اذا ماتفهمين الحب هذا ما كتبت اقريه

[ALIGN=CENTER]

انا مخلص بحبي لك حياتي ماافرط فيه

وانا وش لون افرط فيه دام انه على شانك


ابد والله من يغليني اعزه بعد واغليه


واردد من كلام الــــــحب ماقلتيه بلسانك


اداعب طيفك الساحر واتخيّل على طاريه


وكني طفل متربي تعوّد ضمّة احـــــــضانك


اذا عشتي الهوا وشلون بعيوني انا عشتيه


عرفتي من بيطرب لو عزفتي له من الحانك


انا اطرب وانا لو كل الطرب من شانك ارقّيه


واعيش الفرح لا شفتك واموت ان بان فقدانك


مكانك في محيط الذاكره ما يلّغي ما الغيه


مدامك مركبي السحري انا يــــــازين ربّانك


اببحر في ثنايا قلبك المغرم واسبّح فيه


واتنقل من امواجك واعماقك لشـــــــــطئانك


وقلك كنت حلم الا مس والماضي وما يعنيه


انا ما انساك لا والله ولا تخيّلت نسيــــــــانك


اعيشك لحـــضه بلحـــضه وبــاكر ربي يقدّيه


واتغزّل بنور العين ورمش العين وامـــــــتانك


وشعرك والهدب والرمش وثغرك والوله والتيه


وريح المسك والعنبر ولون الورد باغصـــانك


واذا ما تفهين الحب هذا ماكتبت اقريـــــه


انا انسان من شانك وانا مازلت انســـــــانك








--------------------------------------------------------------------------------


[ALIGN=CENTER][/ALIGN][/ALIGN]