الى سارق الابيات

بدون مقدمات القصيده(المحاوله) تعبر عن نفسها

تلثمّي يالوجيه الســــــــود
,,,,,,,,,,,,,,وموتي يالنفوس السيّــــــــه

بين الرجال مالك اقعــــــود
,,,,,,,,,,,,,, مجلسك بين الجُحور والفيّـــــه

ابشعل النار براس العــــــود
,,,,,,,,,,,,,, وأكويك يالسارق عشرين كيّــــــه

خمس ٍ على فمك ومثلهن بالخــدود
,,,,,,,,,,,,,, وعشرٍ على اصابعك.. بيديّـــــــه

والبسك قلادة السارق انكــــود
,,,,,,,,,,,,,, وتبقى فيك وسمّ وماريّــــــــه

انا خصمك ولي ناب الاســــــود
,,,,,,,,,,,,,,يا ذنب عقرب يا راس حيّـــــــه

راسك بسيف الشعر مفقـــــــود
,,,,,,,,,,,,,,ودمك على الورق سال ميّـــــــه

بسم من نجا بالفـــــلك داوود
,,,,,,,,,,,,,, لارجمك رجم الشهب السماويّــــه

تلعنك الابيات بدون حــــــدود
,,,,,,,,,,,,,, وتلعنك القصايد صبح وعشيّــــه

لا تحسب ان الرجال ارقــــــود
,,,,,,,,,,,,,,ولا تحسب الدعوه غشمريّــــــــه

ولا تظن انك تاخذ اي مجهــــود
,,,,,,,,,,,,,, أكتب فيك من القصايد ميّـــــه

وأكفنك واحفر لك قبر والحــود
,,,,,,,,,,,,,, ولو بغيت! سويت فيك مسرحيّـــه

وانتج لك(كليب)وادق لك العـود
,,,,,,,,,,,,,, وتصير مسلسل (مدبلج) وتمثليّـــه

ابرسل عليك القصايد برق ورعود
,,,,,,,,,,,,,,, وراسك للشعار عربون وهديّـــــه

انا القاضي واقيم عليه الحـدود
,,,,,,,,,,,,,,, يا راعي الاعذار الغبيّـــــــه

ما رضينا المذله من عهد الجدود
,,,,,,,,,,,,,,, ناخذ الحق غصب ورضيّـــــــــه

بالعيد تزينت كل بنت عنـــــود
,,,,,,,,,,,,,,, وانا عيديتي (المستكشف)ضحيّـــه

اعذروني ياهل الكرم والجــــود
,,,,,,,,,,,,,,, ومنّي للسارق الف تحيّــــــه



عندما تتعرض لسرقة ابياتك (هذا وحنا ما حنا شعار)
لا تلوم المشاعر يوم تكتب فيك القصايد يا لص الاشعار

السلام عليكم ورحمة الله وبركاته
اخوي : ضيف الشرف موضوع في الحقيقة اجد التحدث عنه كمعنى اما كقصيدة فهل حاولت ان تعرض ماتكتب على منهم افقه منك ليعطوك المشورة والرأي وماخاب من استشار

الاخ مشعل شكرا لكلماتك
ولم اكتب هنا الا لاخذ الرأي والتجربه والمحاوله

كلاكيت ثاني مره

الى سارق الابيات


لا تلوموني ياهل المنتدى والشعر
,,,, ويش يسكت قصيدة ؟ لو سكت شاعرها؟

قصيده تلعن السارق وترميه بالحجر
,,,, دمعها في خدها ما نشف من محاجرها

ابشري يا قصيده بقصايد للفجر
,,,, سيفها بيدها وفحزامها خناجرها

ابياتٍ مع قوافي مثل رش المطر
,,,, قصايد في قصايد ما نحسب خسايرها

تاخذ الحق وتنتصر وتذيع الخبر
,,,,, كل ساعه وحزه لين اجبر بخاطرها

قصايد لا غزل ولا طرب ولا سمر
,,,,, قصايد تعمي السارق وتسر ناظرها

بين الاضلاع ونةٍ ليا حد النحر
,,,, والله اني صاحبها وكاتبها وناشرها

يشهد معي الورق والقلم والحبر
,,,, وتشهد نجوم بالسما وايام ساهرها

شاعرك يا قصيده غدا يومه شهر
,,,, يكتب قصايد النار في ضمايرها

حروفها تحترق قبل تاصل للسطر
,,,, مثل الشرار واللهب في سرايرها

يا قصيده يا قصيده ما تموتي قهر
,,,, شاعرك جا ابشري بالعصى وساحرها

كلها ساعات ونقول زال الخطر ,,,,
ثم تبختري يا قصيده بخطوةتك والكل خابرها

وسلامتكم
ننتظر التوجيه او النقد

هلالالالا اخوي ضيف شرف

ابيات قوية جدا

الله يعين السارق هههههههه

سلمت يمينك

في انتظار جديدك