::+:: يِـــعَـــذْلــــونـــك ::+::

[align=center][/align]








[align=center]

يعَذْلونك

بعد عمري ..

تفارقني

بلا أي ذنب تتركني

ودمعي من صدودك يا غلا الخفّاق ..
يفضحني

بكيتك لين ما فاضت مزون الشوق من موقي

وزاد العوق والاحزان وزاد الهم يا عوقي

***

وعلى فكره ..

ترى الاشواق نادتني

اجيلك رغم هذا الصد .. وزلاّتك

تموتني

وكل مرّه ..


رياح الشوق في الخفّاق تلعب بي

وتقتلني ..

و هاجت في وسط قلبي

وتحييني ..


ونبضي .. همس كلماتك

و لا يخطر على بالك تناديني!

بصمتك .. تشتعل ناري
وانته بجرحي اتماري !!


وكم مرّه ..

فؤادي من الوله يشكي

يموت إلــ وصلك و يبكي

حبيبي لا تزيد جفاك

وانا كلّي ألم فرقاك


***


وكم مرّه ..

وانا اساهر ..

شجون الليل

وآسامر

سكون الموت واحزاني ..

تهلّكني


وانا ارجي فـــ هموم الليل

* قنديلك *

تنير جروح تشكي لك

عنا فرقاك

ولو تهدي الزهر اشواك
رغم هذا .. فــ انا اهواك

ولو شحّ الغلا واضمى وصالك ..

واهلَك ابــ فرقاك

انا راضي ..

واغنّي لك

واغرس بالامل دربك

و لو الشوك قطّعني ..

ترى ذنبي ماهوبــ ذنبك


***

قصيدي .. لحنك

و يعشق فنونك ..

وحرفي يالغلا دمعة مزونك..

ولا غيرك هواه الشعر

* وحروفي *

يودّنك ..

وصوتك .. آآه يا صوتك .. ترى يشفي
الم صدّك ..
وعوقٍ فــ الحشا مخفي ..




اريد آآموووت في عيونك
واريدك ترسم البسمه
مرادي في العمر
"همسه"

والبّي ..

فديييتك وعووونك ..


***


بعد عمري ..

عيونك موطني .. مرساي

في قربك و العنا منساي

وانته للظما غدران ..

اذا شح المزن والماي



ولحظات العنا ..

وان فكّرَت مرّه

تكدّر خاطري و دنياي ..

اشوفك يالغلا فرحي .. وبك صبري

لأنك تجلي همومي و عنا صدري


وبعدك مووتي الأحمر

و وقتي قاحل و مقفر

وصلك لي غلا ممطر


وقلبك لا ولا رافي

وانا لك مخلصٍ وافي

ابيع الكون من اجلك

حبيبي يا اعز انسان ..


***


وعمري ضاع برهانه

في بعدك .. زادت الاشجان

وتعزف للهموم الحان

حبيبي وانت تدري بي

وتعرف خافي الوجدان

وتعرف اني بدونك

بلا مرسى و لا عنوان

حبيبي

لا يعَذْلونك

اشوف الموووت من دونك !!




على هونــ.......ك !!




[/align]



[align=center][/align]

و لو تهدي الزهر أشواك....رغم هذا أنا أهواك

عيونك موطني..مرساي...في قربك و العنا منساي
و أنته للظما غدران...إذا شح المزن و الماي

كم هي عذبه هذه الكلمات...يا مشاعر دبي
تنم عن قلب ممتليء بالحب

تحياتي...و استمري

[align=center]الله على الابداع

رئعه رئعه

يامشاعر دبي[/align]

مشاعر دبي



مشاعر دافئة ودفّاقة

اسلوب شفاف مفعم بالرقة


شكراً لكِ


تقبلي فائق الإحترام والتقدير