الهديّـــه / الجـــرح

السلام عليكم ورحمة الله وبركاته،،،

إليكم هذا النزف القديم الجديد ..


[align=center]وشلون تكذب؟؟وانت من علمتني أصْـدق معك
............................ وشلون أصْـدق معك؟وانت اللي كذبت البارحه
ما كنت اصدّق نفسي يوم انّي أكلم واسمعك!!
............................ واقول: صارحني !! ولا خليت فيـها مْصارحه
يامطمعي وان كنت ماني في حيــاتك مطمعك
.............................. ما كان له داعي تنام وأنت نفسك جـارحه


يا الأول اللي ما عرفت لـ"طعنتك" فيني .. أواخر
يا الآخر .. اللي "طعنتك" مينا .. واحاسيسي بواخر
تصدق إني من غلا جرحك ..
أجاهر بك وافاخر

وأقول: هذا جارحي ..
واقول : هذا طاعِـني ..
ياناس ..
مره قلت له: إجرح..
عصاني وطاعَـني ..
وشلون؟ .. مدري ..
بس اعرْف انّه حشمني ..وراعني ..
وشلون؟ .. مدري ..
بس اعرْف انّه جرحني .. وباعني ..


القصه انـّه زارني
جاء وفي يدّه هديّـــه؟؟
قلت له: تختــارني؟
قال لي: إفتح يديّــه

قمت أنا غمّضت عيني ..
مثل كل العاشقين ..
وقلت مابيني وبيني ..
"واثق وعندي يقين"
إنّ لا فتّحت..
في يدْه الخلاص من الضياع ..
إنّ لا فتّحت ..
في يدْه الخلاص من الجراح ..
أفتح ايدينه وانا افتّح عيوني..
لجل الاقي ..
كرت به كلمة " وداع" ..
وقال: ذي ساعة فراقي ..
عندها طالعت في وجهه وهو يضحك .. وراح ..
صحت: باقي جرح أو باقي هديّـه ..؟؟
قال: باقي .. [/align]





ومازال للجرح بقيّــــه ،،،،
وتقبلوا تحياتي،،،

اخوي الشاعر

محمد الشهري

صح لسانك

دمت مبدعا


اخوك

خالد

محمد الشهرى



الجروح اللى زى كذا كثر منها



لاننا نعانق الغيم بها





ولانك تاخذنا معك لساحل الابداع





اخوووك

محمد الشهري

لك الود و الورد


هنا قرأت الحزن بصورة جليّه




تحيتي وتقديري

وشلون تكذب؟؟وانت من علمتني أصْـدق معك
............................ وشلون أصْـدق معك؟وانت اللي كذبت البارحه
ما كنت اصدّق نفسي يوم انّي أكلم واسمعك!!
............................ واقول: صارحني !! ولا خليت فيـها مْصارحه
يامطمعي وان كنت ماني في حيــاتك مطمعك
.............................. ما كان له داعي تنام وأنت نفسك جـارحه

اخي الكريم:/ محمد الشهري

حضور رائع

وكلمات أروع رغم ذلك الحزن ورغم مرارة الجرح

صح لسانك وسلم قلبك

أرق التحايا
سراب العمر

خالد القحطاني ...


مرورك شرفني ...


الله يعطيك العافية ...


تقبل تحياتي،،،

[align=center]اخي الفاضل / محمد الشهري


سلمت تلك الانامل التي سطرت هذا الابداع



بوح جميل ومعاناه مؤثره والله يكون في عون



من عاش واقعها المؤلم ..( بصدق )



تقبل خالص ال[/align]

محمد الشهري

اسم له وزنه في قاموس الشعر بكل ابوابه

اعشق حرفك جداَ


تقبل تحياتي

سلم الايادي ودام فكرك

تحياتي