صيد..والقصيد..اول خطوه..

[عنود الصيد]

...................بسم الله الرحمن الرحيم

انا صيد

في بدايه طريق الشعر

مع اني من زمان احب الشعر واتابعه.

واحب احيي اعضاء منتدى النداوي

واعبر لكم عن مقدار سعادتي بهالمنتدى المتخصص

الي كنت ابحث عنه من زمان

واتعرفت على الشعار الكباراللي فيه ويعجبني شعرهم...

ولي الشرف اني اقدر اخذ رايهم بشعري...

وهذي قصيده قصيره كتبتهافي موقف صارلي في احد المنتديات...

وقد نزلتها من قبل بس اغراني تجاوب شعاركم مع المبتدئين

واهديكم اياها كعربون للتعارف ياشعار وشاعرات النداوي ارجو انكم تقبلونها

وتقرونها وتعطوني رايكم من ناحيتين...

اولا :القصيده من الناحيه الشعريه .

ثانيا:رايكم في الموضوع الي طرحته القصيده.

لاني بحاجه للتوجيه

اقول فيها:

يادمعتن هلت البارح من العيني ...... من يوم قالولي العذال هذا عيب

وش فيك ياصيد تبلين المحبيني ...... وتجاوبين الذيابه وانتي مانتي ذيب

يابنت وش فيك بعدتي عن الديني ..... والشعر قمتي تردينه لكل اديب

قلت ايه انا الشعر قبل ابلاه باليني .... مدري متى اسلى من ابيات الشعر واطيب

من عز نومي هواجيسي تصحيني ...... مايعلم السر غير اللي علم بالغيب

اسهر وانا اكتب شعور القلب بيديني ..... واسهر على هاجسي وارتبه ترتيب

ابي اعبر عن اللي يعتلج فيني ...... وارسم بيوت الشعر بالدمع فوق الجيب

واكتب قصيده .. صحيح انها تبكيني ..... الين يغمى عليه بعدها واغيب

وارجع لها الصبح والقاها تحييني ...... باحلى تحيه ترحبي هنا ترحيب

انا نبيهه واعرف الزين والشيني ..... ماينقص البنت في بيت الشرف تاديب

الشعر يابنت يومنك تلوميني ...... مايلحق اللي يقوله فيه شك وريب

وكانك عرفتي مقصدي علميني ....... ياساحة النداوي مخطي او مصيب
وسلامتكم

وشكرا لكم وفي انتظار ارائكم .

صيد

بسم الله الرحمن الرحيم

الله حييها صيد ..

ياهلا فيك حبوبتي ..


قصيدتك حلوه ..

وماعليك من احد الشعر احلى شيء تمسكي برايك

هلا والله اخوي صيد

سلمت وسلمت اناملك

كتبت فابدعت وانشاء الله تكون شاعر كبير ومشهور

والحقيقة انا ما اعرف انقد ولكني متذوقة للشعر

وكبداية فاعتبرها جيدة

استمر ولا تبخل علينا بمحاولاتك

فطريق الف ميل يبدأ بخطوة

اختك