قصيدة رمضان قدوم استحق الاحتفاء ( شعراء قمةالعربــ )

السلام عليكم ورحمة الله وبركاته


كل عام والجميع يخير00 قدوم رمضان مناسبة روحانية

تستحق من الجميع الاحتفاء00

كانت الفكره وكان الحضور مميز لأعلام الشعر في منتدى

قمة العرب00تم دمج ابيات الشعراء المشاركين وفق

ترتيب المعنى فكان هذا النص الذي انقله لكم للمشاركة

الوجدانيه لقدوم شهر رمضان المبارك00

اتقدم بالشكر لمنتديات النداوي لمشاركة مديرها العام

الشاعر الإعلامي حمد الدليهي في هذه القصيده

كل عام وانتم بخير والوطن بأمن وسلام وسائر اوطان المسلمين

اللهم أمين00

تقديري لكل من عبر هذا المتصفح













[poem=font="Simplified Arabic,6,white,bold,normal" bkcolor="green" bkimage="" border="none,4,gray" type=2 line=0 align=center use=ex num="0,black"]
هلا هلا شهْر صوم ٍ فيه نيل الامنيات الصّعاب = فيه العفو معْ اكيد المغْفره والرّحْمة اللي نباه

اِسْتبْشرْ الخلْق كِلّه والحقيقه ضيّعتْ للسّراب= بِحْلولك أنْفسْ عبيد الله تلين وترْجي الله رضاه

شهر تضاعف به الاعمال والارزاق مع كل باب=وتحط الاوزار بالطاعات من أوْلْه لامنتهاه

فيه النصر باكثر الغزوات للأسلام ماعاد غاب=والفتح الأعظم لمكه فيه واستعداد صد الغزاه

فوايده ماتعد وتنحصي ياكم مذنب وتاب=والمنبر اللي على نور الهدايه راح له واعتلاه

ليا بِشرْ وانْبِذوا حِقْد وخِلاف وطاوعوا للكتاب = فرقان ربّ الملا يوم انْزله فيه العتق والنّجاه

أوله رحمه والأوسط منه يغـفر دون عد وحساب =وأخره عتق ٍ من النيران وانفسنا ما تبغى وصاة

الله يبلّغ عبيده مارْتجوه اِمْن الاجر والثّواب= وبْعتْق الارواح من نار ٍ عساها مدهل ٍ للطّغاة

وبجنّة ٍ هي مرام الراكع الساجد رِجا واحتساب = قام يتهجّد لْتال الليل ويردّد نداه ودعاه

يسأل وكفّيه رافعها دُعاء ، ياربنا المستجاب = اغْفر لْعبْدك بهذا الشهر عن زلاته وعنْ خطاه

والعمر رحله ومرسول الهوا يا ويش ودى وجاب=والرابح اللي يطيع الله ويخلص في صـلاه وزكاه

واحذر ترى الصوم ماهو بس تركك للاكل والشراب=احفظ جوارحك والسانك وهرول في طريق النجاة

مريت عابر سبيل وهزني طاروق وأهوى عقاب =على خيار الولع والصيد وانهد رجم وبناه

واطلق اسبوقه على سرب الحباري واصطفق ثم صاب =نوادرٍ يحتسيها من عشق مرقاب طيب ورقاه

بدلي بدلوي مع الشعار واهل النقد واشعي الركاب = مادمت في دنيتي موجود ولا الموت يقفا الحياة

مستفعلن فاعلن مستفعلن مستفعلن ياشباب=طرقا يحبونه أهل الرد من شاعر طويلاً مداه

الله يحييك يالحوراء وماقلتيه عين الصواب=والله يفرح لعبده كان هرول عن ذنوبه وجاه

واليوم فرصه ثمينة يابخت من يغتنمها وتاب=ويذوق طعم السعادة بالعبادة بين صوم وصلاة

هلا هلا شهر عفو وشهر فضل وشهر خير وثواب =شهر كم النهر راعي الخير بالأعمال يروي ضماه

تسكر أبوب نيرانه وجناته فتح باب باب =وحنا برجوى كريم مايخيب واحد قد رجاه

فيه الاؤادم تزين ارواحهم من شيبه ومن شباب=يوم الشياطين مفعوله طفى بأسباب حكمة آلــه

فرصه لنا نستعيد اللي مضى فرصه لنا بالمتاب =من قبل تحيا البشر بقبورهــا ثم يصعدون لسماه

ياحظ من كفر ذنوبه وزلاته وللرب تاب = ويا ردي حظ الذي فرط وضيع وانكتب في العصاه

يالله رجيناك يالقادر تفك المعضلات الصعاب = بقبال شهر يذكرنا قدومه ماضين من نساه

يالله رجيناك ترحمنا وتشملنا بعتق الرقاب = نرجي عطاياك ولا الخلق لله مارجينا عطاه

سلام مني على الحوراء وجمع الشعر عقب الغياب= والمنتدى الي حوا النوماس واهل الطيب تضوي سماه

قريت قاف(ن) على البحر المركب كاد بعض الشباب= يصعب على الي يصيد الصيد بعض امرار لمن رماه

تعاتب الفرحه الشعار والشعر ويزيد العتاب=في داخلي وانثر ورود الشعر فرحه بكل اتجاه

اقبلت ياضيف وابواب الغلا والشوق تسعين باب=تفتّحت في صدور الناس لاجلك وانت كلك غناه

لبيه ياضيف وانته غير لانك ضيف سمح الجناب=جينا نضمك ونبكي داخل احضانك واملنا النجاه

به ليلةٍ فضلها عن ألف شهر ومن سهرها ماخاب =تنزل بها الروح والرحمة وتعتق من جهنم اجباه

يا بنت والعمر رحلة موغلة والصالحات الزهاب =والطيب اللي بلغ فضله وأقامه بين صوم وصلاه

تستاهل الشاعرة بيرق يرفرف فوق روس الهضاب=وتستاهل اوسام في شعر النبط محدا وصل مستواه

[/poem]

أختي الحوراء
تحية طيبه
والله يبلغنا رمضان
جميعاً بخير
وجعل الله هذا العمل
في ميزان حسناتكم
الشكر لك ولجميع الشعراء


تقبلي تحيات أخوك غريب

غريب الشمراني


اسأل الله ان لايحرمك اجر هذا الحضور


والمتابعه00 كل عام وانت بخير 00