبغا قلص.ولا قلن بانزين .يعطر ابها ملابسك في عز هالقيض .. لكن في المقابل تلقا فكره دائما سابح في صالونات التجميل وباصات الجامعه ومتابعة برنامج مالك الا هيا.ومنيره وعايشه الكيلاني المهم تكون هي كل شي وهي اصل الابداع والحماس ..حتى في العهد القريب من حياة اجدادنا كانو بعض القبايل ياخذون ازين بنت مشهور ه بزينها ويحطونها على هودج ويغزون وهي معهم وكانو يسمونها العطفا .عشان يفجرون حماس الشباب ويخلونهم يقبلون ويذودون بكل بساله عنهاولا يتراجعون وقت القاء (( ياكم نداوي راح على ذمتها )).المهم ان البنت هي اصل الابداع وسره انا اذكر في سنه من السنين ولد شاف بنتين وهو راكب الدباب (( الموتو سيكل )) على شارع عام وهو يقود الدباب فما كان من الاخ الا انه استشاط وجاته نشوا لابداع ولفت النظر فما كان منه الا انه رفع خشم الدباب وقام يستعرض ويعمل حركات بهلاوانييه كله عشان يلفت نظرهم للأبداع الخفي فيه ومحاوله منه لخلق (سوبر قروي) في داخله المهم انه ابدع قدامهم بهالدباب وماغير يرفع بخشمه ويتسعرض به ولا خذ دقايق الا وهم رافعين خشته في مستشفى التخصصي ولا نابه من هالاستعراض غير كسور في وجهه ونقص في عقله مع ان البنات اللي استعرض قدامهم مايستحقون حتى النظر في وجيهم الا ان سر الابداع المقرون في جنسهم اللي جعل رفيقنا المغدور به يحاول الابداع عن طريق هوايته الخطره.
المهم ان هالحالات الكسلوجيه المنفرد فيها الرجل تخلق منه رجل ابداعي فنتازي وخاصه لافنتزها زميل له في نفس مجال الابداع وبدا التنافس الفنتازي على بنات بني غازي وكن حنا في حلبه مصارعه رومانية ومطلوب من كل واحد يظهر عضلاته على اعز صديقه له وعقبها يا يموت هو يايموت هو ((ويبقا السر )) وكل هذا عشان يلفت نظر صاحبة السمو والفوز بقلبها المهم ان البنات هم سر الابداع فياكم فاشل وصل للعلو(( طبعا علو في مجاله )) والمجالات كثير منها مجال الشعر والفكر والادب والرياضه وحتى الغناء .ولو اني منزعج من بعض الاصوات النشاز المقرفه (( على قولة بعض البدوان سوفاج ))الا إن الاابداع بالنسبه للمبدع محاوله لثبات الوجود .المهم انه يثبت ولو في نظره انه مبدع وانه يستحق الطمع به ويستحق لفت النظر .فياكم شاعر او مغني لو رجعت لسر شهرته وخروجه من عزلته الانطوائيه.واثبات وجوده اما لنه مر بظروف غراميه (( طبعا غراميات من نوع سوق الجمله ))افقدته.صوابه او خيال واسع خلق له نشوه في البروز .والابداع ((..سره البنت ))..في النهايه هو ابدع صحيح بعضهم مايترس عينه الف سر الا انه في الاخير مبدع اظطره السر للخروج والبروز كا فارس مبدع ينتظر على شباك الغرام سره الخفي تنبت على صدره الابداعي اجمل مايصوره خياله الخصب .
هذي مجرد وجهة نظر ومشاركه نداويه نكشف ابها حقيقة الفارس المبدع .ونخفف ابها اندفاع سر الابداع .
الموضوع :
البنات اسم ملفت للنظر ومسيل لعاب البشر وشاحذ نواقيس الخطر .البنات هم حكايتي الليوم .وسرهم في خلق رجل مبدع .كثير من المبدعين في هذا الزمان .انربط اسمائهم بأسماء نساء سطرو التاريخ بأروع ما رسمه ابداع الرجل ..يقول اوناسيس((نداوي قديم )) يقول لو ان الرجل من صنع المراه لا انغرض الرجل.وانغرض الابداع (( هذا برضو حكي اوناسيس؟؟؟ )).
المهم ان البنات هم سر الابداع والعكس ماهوب صحيح لاني اعتقد ان البنت هي سر ابداع الرجل ومحركة شجونه ولاعبه في فتونه ومطلعه عيونه ولاعنه سلسفيل جدونه فاتشوف هالظعيف (( الرجل )) يحاول لفت انتباها هالقوي (( البنت)) وخلق فكره عنه توهم البنت انه فارس احلامها وغارق هيامها وشاد الفرس من لجامها ويا كم رجال يلعب بالحروف وكنه يلعب .كورة سله على ارضيه صخر. يحسب البنت الحين تشوفه على شكل فارس مغوار قادم لها على حصانه الابيض وكنه ينتظر من ايدها الكريمه انها تطعم له هالحصان جت وبرسيم ويجلس هو وهي مقابلين وجه الفرس وكل واحد ماسكن بيده طرف اللجام وعيونهم ماتفارق بعض .والحقيقه ان البنت ماهيب حوله ولا درت عنه .تفكر في شركة كريستانديور وش بتعرض في هالصيف من ملابس تكشخ ابها .ولا ساعات سانت موريس شوبارد وش مبتكره في اخر صيحات الساعات الشحاطه ..ولا نيناريتشي .وشناط العلاق المزقرشه ولو صدق هي اتخيل الرجال بالشكل اللي تحبه .وخاصه لو هي تشرب تتن(( يعني دخان يعني زقاير )) ماظن بتشوفه الا كنه اصبع زقاير مالبورو تشربه في خيالها ولا خلصت منه دعست على قطفه الارض بجزمتها الباليه الله يكرمكم .
المهم تجد الابداع مقرون بالبنت في كل شي لدرجة انها باتت تعني له كل شي في حياته صاحي ونايم آكل وشارب فاصبح كل شي له معنى معها ولا له ادني قيمه بدونها لدرجة ان لو اعز رفيق لك مثلا مستحيل يذكرك في خياله الا اذا تعطلت سيارته على شارع عام وبغا قلص.ولا قلن بانزين .يعطر ابها ملابسك في عز هالقيض .. لكن في المقابل تلقا فكره دائما سابح في صالونات التجميل وباصات الجامعه ومتابعة برنامج مالك الا هيا.ومنيره وعايشه الكيلاني المهم تكون هي كل شي وهي اصل الابداع والحماس ..حتى في العهد القريب من حياة اجدادنا كانو بعض القبايل ياخذون ازين بنت مشهور ه بزينها ويحطونها على هودج ويغزون وهي معهم وكانو يسمونها العطفا .عشان يفجرون حماس الشباب ويخلونهم يقبلون ويذودون بكل بساله عنهاولا يتراجعون وقت القاء (( ياكم نداوي راح على ذمتها )).المهم ان البنت هي اصل الابداع وسره انا اذكر في سنه من السنين ولد شاف بنتين وهو راكب الدباب (( الموتو سيكل )) على شارع عام وهو يقود الدباب فما كان من الاخ الا انه استشاط وجاته نشوا لابداع ولفت النظر فما كان منه الا انه رفع خشم الدباب وقام يستعرض ويعمل حركات بهلاوانييه كله عشان يلفت نظرهم للأبداع الخفي فيه ومحاوله منه لخلق (سوبر قروي) في داخله المهم انه ابدع قدامهم بهالدباب وماغير يرفع بخشمه ويتسعرض به ولا خذ دقايق الا وهم رافعين خشته في مستشفى التخصصي ولا نابه من هالاستعراض غير كسور في وجهه ونقص في عقله مع ان البنات اللي استعرض قدامهم مايستحقون حتى النظر في وجيهم الا ان سر الابداع المقرون في جنسهم اللي جعل رفيقنا المغدور به يحاول الابداع عن طريق هوايته الخطره.
المهم ان هالحالات الكسلوجيه المنفرد فيها الرجل تخلق منه رجل ابداعي فنتازي وخاصه لافنتزها زميل له في نفس مجال الابداع وبدا التنافس الفنتازي على بنات بني غازي وكن حنا في حلبه مصارعه رومانية ومطلوب من كل واحد يظهر عضلاته على اعز صديقه له وعقبها يا يموت هو يايموت هو ((ويبقا السر )) وكل هذا عشان يلفت نظر صاحبة السمو والفوز بقلبها المهم ان البنات هم سر الابداع فياكم فاشل وصل للعلو(( طبعا علو في مجاله )) والمجالات كثير منها مجال الشعر والفكر والادب والرياضه وحتى الغناء .ولو اني منزعج من بعض الاصوات النشاز المقرفه (( على قولة بعض البدوان سوفاج ))الا إن الاابداع بالنسبه للمبدع محاوله لثبات الوجود .المهم انه يثبت ولو في نظره انه مبدع وانه يستحق الطمع به ويستحق لفت النظر .فياكم شاعر او مغني لو رجعت لسر شهرته وخروجه من عزلته الانطوائيه.واثبات وجوده اما لنه مر بظروف غراميه (( طبعا غراميات من نوع سوق الجمله ))افقدته.صوابه او خيال واسع خلق له نشوه في البروز .والابداع ((..سره البنت ))..في النهايه هو ابدع صحيح بعضهم مايترس عينه الف سر الا انه في الاخير مبدع اظطره السر للخروج والبروز كا فارس مبدع ينتظر على شباك الغرام سره الخفي تنبت على صدره الابداعي اجمل مايصوره خياله الخصب .
هذي مجرد وجهة نظر ومشاركه نداويه نكشف ابها حقيقة الفارس المبدع .ونخفف ابها اندفاع سر الابداع .
تعليق