ديوان قصائد الرثاء في صاحب السمو الملكي الأمير سلطان بن عبدالعزيز آل سعود رحمة الله

رمز المكارم

[poem=font="Simplified Arabic,5,#000000,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
الإبتسامه غيبّت عقب سلطان=والحزن من فرقاه شيد خيامه
مرحوم يارمز المكارم والإحسان=يآبو اليتاما والظفر والشهامه
ياباني الآمجاد في كل ميدان=تشهد لك كويت الوفاء والمنامه
كل العيون تهل في كل الآوطان=حتى اليمن يبكي ويبكيك شامه
من قو كبر الفاجعه نعلن إعلان=إن الحزن ياناس ذا العام عامه
مابه وطن أيت وطن!!مابه إنسان= الا ودمعه مثل وبل الغمامه
لك دمعة الآيتام يآمير عنوان=من عقب موتك ما لحقهم ملامه
لو تذرف الدمعه شبابٍ وشيبان=ولو النشاما تعتصب بالعمامه
والله فلا تلحق جزاء فضل سلطان=لنّه على الطالات كارب حزامه
الله يبيحه والعوض في كحيلان=ملِيكنا اللي عّزنا باهتمامه
آعزي إعياله ونايف وسلمان=وآعزي اصحاب السمو والفخامه
وآعزي شعوب العرب دون نقصان=فابو اليتاما والظفر والشهامه[/poem]

[align=center]الشاعر / نافل العرجاني

رابط القصيدة اضغط هنا [/align]

سجل له التاريخ




سجل له التاريخ

[poem=font="Simplified Arabic,5,#000000,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
(سلطان)ماهو مسألة شخص أو شان=سلطان عمّر بالقلوب وعمرها
من طيبته كل الخلايق له أخوان=راع الجمايل والمكارم قدرها
يعطي جزيلات الوهايب ..بلا اثمان=وما جاه محتاجٍ ونفسه كسرها
سجل له التاريخ وقفات إنسان=يصعب على اللي شافها ماحصرها
يالله تجعلها بميزانه إحسان=تكفيه من حر الجحيم وشررها
وأجعله يامولاي في عال الأجنان=ينعم بجناتك ويقطف ثمرها
ويالله يا مهون على عبد ك أحزان=ياعالمٍ بالنفس حالة خطرها
أجبر عزانا بالوفي ذرب الأيمان=اللي تعدى المعضلات وعبرها
وأحفظ ملِكنا للوطن كل الأزمان=وآجره من عظم الأمور وكدرها
وأسبغ عليه العافية وين ماكان=ملك .. ملك شمس البلاد وقمرها
يمشي على نهج الشريعة باا لإيمان=صبر وجلادة والمغانم كسبها[/poem]

[align=center]الشاعره /أشجان نجد

رابط القصيدة اضغط هنا [/align]

مات الكريم

[poem=font="Simplified Arabic,5,#000000,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
يا رحمة الله غمدي روح سلطان = يمنى الكرم والخير راع الوفاده
يالله يالمعبود ياعالي الشان = تنزله منزال الكرم والشهاده
ما كل منهو مات تفقد ه الاوطان = ما كل منهو غاب تحزن بلاده
عليه يبكون اليتامى بالاحزان= عليه تبكي كل بسمة سعاده
مال لليتامى بعده انصار واخوان = مات الكريم اللي شملهم وداده
مالوم عبدالله و نايف و سلمان = لو يلبسون الحزن هم ونكاده
عليك يا راع الكرم جزل الاحسان = اخسف قمرنا واتشح في سواده
مار البقى في روس طلقين الايمان = تاج العرب والملك واهل القياده [/poem]


[align=center]الشاعر / عبدالرحمن المرخان[/align]


[align=center]رابط القصيدة هنــا

[/align]

سند كل مضيـوم

[poem=font="Simplified Arabic,5,#000000,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
الـشــعـر بـالأحــزان والـوجــد مـكلـوم = ومن الأسى هـلـت دمـــوع الـقـوافي
صدمه ذهـول انـتـابـت العـقـل ووجـوم = من هـولـهـا عـيــّت تـحـرك طـرافي
واصبحت من وقـع الـنـبأ حـيـل مهموم = وتـقـزم الهـاجـووس رغـم احـتـرافي
وكن الـقـصـيـد بْحـضرة الحزن منجوم = ومـالـــوم خـــفّـاقي ومـا لـوم قـــافي
مانيـب وحدي صُبح هالـسبت مصـدوم = كلن عـليه من الحــزن ثــوب ضـافي
لاعـاد ربـي عالـعـــرب مـثـل هالـيـوم = الـلـي نــودع بـه الامـــيـر الـسـنـافي
فـقــدت بــه الأمــــه زعــيـم ٍ وزيــزوم = فـضـلـه عـلى الاسلام ماهـوب خافي
سلطـان أبـو خــالـد سـنـد كل مـضـيـوم = غــيـر الـذي يـدعـون لـه بالـمـشـافي
الـبـِشِـر بـمحـــيـاه واضـــح ومـرســوم = ولـلخــيـر في نـفـسـه وقـلـبـه مـرافي
سـلـطان خـير.ومـدرسـة طـيـب وسـلوم = وجــود وكـرم مـثـله في الكون مافي
والـيـوم غـطـت جـوّنــا عـقـبـه غـــيـوم = ونـور الـبـلـد من فـقـد سـلـطان طافي
وحـيــث الأجـل أمـرٍ مــقـدر ومـحـتـوم = والـمـوت مـهـما طــوّل الـعـمـر لافي
نـســـالـك يــارحـــمـن يـــاحـي قـــيـوم = تـرحـم أمــــيـرٍ عـاش ثـمْ مـات وافي
كلـن يــــردد قـــول مـرحــوم مـرحــوم = عن صـادق مـوده ومن قـلـب صـافي [/poem]


[align=center]الشاعر /مبروك بن ماضي[/align]


[align=center]رابط القصيدة هنــا

[/align]

مرفوع المكانه


[poem=font="Simplified Arabic,5,#000000,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
مات لا ما مات سلطان العطايا=في قلوب الشعب محفوظً مكانه

حافظينه وسط معلوق الحنايا=عهد ما ننساه ونخون الامانه

يذكره طفلا يتيم وتذكره ام الولايا=ويذكره من ضده الفقر وزمانه

ويذكره سرج العبيه والمطايا=ويذكره مسجده وتلاوة قرانه

يااله الكون يارب البريا=عظم اجر اللي فقد لمسة حنانه

واسالك ترحمه وتجب الخطايا=واسلك تزهر رياحين ابدفانه

القدر ماعنه وسهوم المنايا=حكمة الله في عباده جل شانه

لوبكينا كلنا سمح السجايا=مانوفي قدر مرفوع المكانه

[/poem]


[align=center]الشاعر /علي الزهيري [/align]


[align=center]رابط القصيدة هنــا

[/align]

سلطان في ذمّة الله

[poem=font="Simplified Arabic,5,#000000,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
الوقت غبة بحر والموت مرساه=تجري به الاقدار مثل السفينه


والادمي لو يدرك اللي تمنّاه؟؟=ماله سوى اللي منكتب في جبينه


لله ماياخذ / ولله مااعطاه =الموت حق وكلنا شايفينه


نبقى عباد الله / ولانعبد سواه =متوثقينً بالحبال المتينه


يالله .. في حسن الخواتيم ... يالله =لاجالنا قصاف الأنفس في حينه


يوم اعلنوا ( سلطان في ذمة الله ) =كنّ الفرح عقّد معه حاجبينه


تغيّر اللي يجري مجراه / مجراه =وتزلزلت منه العقول الذهينه

ضفى الكدر والهم بانت حلاياه =وكسى الحزن وجه الفضا والمدينه


لكنّها بلوى / امتحانً ومأسآه=دبرة وليّ الكون في مسلمينه


مرحوم ياللي فالزمن ماله اشباه =ياللي على فقده بكت أمتينه


مكارمه مثل الجبال المرسّاه =الامكنه والازمنه ... شاهدينه


ودّع .. وفي توديعته مانسيناه =يبقى بوسط قلوبنا ...مخلّدينه


نرفع أكفّتنا ، عسى الخلد مثواه =ويثقل موازينه مع محسنينه


ويوسع له بقبره ويمطر له سماه =ويصبّر بفقده شعوبً حزينه



بالغ تعازينا واحرّ المواساه =للارمله ، واللي فقد والدينه


الابتسامه ل الكرم ل المراواه =وجه البشاشه و العدل والسكينه


و الجزل و التمجيد و الصيت ل الجاه = امن البلد و الجيش في موقعينه


و الشجره اللي ظلّها م انتعدّاه =بقيادة اللي جعل تبطي سنينه



زعيمنا اللي ماتعدد مزاياه=واخوه نايف والعضود المتينه



[/poem]


[align=center]الشاعر /عادل السلطان[/align]


[align=center]رابط القصيدة هنــا

[/align]

مات الزعيم


[poem=font="Simplified Arabic,5,#000000,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
هز النبأ الصادم جميع الجماهير=ياشينها شيناه بعض العلومي
هبت على الشعب السعودي معاصير=وخيٌم على جو الجزيره همومي
كلِ على وجهه من الحزن تعبير=يقول بعد السبت ماطاب نومي
غاب الزعيم اللي يقود الطوابير=سلطان ابو خالد قوي العزومي
سلطان والله من كبار المخاسير=على بلاده والعرب والقرومي
سلطان غير وسيرته كلها غير=الحاكم الشهم الكريم الرحومي
ولي عهد المملكه فاعل الخير=من زار ديوانه يصير محشومي
ابو اليتيم اللي ربا توه صغير=وابو المعاق اللي يطيح ويقومي
ياكثر ماتنفق يمينه بتبذير=حتى غدا مضرب مثل للعمومي
يعط العطايا دون منه وتقصير=مثل المطر من مردمات الغيومي
شيخِ عطاه الله محبه وتقدير=يشوم للعليا وهي له تشومي
قايد محنك من ملوكِ مغاوير=رايه حكيم وبالقرار محسومي
له سمعةٍ فاقت جميع المشاهير=حلق بها سلطان فوق النجومي
ويافيصل اصبر والمنايا مقادير=والدايم الله والبشر ماتدومي
والله مالومك لو تكدرت ياامير=هذا فقيده للعروبه عمومي
الله يبيحه عد ماغرد الطير=ويجبر عزانا فيه مامر يومي
ويسكٌنه بجنان خضر ٍ مناوير=ويغفر له الزلات ربٍ رحومي[/poem]


[align=center]الشاعر / بشير العوام
رابط القصيدة اضغط هنا [/align]