كلي جروح

[الكويتيه العنيده]

مساءكم الله بالخير
**************

كتبت هذى الابيات وهى تحتاج الى فنى تصليح اتمنى اشوف مصلح شاطر يصلح لى اللخبطه اللى انا سويتها في هذى الجروح اللى ما تخلص
شاكره جدا لكم ولمشاركتكم .


جيتك كلي جروح ..وجروح تنزف جـــــــــــروح ** للصاحب اللــى هقيت انه يداوي الجــــــــــــروح
قبلك انا جرح .. وبعدك صرت انا كلي جــــروح ** جرحي ماعاد هو بطايب ولا به ايي مصــــلـــــــوح
عمرك شفت جروح متجرحات وتتجرح وتنــــــــوح ** وله جرح ياكـل الجمر تقول مشفـــــــــــــــــوح
كنه بعناده يمــاري الجرح اللــى يلــــــــــــوح ** عيـــىالزمـن يداويها... مير بناء منها صــــــــروح
هذى قصتى وما عادت هى بحاجه لشــــــــــــروح ** مير ربي يبلانى واذوق طعم اخر الجـــــــــــــروح

تحياتى لكم والى اللقاء

هلا اختي ريانة العود

يا هلا الف وحياكي الله

ايش هازين انا قصيدتك عاجبتني ومعانيها رهيبة

بس كلها جروح واسى .. الله يكونفي العون

قصيدة ناطقةةةةةةةةة

النقد اتركه لاهله

سلمتي وسلم غاليك وابعد الله عنكي الحزن دوووووم

في انتظار جديدك

عزيزتي الكويتيه ....

ارجو ان اكون خفيفة ظل عليك ....

خاطرتك كمضمون مأساويه بس حلوه ....

ولكن ينقصها بعض الاشياء ....

ما اقدر اقول إلا ابتعدي عن القافيه الواحده ..انا مثلك قبل كنت دائما ما اكتب تحت قافيه واحده وما كنت اعرف مدى خطورتها وكنت احسب إن الخواطر والنثر ما فيها وزن ولا موسيقى ولكن تبين العكس فمثله مثل النبطي ..واللي يقول غير هالكلام غلطان ..
اتمنى لك الإستمرار ..

تحياتي يا بنت ديرتي

[تم تعديل الموضوع من قبل النايفه السهلي بتاريخ 01-04-2001 الساعة 12:45 PM]

[الكويتيه العنيده]

عسل المنتدي الواثقه

الغاليه الواثقه
***************

يا كبر غلاج يا الطيبه في قلبي ... لا تجاملينى لا اشوف حالى انا عارفه انى ماراح اضبط هذى الشغله لانى عنيده

والله زيدج كل خير وبركه يا الغاليه ولا تشوفين جروح ابد .... وبالنسبه لجديدى ما ينزل الجديد الا بعد جرح جديد لانى دايما اكتب وانا مجروحه وسبحان الله يمكن ما اعرف افضفض لاحد غير الورق ... بعد شسوي راسي يابس

شكرا لكي وسعيده بكلماتك الرقيقه

الى اللقاء

[الكويتيه العنيده]

بنت بلادي النايفه السهلي على راسي وعينى

الغاليه والرائعه / النايفه السهلي
*********************************

يا الطيبه لو ابيء ازعل من ردوردكم صدقينى ما انزلها للعالم ... احب اشوف راي العالم في كتاباتى ... حتى اعرف الصحيح واصحح مساري ... ولو انه بينى وبينك صعب عليي اشوى انى اعدل في نهجي .. راسي يابس ويبله كسر عنيد وشرب العناد من جد جده

حبيتى بنت بلادي انتى خفيفه مثل البلسم على الجرح لا تخشين شيء تراج من الروح يا طويله العمر ...

وبالنسبه للقافيه الوحده صدقينى يا عمري انى كتبتها وهى اللى طلعت بهذى الصوره يعنى ما كنت متعمده انى احطها في قافيه وحده ... كل جرح يختار قافيته سبحان الله ..والله ما كانت بيدي طلعت عفويه .

على العموم كلامج على العين والراس وهذى حبه على خشمك بعد شتبين كم نايفه عندنا هى وحده .. وعسي راسج سالم يا الغاليه .

تحياتى للاهل والى اللقاء

اختي الكويتيه العنيده .....سلمتي و طابت جروحك صرحه كلام مأساوي و باين فيه جرح كبير فيما بين السطور ..... الله يكفيك شرح الجروح و التجرح .
شكرا لك., و نتمنى نشوف منك جديدك بالقريب العاجل.

بسم الله الرحمن الرحيم

انا مااقدر اصلح او اصحح القصيده ..

لكن احب اني اعلق على جمالها ..

اختي الغالية/الكويتية العنيده

لايوهقونك الواثقة وبقية الربع.....امسحيها ولاتعودينها مره ثانيه ماهي لايقه عليك الجروح ياشمعة المنتدى انتي خليك في الرمث والعرفج.....هاهاهاهاها....لاوالله تبين الحقيقة هي تبي بعض المسات شوي على شان تكون احلى....وبعدين ان متاكد انك عندك احلى منها.....ماينخاف عليك من سلالة شعار بس تحاولين تتواضعين واجد تحياتي لك ولبقية الاخوان والاخوات.


اخوكم/الواثق

رفع للقراء الاعزاء






ولا تحرمينا من الجديد

هلا بالعنيده
من طول الغيبات جاب الغنايم
وبصراحه حاولت اني اكبر الشاشه الى اكبر حدعلي شان اركز
وماقدرت
على العموم الراى مرفوع الى ان استطيع عرض شاشة الكمبيوتر
علي الجدار واكل حبتين بندول...
.
.
.
.
.
.
.
.
.
.
.تقبلي المداعبه....
........اخوك ..فهد

طيب انتي قلتي تبي مصلح ... وانا ماني مصلح بس ملقوف ... تسمحي لي بالمساعده :
دام المسأله جروح في جروح ... لازم اكون موجود بس بحكم ان حنا في منتدى النثر بتصيرعملية التصليح نثريه .

بكتبها على الكي بورد .. وماني مسؤل ... اوكى ..


يقول ..




جيتك انا ... وكلي جروح
وجروح تنزف بي جروح ..
ولا تخيّب الهقوه ... عمري انا فدوه ..
اشفي جروحي ... داوني
يكفي طموحي ... عافني
ويكفيني منك انت ..
أمانه قلي خنت ؟؟

قلي ياجرح زايد ..
قلي يا صخر كايد ..
قبلك ان جرح ..
وزاد بعدك جروح ..
وشلون اطيب ..
مالي حبيب ..
قلي انا ... من أكون ..
من عالم ٍ عاقل .. أو عالمٍ مجنون ..

قد شفت لك جرح ؟؟؟...
يجرح أخوه الجرح ..
وينوح من جرحه.. وينوح من سكينه ..
شايب غدا جرحي .. يحظن جمر في عينه ..

عودي غدا ينحل ..
وجرحي غدا أهبل ..
صاير عنيد ...
ويماري باللي فيه ..
واقوله له مسموح ..
وامشي انا وآنوح ...

هذا الزمن احساس ..
يقولو به احساس ..
وان ظاقت الانفاس ..
مالي انا لاناس ..
ومافي فِـ غيري احساس ..

وهذا انا .. كلي جروح ..
اكتب شعر .. واشكي وابوح .
دمي انا يغلي .. يفوح ..
ومدري انا وش صار ..
وجروح غيري تعار ..
وتنادي عليّا ..
ياحسرة عطيه ..
بمشي انا مجروج ..
ابكي انا وآنوح ..
ابكي انا وانوح ..


وبس ..... اعوذ بالله

انواااااااع الزحمه في هالقصيده ( مدري اسميها قصيده او خاطره منك او فكره ) .




[تم تعديل الموضوع من قبل عبدالله الملحم بتاريخ 05-29-2001 الساعة 05:20 AM]