جديد_قديم متعب التركي(تاج العند)

اخواااني.واخواتي...النداويه
اهديكم هذه القصيده للشاعر الرائع والحاضر شعراً وخلقاً دائماً بالقلوووب
متعب التركي
والتي اتمنى ان تحوووز .......على اعجابكم



[poet font="Simplified Arabic,14,black,normal,normal" bkcolor="" bkimage="http://nadawi.net/vb/images2/13.gif" border="none,2,gray" type=0 line=200% align=center use=sp char="" num="0,black"]
رغم التعب والتناقض منزلك عالي=لو كنت في خطوتك تكثر تعاريجك
عنيد لكن عنادك حيل ..يحلالي=ولو كان للعند تاج اعلنت تتويجك
لكن ترفق وشوف وجيه..عذااالي=تفرح..تايد صدودك لي وتحجيجك
يكفي تشوف بعيونك ثوبي البالي =اللي تمزق تحت قسوة كرابيجك
حزين رددت للاحزان موالي=وانت إتغنى فرح واسمع اهازيجك
لا زلت احبك..ولكن وعد..يالغالي=لابد..اوقف دعاباتك وتهريجك
وإن كنت مهر ..ولا روضك خيالي=جيت وعلى جثتي عسفك وتسريجك

الشاعر / متعب التركي
[/poet]

اخوي الغــالي / فهد

سعيد جداً بهذا التواصل المبهج منك مع منتدى ديوان النداوي الذي نطمح انشاء الله من

خلاله الوصول معاً الى مساحات اكثر اشراقاً ولكي نسمع صوتنا للأخر.



الشاعر الكبير متعب التركي من اكثر الاسماء الشعريه قرباً الى ذائقتي هو وفهد دوحان

وكذلك خلف الاسلمي واسماء اخرى مشرقه لاتحضرني الأن ليس لشئ ولكن لقدرتهم المميزه

على اختيار المفردات النافذه الى القلوب والتي تتصف بالرقي والسلاسه فس آن.

اشكرك اخي العزيز واتمنى ان لاتكون هذه آخر خطوات التواصل وتقبل تحياتي ودمت بخير.

اخوي / فهد الشبيعان...

الف الف شكر على هالاختيار الاكثر من رائع...
والانسان الشاعر المبدع / متعب التركي...
شخص حاضر بقلب كل انسان متابع ومحب للشعر لانه كان يمثل حاله خاصه بشعر لا يمثل الامتعب
بالفعل غياب متعب عن الشعر يعتبر خساره لنا كمتابعين له..
لكن في كل الاحوال..
الله يوفقه وين ماكان..
وما دام له جمهور يردد شعره مثلك اخوي فهد فالشعر لازال متعب..

الف الف الف شكر
لاهنت..

الاخ العزيز / فهد الشبيعان

من منّ محبين متعب التركي يقدر ينساه وينسى مامضى من ابداع فالساحه الشعبيه شاعر نحن أسمه على جدار الموروث الشعبي .شاعر عذب وأحساس متقارب مع القارئ وكأنّه يكتب الشخص نفسه ..مبدع بأبتكاراته ..متجدد ..صوت يشدو للقلوب فيروضها فكيف ننسى هذا المبدع ... أتمنى من الله انّ يثبتنا وأياه على طاعته ..والله يوفقه في حياته العمليه والعلميّه


ودمت ذخر يافهد على هذه الاختيارات الموفقّه

تحياتي

-
-
فهد اتعلم بانه اجمل شيء هو الفوافاء

وها انت يا وفي لاتنسى متعب التركي الذي رافقك منذ ايام الجامعه

والذي لم تنسيك اياه الايام او الابتعاد

ومتعب احد الاسماء التي لايستطيع متذوقين الشعر ان ينسوه يوما

ويرجع السبب الى انه ترك فراغا لايستطيع احد ان يسده سوا متعب التركي

شكرا لك يا اصييييييييييييييييييييييل يا فهد الشبيعان

فهد الشبيعان







لله درك ياااااااااشيخ اصبتني في مقتل



من اروع واحب قصائد ابو فهد لدي


اما متعب فهو اخي وصديقي واستأذي وشاعري المفضل




هنا هنا هنا هنا هنا هنا هنا هنا



من اراد الشعر والحضور ليقراء هنا



من اراد ان يشبع ذائقة بالشعر يحضر هنا


من اراد ان يتعلم يحضر هنا


من اراد ان ينثر اعجابه بعيداً عن المجامله ينثره هنا





مليون مليون مليون مليون مليون شكرا ولا تكفيك




يابـــــــــــــــــــــــوفيصل






منن الاعمااااااااااااااااق شكراً على هذا الاختيااااااااااار الرااااااااااائع



وهذا الوفاء الذي فقدناه في هذه الساحه العمياء




لك حبي وتقديري



اخوك الصغير/ سلطان الاسيمر

ما اروعك يا فهد
وأنت تذكرنا بهذا الشاعر الكبير
ذلك الشاعر الذي برع في التعامل مع جمال المفردات
وعذوبت الطرح في قصائده
اشكرك جدا على هذا الوفاء وعلى هذا الابداع
وصدقني اني قمت من فوري لطباعة هذه
القصيدة الجميلة جدا

الله الله يافهد


عزالله انه اخيتار جيد وتشكر عليه


متعب التركي شاعر كبير ترك في نفوسنا حباً لهذا الشاعر


الله يثبته انشالله

اخوي فهد


اشكرك على حسن اختيارك


وصح السان الشاعر المحبوب


متعب التركي

-
-
اخي..عايض ابا العلا

اختي..ريم قطر

اخي..فالح بن قشعم

اخي..فيصل العدواني

اخي..سلطان الاسيمر

اختي..عبير الامس

اخي..نواف ال مركوز

اخي..ضاوي العصيمي


لقد ابهجتوووني بحق بكل هالكلام الرااائع عن اختيار هالقصيده للشاعر الرائع متعب التركي
واوعدكم بقصايد اجمل انشالله



لكم كل الحب والتقدير ..................اخوووكم_فهد الشبيعااان

[سعد بن شليه السبيعي]

اخوي فهد


اشكرك على حسن اختيارك


وصح السان الشاعر المحبوب


متعب التركي

أخوي فهد الشبيعان
أشكرك وأهنيك على ذووقك الرفييع
لاهنت على نقل القصيدة
وأسمح لي بنقل ثلااث قصائد هناااااا لمتعب التركي من إختياري

القصيدة الأولى:
ليـه وطيـت عـن خيـل السـروج==ليه مديـت عقـب القـراح الهمـاج
لا تجمل لي الغلطات والعوج عـوج==يضحك احجاج او ينعقد لي حجـاج
اصبر اشوي وش علمك تهوج وتموج==ميت القلب مثلـك مايعـرف الهيـاج
ماتعودت اجامـل معتليـن البـروج==الزم العلم قبل يصير هرجك سمـاج
المشاعر تحي مثل المعاصير هـوج==وانت مالك على هوج الرياح احتجاج
جيت وقلوب حسادي تميـل وتـروج== لاصفى جوهم ساعه قفـاه العجـاح
ابتسم لك وهمي فـوج يقفـاه فـوج==من يحبك لزوم ايصر مثلـك هجـاج
بس قلي وأنا غلطان لـك ومحجـوج==وين يلقون لجروح النواعـس عـلاج
القمر غاب وانت اطفيت نور السروج==قلت يكفيك نور الوجه الاصبح سراج
كن بين الضلوع العوج صفقات موج==يوم فاض الغلا والشوق والقلب هاج
ضيقة الصدر لو بين المحاني تلـوج==كل ضيقة لها عنـد الكريـم انفـراج
ماهو الغيض سبت كل ابو هالهـروج==بس مالي على بعض السوالف مزاج

القصيدة الثانية:
يوم طاب السهر عيّت تطيـب النفـوس==جت من الله وانا كـم كنـت محتاجهـا
كنها من حلاهـا كـل ليلـه عـروس==خايفه من عيـون النـاس واحراجهـا الله أكبر
حى هالطول يازولٍ عسـاه محـروس==من عبـث لوعـة الايـام وازعاجهـا
تزعل نفوس والا تمتلـى غيـظ روس==من يقـرّب لهـا وضلوعـى سياجهـا
لامتى وانت ياشوق القلـوب محبـوس==طالـت السالفـه وابطيـت بعلاجـهـا
جعل قلبٍ على نار الغيـاب محمـوس==يحتـرق بيـن صاليـهـا ووهّاجـهـا
من خبر له غلا بين الضلوع مغـروس==غرسـةٍ كلبـو شعـرى مـن انتاجهـا
لاتقرب لك الفرقـا هذيـك الهجـوس==من متـى والبحـور تفـارق امواجهـا
لازم اصبر على وجه الزمان العبـوس==لين سود الليالـى يضحـك احجاجهـا
من بغى يقطع الفرجه يعـاف الجلـوس==ليـن ياصـل نهاياتـهـا ومخراجـهـا
كان شعرى قصر ماطال شمس الشموس==تستريـح القصايـد داخـل ادراجـهـا

القصيدة الثالثة:
لا يا علي الوضع هذا ما يناسبني==قله يفارق ترى لي بان تزييفه
يروح يبعد..وثم يرجع يقربني==يبيني اتبع هواه واخضع لكيفه
يخطي..ويزعل ويرجع لي يؤنبني==اسكت وانا اسمع تفاهاته وتخريفه
ماني بتمثال وقت الضيق ينصبني==عنه اتلقى خطا غيره وتهديفه
عذروبي اللي يعرفه ما يعيبني==كتاب مكشوف واضح فيه تحريفه
الموقف اللي حصل بالحيل متعبني==ولا يحاول بثوب الكذب تلحيفه
قله فراقه ترى ما عاد يرعبني==ما عاد يسوى بعيني ربع تعريفه
انغام عزفه ترى ما عاد تطربني==عندي تساوى برود شتاه مع صيفه
ماني معاتب وقله لا يعاتبني==جوي تعكر ولا اطلب منه تلطيفه
نهر العطا جف قله لا يحاسبني==القلب مما علق به صعب تنظيفه
الشــاعر / متعب التــركي

هذا القليل من أروع ماقرأت له ولاشك بإن هناك الكثير الكثير لهذا الاسطورة المبدع
والسموحة على الإطالة
تحياتي لك وتقديري