Tweet
<<<<<<<<<<؟
تنثر احجار الودع
وبعيون المنخدع
يرقب المشهد أمامه
يعتدل في جلسته
وهي تلم احجارها
الفواجع نسته
لين جاء في دارها
وش تشوفين بطريقي
قالت امطار وعواصف
قالت رعود ً قواصف
لحظه لحظه ..
التعب سيطر علي
ما اقدر اكمل خطوطك
ما اقدر انفذ شروطك
جف ريقي ..
والوهج اعمى عيوني
اغرب خطوط ً اراها
في حياتي
هل سبق احد ً قراها
وفسروا لك وش وراها
والله الموضوع مبهم
لا تكون انت بس منهم
خوفتني .. هي وحجرها
وقامت تمرر نظرها
من طرف رجلي .. لراسي
قالت اسمع يالحبيب
لا تدور عن طبيب
لا تسولف مع بشر
هذا منطوق الحجر
احمل احساسك بعيد
وشوف لك أكبر نهر
واغمض عيونك
وقل له ينتحر
ولنتهى المشهد تعال
وراح اجاوب للسؤال
وانتبه تكتب شعر
او تفكر .. دون صوت
في احاسيس تموت
مع غياب الشمس ودعها
اذا ليلك سجى
وانتبه تذرف دموع
انت شايف هالشموع
كلها بتطفى
لأنه انقطع
خيط الرجاء
و انقطع
حبل الرجوع
----------------
ذهب
__________________
تعليق