الشاعر/ الكبير/خولان بن عامر يسدل الستار عن اسمه الحقيقي

(((منقول))))

اعد هذه الماده الشاعر / عبدالله ابن غفره

ونشكر لابا محمد هذا الجهد

بسم الله الرحمن الرحيم

الســـلام عليكــم ورحمـــة الله وبركـــاته ..


اخواني واخواتي مراقبين ومشرفين واعضاء ورواد
منتدى النداوي
يسرني ان انقل لكم خبر لا طالما انتظره الكثير
شاعر فرض وجوده بقوة شاعريته في جميع اغراض الشعر
وفرض احترامه على الجميع

خولان بن عامر
أسما مستعار في عالم النت يختلف عن الكثير من الشعراء لم يكن همه الأضواء الأعلامية وفلاشات كمراتهم البراقه
بل يكتب شعراً حقيقياً يجبرك لمتابعته والسؤال عن من يختفى وراء هذا الأسم
وأستمر في العطاء بإسمه المستعار بعيداً عن الإعلام حتى إثبت للجميع ان خلف هذا الأسم
شاعر عملاق يملك موهبه فطرية كبيرة جداً
وانا من من كان في بداية الامر يعتقد ان هذا الاتسم لهذا الشاعر الفحل
الا اني في الاونه الخيره بدات اشك بل اجزم ان ورا هذا الاسم شاعر علم
أخواني من مراقبين ومشرفين وأعضاء
رحبـــوا معي بالشـــــاعر الــــرائع والمـــــبدع
صاحب الأسم المستعـــــار
خولان بن عامر
وصاحب الأسم الحقــيقـــي

مضواح بن شتوي الحبابي القحطاني

شاعر بدا مشواره الشعري وهو ابن 13وهومن بيت شعر
وله مساجلات مع كثير من الشعراء

فلاح القرقاح ، علي بن حمري ، ، طلال السعيد ، الحميدي الحربي ، وعلي بن محمد القحطاني ، وعلي البورعي وعبدالربه العازمي ، ســـداح ، محمد بن هتفر الحبابي ، مهدي بن حسين الجابري ....

مع العلم ان شاعرنا لدية أكثر من 25 قصيدة موجهه إليه من شعراء كبار

ومن فصائده نختار لكم بعض النوادر

[poem=font="Simplified Arabic,5,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black"]

لصار مالك من رفيقـك مـودّه=خله ولا تتعب على شان ترضيه
اللي معك ساعه وينساك مـدّه=وزيارته لك يوم تفضى مخابيه
ماجاب له بين النشامـا مسـدّه=الله ولا رفقة رفيـق المشاريـه
هذا الذي مافيـه لطيـب نـدّه=خله يدّور لـه حلـيٍ يخاويـه
دور رفيق فـي اللـوازم تعـدّه=فرح بشوفك وانت تفرح وتغليه
اللي علوم الطيـب ورث لجـدّه=ماجات. بدعه غير من ترثة ابيه
للي يوّدك وانـت مثلـه تـوّده=ومن غير هذا كل فرضٍ يصليه
لجاء لزوم بين الاجـواد سـدّه=تطرب لفزعاته وتطرب لطاريه
هذا على ما تملك النفـس بـدّه=ولا هو بلاقي غير حاضر ولبيه
ولا الردي ماله من العيب صدّه=حتى التشّّره لاحقٍٍ في عوانيـه
اللي لبس له ثوب ماهو بقـدّه=اما قصر ولاّ عثّر بيـن رجليـه[/poem]

قصيدة موجهه لشاعرنا من الشاعر الكبير والعملاق / فلاح القرقاح يقول فيها أبو محمد

[poem=font="Simplified Arabic,5,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black"]
لاصرت للهاجوس من ضمن الأسرى=وصار القدم حفيان والرأس حاسر
وخذابك التفكير غبشه ومسرى=وجاء الحظ من عقب التيامن تياسر
ترى الرجال اثنين يمنى ويسرى=وللطيب في عيال الحمايل مكاسر
ارتك على اللّي لا غشى اليسر عسرى=يشبه لمضواح الحباب أبو ياسر
يملك مقاليد الشرف ملك كسرى=وابيّن من ابن قويد بين الدواسر
الله يقول أن مع العسر يسرى=والخاسر اللي من كرامته خاسر
اتعب ترى المعراج من بعد الاسرى=واختر سلاحك تنقله وانت جاسر [/poem]

علي بن حمري وجه قصيدة طويلة لمضواح بن شتوي نختار منها :

[poem=font="Simplified Arabic,5,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black"]
يا وجودي وجودي يا وجودي يا وجودي وجود ام العيالي=يو ساقوا ولدها للقصاص وبارز السيف يقطع في وريده
من يوّصل جوابي لابن عمى شاعر القوم حماّي التوالي=عند مضواح بن شتوي الحبابي شوفة الضيف عنده يوم عيده
يابن شتوي عسى منهو تركني في محلي تناقصه الرجالي=طيحتي عز والمعروف يبقى وابشر بصاحبك عند الشديده[/poem]

وهذه قصيدة علي بن محمد القحطاني مرسله لشاعر مضواح بن شتوي:

[poem=font="Simplified Arabic,5,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black"]
وشعري على مضواح حاضر وغايب=تشهد عليه الحاضره والبوادي
خطيت فيه المفردات العجايب=وسطرتها فوق الورق بالمدادي
اسمه يشرفني وعرفه كسايب= واعتز باصحاب الشرف والمبادي
رجال ماتلقى عليهم ثلايب=والشعر فيهم فخر ليس انتقادي
صيت ابن شتوي عند طفل وشايب=مامثل ابو نايف خلق باعتقادي[/poem]

وفي هذه الشامخه تألق شاعرنا المبدع في تركيبةً خاصه لا ينتهجها الا الكبار

[poem=font="Simplified Arabic,5,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black"]
يالله اني في ذراك مـن المصايـب والبـلاوي = والتكبـر والتغطـرس والجهـل والجاهلـيـه
والزنـا والقتـل والشـلاّت وعيـال القهـاوي = والربا واهل الربـا واهـل الغبـا والعنصريـه
والردى واهل الردى واهل الحيَل واهل الملاوي = والنمائـم والكـلام الشيـن والنفـس الدنـيـه
وعن هروج الكذب والزمّات والهرج المـراوي = والنفـاق ورفقـة الانـذال والنـاس الـرديـه
وأكل مال الغير من الايتـام ولا مـن غنـاوي = ومن غضبك ومن سخطك ومن عقوقي والديـه
وعن دروب العيب واهل الظلم صحبة كل غاوي = والنكـاده والقـراده والحـسـد والعنجهـيـه
والقهر والديـن والنكبـات والشـر المخـاوي = وعن قلال الدين واهل الفسق وانـواع الزريـه
يا إلهي ذا رجاي وفيـك انـا قلبـي رجـاوي = طلبتي لك طلبـة المحتـاج وارفـع لـك يديـه

انتبه من صحبـة اللـي دايـم دربـه خنـاوي = مـاوراه الاّ المضـره والنـكـد ولاّ البلـيـه
تستحي من النـاس لشافـوك وايّـاه امتخـاوي = خايف من هرجـة العقـال مـن هـذا خويـه
سمعتـه مشهـورة بالعيـب ولاّ بالـرشـاوي = لايفرق في الصواب.. ولايفرق فـي الخطيـه
إلى أن قال :
ذي نصيحة شاعر قلبه علـى الغالييـن يـاوي = قلتها وارجوك يـارب المـلا ترضـى عليـه
قلتها ماابغى وراهـا لا جـزاء.. ولا عطـاوي = ماعلي امن الجـزاء ولا علـي امـن العطيـه
لابس ثوب جديـد.. ولابـس بشـت حسـاوي = ومـن وصايـا شايبـي متحـزّم بالحضرميـه[/poem]

الشاعر الكبير مضواح بن شتوي يكتب بماء الذهب

[poem=font="Simplified Arabic,5,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black"]
يقول من بـدع القوافـي عوايـده = يصوغها لوهي على الجوركايـده
صوغ الذهب لقالهـا يفتخـر بهـا = هرج(ن) على معناه يعمي حسايده[/poem]

أربع أبيات لقصيدة (( ياراعي الجيب ))

[poem=font="Simplified Arabic,5,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black"]
من راس مالي ابدفعها بـلا ايـة نقـاش = البنك مليان والشيكات فـي كـل جيـب
ابيع واشري ولا عندي ضمـان ومعـاش = اجمّع اللي كتبـه الله لـي مـن نصيـب
فكس ار كنه الاسد ليا وثـب ثـم هـاش = اليا وقف كـن شكمانـه قـزازة حليـب
ابيه في لازم يصعـب علـى كـل لاش = في ديـرة ماسكنهـا غيرنمر(ن)وذيـب[/poem]

الشاعر العملاق مضواح بن شتوي كتب في أغلب أغراض الشعر
فرثاء والدة بهذه القصيدة التي اخترنا منها :

[poem=font="Simplified Arabic,5,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black"]
قالوا العـراف نبغـى تسمعنـا جديـد = القصيد أنواع وأشكال والطيـب نبيـه
قلت تبغون الصراحة مع العلم الأكيـد = كلمة با أقولها ياهـل الـراي الوجيـه
النشيد اليوم كل(ن) يسـوي لـه نشيـد = وأصبحت صعب القوافي يغنيها السفيه
كثروا الشعار والقـاف شعـاره تزيـد = والحقيقة مادروا بالمعاني كيـف هييـه
=إلى أن قال

فاقد لي راس قوم(ن) على ربعه عقيـد = شايب في الضيق يا سعد من عنّز عليه
فاقد أبوي وغبن عينـي علـى الفقيـد = غبن من مثلي تغبّن على احـد والديـه
فاقد الوجه والجـاه والشـور السديـد = فاقد من بعد ربي لـي ضاقـت باجيـه
فاقد راعي الحميا وذخـري والرصيـد = تاج راسي يوم غيره من العليـا يتيـه[/poem]

وإخترنا إيضاً من قصيدته الرائعه في رثاء الشاعر الكبير / صياف الحربي

[poem=font="Simplified Arabic,5,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black"]
ياقاف في صياف غن الطواريق=هات البيوت اللي على الكيف ياقاف
بنات فكري قامت اطل وتويق=ولاني بشاعر كان ما ارثيت صياف
انا علّيه للنشاما مواثيق=اللي لهم في قمة المجد مشراف
قولو معي يا هل الوفاء يا مطاليق=مرحوم ياللي له مع الشعر ميقاف
الشاعر اللي وثق الشعر توثيق=ينعاه شعر الرد محراف محراف
وينعاك منهو في معانيك عِشيق=وتنعاك حرب اهل الوفاء روؤس واشراف[/poem]

تطرق في قصائدة لعدة مواضيع حيث قال الشاعر العملاق مضواح بن شتوي

[poem=font="Simplified Arabic,5,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black"]
الطيب يبقى عند وافيين الاصحـاب = اهل الوفاء والجود واهـل الحميّـا
اللي لهم في ماكر العـز مرقـاب = ربـع (ن)منازلهـم مكـان الثريّـا
لوجارت الايـام والوقـت غـلاب = تلقى الشهامه والظفر فـي المحيّـا[/poem]

وهذه ثلاث إبيات من قصيدة ( على الصامت )التي عانقت السحاب سحراً

[poem=font="Simplified Arabic,5,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black"]
لاتتصل بي عرفـت الثـوب وقماشـه=لشفت رقمك وضعت الزر على الصامت
اللد عيني ليا شفتـه علـى الشاشـه=يابو علاقـه مـع الشـدات مادامـت
توي عرفتك يابـو وجهيـن غشاشـه=اثرك على اللي جرالي فارح وشامـت[/poem]

فهو من الشعراء الذين لا نمل من السماع لهم أو القراءة لهم

[poem=font="Simplified Arabic,5,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black"]

صديق في الشدايـد مانفعنـي=انا وقت الرخاء ياويش ابي به
ليا منـي زهمتـه ماسمعنـي=وليامنه زهمني قمـت اجيبـه
عسى لاعاد يوم بـه جمعنـي=ولا عاد النهار اللـي يجيبـه[/poem]

أكتشف شاعرنا من حياته الكثير فقال:

[poem=font="Simplified Arabic,5,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black"]
بيض الله وجه الايام والمـال القليـل= بيّنت لي دامس الليل وفجـوج النهـار
اكتشفت بها غريب وشـي مستحيـل = واكتشفت بها طيور القهابـا والحـرار
واكتشفت بها عزاوي منجّيـة الدخيـل = واكتشفت بها عزاوي قصيرين العمـار
واكتشفت بها شجيع اخويانا والذليـل = واكتشفت بها صغار اخويانا والكبـار
واكتشفت بها الحِيّل والتحيّل والجليـل = واكتشفت بها طوال المناهج والقصـار
واكتشفت بها كريم اخويانـا والبخيـل = واكتشفت بها فيافي الخزامى والقفـار[/poem]

حينما نتكلم عن شاعر بحجم الشاعر مضواح بن شتوي فالوضع يختلف
فنسهب بالمقدمه دون علمنا لتأكدنا الواضح بأنها سوف تكون مادة دسمة لمحبي الشعر

فقال شاعرنا في وفاة فقد الأمة الأسلامية الشيخ ياسين :

[poem=font="Simplified Arabic,5,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black"]

احسن الله عزاكم واحسن الله عزانـا = في زعيم الجهاد وفي زعيم المسيره
غاب نجم الجهاد اللي سطع في سمانا = يالله انك تعيض بخير وتجيب غيـره
يافقيدالجهـاد و يـا اميـر إشهدانـا = انت رمز لنا في كل دار(ن) وديـره[/poem]

ثلاثة أبيات مسندها شاعرنا إلى الشاعر لافي بن علي الرشادي :

[poem=font="Simplified Arabic,5,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black"]
شايبي يالقرم لافـي طغـى ضيمـه وزاد=له ثلاث اسنيـن كنـه بصـاج يصطلـي
حكم ربي يـوم قـدّر علـى عبـده واراد=لازم ٍ نرضى ونصبر على حكـم الولـي
ذي بيوتي ياالرشـادي تصفحهـا وعـاد=عاد صدري من جمايلـك عامـا ممتلـي[/poem]

شاعرنا القدير في بعض الأحيان يفضل السكوت لآنه خير من بعض النقاش فقال :

[poem=font="Simplified Arabic,5,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black"]
الليالـي سـود والايـام بـيـض=والرجال ارجـال ولا الـلاش لاش
كان تبغى الصح بالخط العريـض=رفقـة اهـل الطيـب ولايابـلاش
مخبل اللي يرتجي م الديك بيـض=مثل من يرجي من الصخرة إعراش
لو تناقشنا حصـل فتـل ونقيـض=السكوت اخير من بعـض النقـاش[/poem]

في قصائد الشاعر مضواح نجد إسلوب راقي ونهج غير تقليدي حيث قال :

[poem=font="Simplified Arabic,5,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black"]
ماعاد غيـر مبرمجيـن الموجـه = ماعاد باقي في العـرب واعينـي
باقي الشجاعه في هـل الفلوجـه = اهل البطوله والشـرف والدينـي
ولاحماس اللـي تزعّـم فوجـه = زعيـم الامـه والبطـل ياسينـي[/poem]

تكلم عن عدة مواضيع إجتماعية مرت بحياتة اليومية فقال مخاطباً وزير الإعلام :

[poem=font="Simplified Arabic,5,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black"]
وزير الاعلام ردوا له وقولوا له=وزارة اعلامنا ياكبر غلطتها
تكفون تكفون قولوا له وردوا له=اكبر خطيه رضاهم عن خطيتها
وقولوا لناس معه في منصبه حوله=اهل الامانات تُسأل عن امانتها
قولوا لناسٍ عن الاسلام مسئوله=ما نسمع الا بطاريها وسمعتها
اللي حصل في بلد الاسلام ياهوله=غلطه كبيره ولا ادري كيف رضيتها

=إلى إن قال :
الجنس والزندقه والكفر ويش هوله=في معرض اكتابهم جابوا روايتها
واكبر مصيبه كتب الالحاد وذيوله=ماحدٍ درى كيف لمّتها وجابتها
ياعنك خطة ردى بالعمد مفعوله=من قوم تبرم ورى الاسلام خطتها[/poem]

وأنقل إليكم مقطوعة شعرية من قصيدتة الرائعه (( بلوتوث العيد ))

[poem=font="Simplified Arabic,5,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black"]
تكفى يابو متعب زبـون المهمـات=ضاعو شباب المملكـة والعـذارا
صارورضحيـة للبلتـوث بالـذات=خطـة يهـود نفذتهـا النـصـارا
يا درع نا ياذخرنا عنـد الازمـات=ياخـادم البيتيـن ستـر الديـارا
الغرب يصنع كل يـوم صناعـات=وحنا على بعض العلـوم إنتبـارا
حييين لكّناعلـى حسبـة امـوات=نقضي لليالي العـام كلـه سهـارا
هـذا اذا مافيـه روحـه وجيـات=امـا كــذا ولا كـذيـا حـيـارا
اللي على الترقيم واللي على الشات=واللي على جسر المحبـه سكـارا
مـع احترامـي للبنـي العفيفـات=اللي لهـن فـي مجتمعنـا وقـارا
ولا الشباب مطبقة شـرح الايـات=ِ اللي على سنـة محمـد غيـارا[/poem]

شاعرنا العذب مخاطباً شاعر المليون فيقول :

[poem=font="Simplified Arabic,5,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black"]
ياشاعر المليوون قول ولاتطول=في روضةٍ خضراء وفيّت شالها
خل البيوت عيونها روقٍ وحول=واحسب لشيلتها مع موالها
والصوت خله في المسامع له ذهول=والفرصة اللي جاااات لاتغتالها
خلك على حسب الطلب حسب المثول=اما لهم ولاّ لكم ولاّ لها
وابشر بتصويته على حسب الميول=عبر القناة اللي تبث ارسالها
صارت مثل الاسهم طلوع في نزول=واهدافها دينارها وريالهأ[/poem]

شاعرنا له تجربة مع سوق الأسهم سيئة فشبه سوق الإسهم
بالإرهاب الحاصل في بلاد الإسلام والمسلمين فقال:

[poem=font="Simplified Arabic,5,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black"]
ياملكنـا ياطويـل العمـر ياصقـر العروبـه=ملتجانـا بعـد ربـي كـل ماضاقـت علينـا
ياحبيب الشعب ياستر الوطن تاجـه وثوبـه=فزعة المضيوم من صكات بقعـاء والسنينـا
حن نحارب شلة الارهاب واللي روجـوو بـه=واصبح الارهاب ياشهم النبـاء منـا وفينـا
نهب مادري سرق والحاصل ترى العالم دروبه=هئية في السوق رضيت في حلال المسلمينـا
نهبت اموال الضعافى والمساكيـن مغصوّبـه=اغتصاب المال بيديهـم ولاهـو فـي يدينـا
فقرونا خسرونـا والفقـر راحـو وجـو بـه=قصدهم نصبح سوا الصومال ولا مثـل غينـا[/poem]

ثلاث إبيات جميلة جداً من قصيدته ( العشق ماهو كذا )

[poem=font="Simplified Arabic,5,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black"]
العشق ماهو كذا العشق ود وغـرام=اما لهـا ياللطيـف الـروح ولابهـا
اخاف يلحقك من خولان هرج ومـلام=هرجة قفا ماتسراللـي تحاكـا بهـا
اما تزيد الرضى ولا نزيـد الخصـام=ما ارضى عليك الخطية وانت ترضابها[/poem]

يقول شاعرنا (( ول ياشارون ماجاك من يلعن ثواااااك .... )

[poem=font="Simplified Arabic,5,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black"]
ولّ).. ياشارون ماجاك مـن يلعـن ثـواك=ِنِبت لك في تالي الوقـت ياملعـون ريـش
=وقال إيضاً :

(الشجيع من العرب قام يهرج فـي قفـاك)=يشجب اللي منك يحصـل ولايقـدر يهيـش
يامتـى عالعيـن ياتـي نهـار الاشتـبـاك=دفي نهار فيـه الاسـلام لـه قـوة وجيـش
يابني يعرب حصل في القيـادات احتكـاك=الكراسـي سمّرتهـا شواكيـش الـوريـش[/poem]

تطرق في جزء كبير من قصائدة إلى مواضيع إجتماعية بكل جزاله وقوة
مما دعى الشاعر الكبير عبدربه ( عشير الغانمين )
إلى مجاراته على هذه القصيدة (( طالب جامعي )) نذكر منها
يقول مضواح بن شتوي :

[poem=font="Simplified Arabic,5,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black"]
لي ثمان سنين ادّور لي مع العالـم وظيفـه=والغريب اني مخضـرم والشهـاده جامعيـه
والبلد مليان مثلي يمكـن انهـم بالنصيفـه=والبطاله كونـت فـي مجتمعنـا عنصريـه
زعل ابوي وزعلت امي واصبحت حاله مخيفه=مالهم غيـري وانـا ودي بخدمـة والديـه[/poem]

قال الشاعر عبدربه ( عشير الغانمين ) مجدارياً الشاعر مضواح بن شتوي:

والقصيد أمّا يشدك ماعلى تركـه حسيفـه=كم قريت وكم سمعت من اللحون السامريه
مار قافٍ هندبه خـولان حرّكنـي وحيفـه=واستثار اللي كمن بأقصى المهاديف الشقيه
ياولد عامر نبشت الجرح واسترسل نزيفه=وأدري إنك مانبشت الجرح غير بحسن نيه

شاعرنا المبدع إصيلً بأطباعة إصيلً بمفرداته لا تمل من قراءة قصائدة
ولا تكفي قراءة القصيدة مرة واحده
وأخترنا هذه القصيدة التي تعتبر من أخر ماكتب الشاعر مضواح بن شتوي
بعنوان (بين الرجا والياس والعبد والسيد)

[poem=font="Simplified Arabic,5,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black"]
شريط صبرك فّر ويلف وييعيد=ياقّّو عزمك يا وسيع البنأيد
بين الرجا والياس والعبد والسيد=اصبر لها صبر الجمل للشدايد
وانا هواجيسي صدور ومواريد=والهم يطوي حالتي ويتزايد
كني سجين حز في رجله القيد=ولا مريض عاف حتى الوسايد
رفقة هل المعروف واهل الوفا فيد=يفدونهم قومٍ تبيح السدايد
انا عرفت اصحابنا زيد وعبيد=ياما استفدت من التجارب فوايد
الشعر حكمه والمعاني مفاريد=ولا كل شاعر بارع في القصايد
ولاكل من ركب الفرس قال انا تييد=ولاكل من قاد الطوابير قايد
ولاكل من لقّب با ابوزيد ابوزيد=ولا كل من سموه زايد بزايد
ولاكل من واعد صدق في المواعيد=ولاكل من عيّد مع العيد عايد
اهل الحداثه والهزل جابو العيد=حسبي عليهم مرخصين الجدايد
لشفتهم مع(...............)=احزن على سلم العرب واتعايد
وجه الشبه ماينقص الشكل ويزيد=الشكل واحد فرق بس القلايد
وحنا بدو لنا طبوع وتقاليد=على سلوم اجدادنا والعوايد
ليا وردنا صافيات المواريد=نارد ولانخشى ضعاف العقايد
نلطم عيون اهل الردى بالعباريد=وناطا على خشم العداء وانتسايد
ونخشا من الشرهه وبعض المناقيد=والعيب ماله في طرفنا مصايد
ولا نأمن الدنيا وهرج المقاريد=اللي يحبون الحكى والزوايد
والعلم له معنى ومصدر وتحديد=والصدق بيّن وامن الاوطان سايد
لاهان ديوان العرب يا الاجاويد=فيه الدرر والمبهمات الفرايد
ورخ لنا تاريخ قومٍ صناديد=سجل لهم مجد تعلى ونايد
اللي لهم في العز والمجد تمجيد=ماحرفّوا سلم العرب والبدايد
حنا بلشنا في هل الكذب والكيد=اللي تكّتب على الورق والجرايد
اللي ينقص في التواريخ ويزيد=ويله من الله يوم فرز الشهايد[/poem]

علاوة ً على ماتم التطرق له في مجال النظم فالشاعر مضواح بن شتوي مبدع جداً في مجال المحاورة
وله تواجد في ميادين المحاورات قوي وعنيف وهو من الشعراء الصعبين المراس
يمتلك فطانة وسرعة بديهه فائقة جداً يتحول في ساحة المحاورة إلى الأسد المفترس

لعب الشاعر مضواح بن شتوي على ساحة الميدان مع الكثير من شعراء الميدان المعروفين وربما كان أبرزهم الشاعر فهد المحيشير رحمة الله لان اللعب كان معه ذو طابع خاص .

اغلب شعار الشبكة العنكبوتيه لعب معهم مثل سعيد ابو ديه وخالد الحصين وسعيد الفهري وشايع العيافي و محمد بن مشيط وايضا مع ذيب الشمري وابراهيم الشيخي ومفرح بن بداح وعبد ربه العازمي وغالب الشريف ومحمد بن شديد وعلي بن حمري صالح بن وصل العصيمي ومشخص الفهري وبدر العجمي و مضواح بن جابر ومشعل بن قشعان وعوض القرني وعبد الله المقاطي ومساعد المورقي والزاهد وصلاح الشمري ونهار الخالدي ومحسن الدوسري وعايض الحبابي وسعود بن جمعان المطيري وعبدالله بن عايض الفهري وعلي البورعي وحسين الحارثي وزبن القاضي ونايف بن دغام العازمي سعود النفيعي وحسين بن شتوي الحبابي ومحمد بن دشن و سعد بن شفلوت وسعد القحطاني و ناصر بن عوض

وكثير جداً نعتذر عن من سقط اسمه سهواً شديد الأعتذار
فهذا يعتبر نموذج معين لكثرة الشعراء الذين لعب معهم شاعرنا المبدع مضواح

يرتفع بمعاني المحاورة إلى إعلى مستوياتها

إسلوبة الرائع جعل لنا مدرسة شعرية في فن المحاورة
يعتبر الشاعر الذي أدخل فن المحاورة على القزوعي فالجنوب
وله البيت المشهور :

القزوعي يبغى رجالٍ يشيلونه=هاذي سلوم اجدادنا مانخليها


حينما تستمع لمحاورات مضواح او تقرأها فأنك لا تمل من الفتل والنقض والقوة الشعرية العالية المستوى

سوف نذكر نماذج من المحاورات وهي على سبيل المثال وليست الحصر
محاورات شاعرنا كثيرة جداً ونعتذر من لم يذكر اسمه ونعتذر مقدماً

[poem=font="Simplified Arabic,5,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black"]
=علي بن حمري


ياسلامـي مـن ضميـراً فيـه ضيـق وفيـه هـبـه = فيـه ضيقـات الزمـان وفـيـه هـبـات النشـامـا
صـــــاحـــــبــــــي خولان يجبرني أحب أللي يحبه=وقلت ياخولان يكفيه التحيه والسلاما


=خولان بن عامر

مرحبا بالشاعـر اللـي كـل مزمـومٍ يذبـه = رايتـه بالعـز خفاقـه ولـه قـدر ومقامـا
الله يديـم الوفـا والطيـب ويديـم المحبـه = وانت عزي في المواقف وانت درعي والحزاما


=علي بن حمري

يافديت اللي دروبـه لاملـف ولا مطبـه = لاتحشدت ايتحشد وانت تحاميت ايتحامـا
الزمان اللي يخلي الطيب نوع امن المسبه = اشهد أن الطيبين تعيش به عيشة يتامـا


=خولان بن عامر

تدري ان اسحار ماتبغى العطايا من منبه = والعطايا من منبه نصفها كلـه حرامـا
لا عدمتك وانت بالحكمه ومعناها تنبـه = شرهة الغالي على الغالي ولا لحقه ملاما

=علي بن حمري


أشهد ان البحر قاعه قاع وإن غبتـه غبـه = والرجال اتشوف ياخـولان لكنهـا اتعامـا
جات في راس الجمل زمه وراس الثور عبه = والجمل والثور بعناها بشـي ولاش عامـا

=خولان بن عامر

السراب اللي تشوفه يابن حمري دالهٍ بـه = وانت مدري ضامي بالحيل ولا انت اتضاما
انت تظرب لك مثل ولا يبن حمري تشبـه = ايه ياشهم النبا جاك الخبر يامـا ويامـا


=خولان بن عامر

بيض الله وجه اللي رقاها وهي له = في نهار تفاخرقومنـا ووامرانـا
اليدين الكريمه واليدين البخليـه = في لليالي رداها واضح من ورانا

= وهذه محاوره تجمع شاعرنا بالشاعر العذب سعد بن شفلوت
=سعد بن شفلوت


كل شاعر قبيله يفتخـر فالقبيلـه =علمه ينومس الطارف وذكره شعانا
اليمين القصيره واليمين الطويلـه =والله انها على طول الدهر ماتدانا

=خولان بن عامر


ياسعد ويش سوى الحضرمي في كفيله = قـام يضحـك ويتهزابشريـة نمانـا
الركايب لهـا ياطيـر شلـوى دليلـه = راحت القوم واحنـا يالعبيـدي كمانـا

=سعد بن شفلوت

قامت الناس في عصره تبيع البليله =غير انا وانت باقي سمننا في جنانا
راعي السجن لو يخلون بكره سبيله =يمكن يمد كفه في عشاك وعشانـا

=خولان بن عامر


راح سمن العرب ما باقي الا صميله = قامت القوم تغزل ياسعد في لحانـا
العرب من فصيله والولد من فصيله = مابقى الا يخاشرنا وياكـل غدانـا
=سعد بن شفلوت

لقمة من عصيده شربة مـن عبيلـه =جعلها بالعوافي كانهـا فـي حدانـا
ويش رايك تدور لك مع الناس حيله =جاك ماجا ابن عمك وانت ماجاك جانا


=خولان بن عامر

وين راعي المعالي وين راعي الفضيله = مستواهم بعـد بكـره مثـل مستوانـا
راح ذاك الزمان اللـي قديـم موديلـه = بعد ماراح قمنا مـن الهمـوم انتوانـا

=سعد بن شفلوت


ذاك عند العجوز وذاك عند الحليله =تحت فية عصاك وتحت فية عصانا
من زرع برّ يا خولان يجني حصيله =الحق الوقت قبل الوقت يلحق مدانا

=خولان بن عامر
يامساء الخيرات والخير يابها والجنوب=ديرةٍ من حل فيها نسـى مـن ديرتـه
ازهموا في البورعي شاعرٍ عيا يتوب=اعرفه يالربع واعرف مواقف سيرتـه

= وهذه محاوره تجمع شاعرنا بالشاعر العذب سعد بن شفلوت
= وهذه محاوره تجمع شاعرنا بالشاعر العذب سعد بن شفلوت
=وهذه محاوره تجمع شاعرنا مع الشاعر علي البورعي
=علي البورعي
مرحبا ترحيبت نورها من كل صوب =وأطلب الله السلامه ونطلب خيرتـه
أنت ياخولان مانته بغفار الذنـوب =والذهب هاته ونعطيك كم تسعيرته
=خولان بن عامر

يامخاوين القوافي ونسناس الهبـوب=القدم محتار والقلـب زادت حيرتـه
تدري ان الظلم والكبر تدمير الشعوب=اودعاء عبدٍ دعاء الله فـي تكبيرتـه
= علي البورعي

أنت ماتجرح بهرجك متينيـن الجنـوب=وكاني مذنـب فذنبـي علـي تكفيرتـه
والله أني جيت من شرق مكره ومغصوب=والمدحدر ماعلي منه في في دحديرتـه

= خولان بن عامر

انت ذنبك فوق جنبك يابوقلبٍ لعوب=اكتم الموضوع لاتنكشـف تشفيرتـه
مالقينا لك مع القوم في الرحلة ركوب=روّحوا والبورعي غطته تصفيرتـه

=علي البورعي

قالوا الكذبه تبين على فم الكـذوب=والمعير يحسب ما دروا عن عيرته
وأنت مثل الثلج مر تروب ولاتروب=لافقلت البـر ولافقلـت أشعيرتـه


=خولان بن عامر

الضيف مايقدر يسولف مع الضيف=يخشى من المنقود يلحق كلامـه
الوقت طـول والليالـي محاذيـف=واللي يسلـم ماوصلنـا سلامـه


= وهذه محاوره جمعتني معا استاذي الكبير
=سعيد أبو دية

ان كان دار الحول واسهيل ماشيف=فانا اعتبرها من مواري القيامـه
الوقت دار وجار ياحيف ياحيـف=على الرجال اهل الوفا والشهامـه
=خولان بن عامر

الصيف زين لو شوينا الملاقيف=اللي يحطون المطيـه نعامـه
الذيب يقنب في علو المشاريف=واطلب عسى ربي يحقق مرامه

=سعيد أبو ديه

الوقت هذا حده احـد مالسيـف=ولا يطرب المهموم سجع الحمامه
حتى البعير اللي سنامه مراديف=من جور وقته قام ياكل سنامـه

=خولان بن عامر

متى يابو ديه تهـب العواصيـف=ونشوف براق السحاب وغماااامه
الضيف كم له ينتظر دلة حنيـف=وحنيف ضيفه ما لقى له كرااااامه

=سعيد ابو ديه

متى متى مدري ظنون وتخاريف=ماكل سودا يبض الوجه شامـه
ياهل الحميه والوفا والمواقيـف=الضيف يتشره ولا ادري علامه [/poem]

[poem=font="Simplified Arabic,5,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black"]
=وهذه محاورة اخرى جمعت شاعرنا بالشاعر مشخص الفهري
=مشخص الفهري
في المنتدى والموقع الرسمي لصبيان قحطان = يامرحبا حسب العوايد والسلوم المتعبه

الشاعر الي لاوقف يصهل مثل صهل الحصان = يقرب وانا (مجنون ليلى) دام ليلى الملعبه

=خولان بن عامر

في المنتدى والموقع الرسمي وفي هذا المكان=في مجلس اللي في نهار الهوش قوم مرعبه
الك البقااااء يامشخص الفهري يابو قلب ولسان=قلب مثل قلب الاسد وابو لسان يِلعبه

=مشخص الفهري

خولان بن عامر ليا غنى تذكرت الزمان = الي به الرجال يفتل في عضوده واشنبه

قلبك مثل قلب البعير وماحواه القلب بان = والكلمه الي جاتني ياطير شلوى معربه
=خولان بن عامر
العام يامشخص قلوب الناس مافيها حنان=واليوم كلن يطربه صوته ولو مايطربه
السالفه بيني وبينك ماعليها ترجمان=الشعر من ربي هبه والعرف من ربي هبه
=مشخص الفهري

الحق والله ماعلى الدنيا ومن فيها ضمان = دام الكفو شرواك ياخولان صاحب تجربه
شفت العزيز الي يبو عامر بعد عزه يهان = وليا شره يشره على نفسه وربعه واعربه
=خولان بن عامر

عزيز قوم ذل يامشخص بلا ربع وخوان=بين الزمان اللي مضى والعام ذا مابه شبه
اللي يسرحها عشر عود يضويها ثمان=والشيخ من كثر الدعاوي شككوا في مذهبه

=مشخص الفهري
الي معه من ربعه الغالين ياخولان خان = حتيش لو يقدح زناده والسلاح يزهبه
لاصار شيخ القوم من راعيه فالدعوى مدان = ماجاك من وقتك تفكربه ولاتستغربه

=خولان بن عامر
البرتقال اللي يسمونه عربنا برتكان=حسبي على اللي جبّس البستان واللي خربه
يالليل دانه يابني يعرب ودانه دان دان=صاروا العداء سكين وانتو ا ياعربنا حبحبه

وهذه محاوره جمعت شاعرنا بالشاعر عبدالله الفهري

= عبدالله بن عايض الفهري :
خولان ابن عامر يحاورني وانا افهم لكنته=دليل والرجل الدليل ايدل مـا يبغـى دليـل
بناقشه واللي سواته مـا تخونـه فطنتـه=في شي ما يخفى على العاقل ويجهله الهبيل
=خولان بن عامر :

مدام تفهمنـي كـذا خـل الزمـان ومنتـه = انته كذا عابر سبيل وصاحبك عابر سبيـل
احدن تضحّك ونتـه واحـدن تبكّـي ونتـه = حتى الجمل يجمح ليا من شاف له حمل ثقيل
=عبدالله بن عايض الفهري :

صميل يختـض وملاقيـف الاوادم خضتـه=وياتي بها من لا يسد انبوبها عند الحصيـل
ناس(ن) تكر الجمر من تحت الرماد (ا)وشبته=بالنار تلعب ما احسبت للعاقبه قبـل العويـل
خولان بن عامر :

صميل سمن البدو فاحت يالعبيدي صنته= لابارك الله فيك ياسمن يصن به الصميل
ياجعل قصر ماتضلل في القوايل فيته=تبدي عليه ايام بقعا لين من ساسه يميل
=عبدالله بن عايض الفهري :

لو كل مجرم يـا جـد احسابـه نهايـة جرتـه=ما كان للناقص مع الوافين وجه (ا)ولـه سبيـل
لا شك للجاهـل عـوارف كـل مـا زل انهتـه=ويا الله عسى كبار البخوت اتروس من عرفه قليل
=خولان بن عامر :

بعض المرض يصعب على الدكتور يلقى علتـه = وانا عجزت اللقى الدواء والطب في القلب العليل
راعـي صلالـه مايسيـر الا معـه جنبيـتـه = وان قلت له عمرك قصير يقول انا عمري طويـل
=عبدالله بن عايض الفهري :

انا اقصد اللي نعمته والخيـر والأمـن اطغتـه=ثم صار راسه فوق نجم الجدي واعلى من سهيل
يفخر بهيات وتواريـخ(ن) ولـو هـي مرتـه=يمكن يصير (ا)من المعاور مثل منسوع الجديـل
=خولان بن عامر :

اللي يغش الناس يالفهري يحاسب ذمته=ما انت بوكيل ادم وانا ماني على العالم وكيل
اللي نسى عمه يابو نواف ينسى عمته= هذا زمان كل شي فيه يصبح مستحيل

= وهذه محاوره جمعت شاعرنا بالشاعر الشاب حسين بن شتوي

=خولان بن عامر :
سلام رديةٍ نورها بادي = كن القمر ظاهر من محيّاها
تنصى هل الطيب واهل الشهاميه=كله على شان ليحي وليحاني
ياحسين سولف ترى جوّنا هادي =ون طابت السالفه طاب معناها
االنيه النيه النيه النيه= كله على شان ليحي وليحاني

=حسين بن شتوي :
يامرحبا مرحبا يابن الاجوادي =نشفق علي شوفتك ونتحراها
مادمت موجود ميه علي ميه= كله علي شان لاحي وليحاني
حنا تري دائم وضعنا عادي =لاشك عطني علومك من اقصاها
حنا نبيها كما الجمره الحيه= كله علي شان لاحي وليحاني

=خولان بن عامر :
ولك البقاء عد بارق ورعادي=من نوةٍ شبعت القاع من ماها
ياشاعرٍ له مع القوم ماريه=كله على شان ليحي وليحاني
مادري عن اللي حصل داخل النادي=احدٍ خذا كورته واحد وداها
واللي تبقى لعب طاق طاقيه= كله على شان ليحي وليحاني

=حسين بن شتوي :
ذليل ميعاد ربعي وميعادي=وخولان باقي علومه عرفناها
ياشاعر فيك هاذي وهاذيه=كله علي شان لاحي وليحاني
من يوم صدام فارق لبغدادي =جاها الامريكي الخسيس وتعشاها
وانته وانا تحت حكم السعوديه=كله علي شان لاحي وليحاني

=خولان بن عامر :
ركز وخلك على موجة الرادي=الكلمة الاوله كيف تنساها
في الدرب ياحسين عسكر ودوريه=كله على شان ليحي وليحاني
صدام لو سلم من ذنب الاكرادي=ماشرب كاس المراره وبلواها
صارت ضحاياه شيعه وسنيه= كله على شان ليحي وليحاني

=حسين بن شتوي :
الدرب معروف والظالم البادي= وحنا ترى نعرف البير واغطاها
والا انته اسرعت سرعه جنونيه=كله علي شان لاحي وليحاني
صدام لازال في رجله اقيادي =والقوم لاعاد جاته ولاجاها
غير اطلعي يالخفايا العراقيه=كله علي شان لاحي ليحاني


=وهذه محاوره جمعت بدر العجمي وشاعرنا
=بدر العجمي :
حنا على دربك نسوق الركب والعفش امحزو=مياشيبى تامر امـر... والنـار مـن شبابهـا
شايبك راعى حرب يعرف للدفاع وللهجـوم=والسهل اخير امن الوعر... والنار من شبابها

=خولان بن عامر :


السوق به تجار حيٍ يشتري واحدٍ يسـوم=وين انت ياسوق التجر.. والنار من شبابها
ترى رموز الكود ياشايب لها فن ورقـوم=وارقامها تسعة عشر.. والنار من شبابهـا

=بدر العجمي :
السوق واسع ياوسيع المعرفه وشتر هدو=ماللبس مثل لبس البشر... والنار من شبابها
يصحابنا يلى تعرفون العوايـد والسلـوم=البدو ماترعا البقر... والنار من شبابهـا

=خولان بن عامر :
العود الازرق طول عمره عود ولا الثوم =ثومالاوله راحت هدر .. والنـار مـن شبابهـا
ابك انت وصفك مالقيته في الشلاوى والبقوم=تلعب بك اغصون الشجر .. والنار من شبابه

=بدر العجمي :
عاده على سطح البحر وانا حسبت انه يعـوم=من غاص فى غب البحر... والنار من شبابها
عمار فالمشروع واقـف فالبـراد وفالسمـوم=وش مكسبه تالى الشهر... والنار من شبابهـا
=
خولان بن عامر :
العام ذا ..له فزةٍ . والعام مايقدر يقـوم=يبني بيوته من حجر والنار..من شبابها
ماباقي الا تدفع الجزيه وتعطيه الرسوم=اضحك وخلها بالفسر.. والنار من شبابها[/poem]

الشاعر مضواح بن شتوي من شعراء الزامل والقزوعي المبدعين فله مجموعة إبيات نختار لكم منها :

[poem=font="Simplified Arabic,5,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black"]
عـد مـالاحـت بــروق المخـايـل مــن سـمـاه = يـاسـلام الله ســلامٍ يـعــم الـلــي حـضــر
الـخـوي لـيـا دعـانـا وصلـنـا مــن غـــلاه = والعـوايـد سلمـهـا واضــح بـيــن الـبـشـر

=........................
ياطيور في السمـاء ردي سلامـي علـى كـل غالـي = للرجال اهـل الوفـاء والطيـب والمعرفـة والحميـه
الوفاء من طبعنـا والجـود والعـرف سلـم الرجالـي = والنسـب بيـن النشامـا لـه مكانـه ولـه مقـدريـه

=..........................

يـاســلام الله ســـلام يـعــم الـحـاضـريـن = يـارجـال طيـبـهـا مـــن وفـــاء جـدانـهـا
العـلـوم الغانـمـه مـــن سـلــوم الطيـبـيـن = والله انــا نتـعـب ارواحـنــا مـــن شـانـهـا

=.....................
ياسلامـي علـى اللـي يعرفـون العوايـد والسـلـوم = لابـة تكسـب النامـوس والطـيـب مــن عادتـهـا
لابتـي فعلهـا مثـل القمـر واضـح بيـن النـجـوم = الوفـاء والشـرف والـجـود والمعـرفـه ميزاتـهـا


=............................
جـمــل الله حـالـكـم يـامـقّـدرة الـنـسـيـب = يـاهـل الـنـالات واهــل القـلـوب الصـافـيـه
والله ان الطـيـب يـجـزى بمـعـروف وطـيــب = والعـلـوم الوافـيـه عـنــد ربـعــن وافـيــه

=...............

يا الله رحـمـن فــي يــوم بــه الـبــراق لاح = سالـت سيولـه ليـن يـروي المـال والـوادي يغيـل
الطيـب بيـن الـنـاس يبـقـى والجـهـل ولا وراح = يالله تعيـن اهـل الوفـاء[/poem] واللـي يحـبـون الجمـيـل

هذي نبذه مختصره عن شاعرنا الكبير مضواح ابن شتوي الحبابي القحطاني

ونعم بالشاعر مضواح بن شتوي الحبابي القحطاني

شاعر قدير وذكره مع الطيبين


والله لا يهيينك ياسعيد على النقل

وكل عام والجميع بخير

تحياتي

؟؟؟؟؟؟؟؟؟؟؟؟؟؟؟؟؟؟؟

سعيد


كل عام وانت بخير

الحقيقه انها اول مره اقرا الموضوع هذا نظرا لظروف الشهر الكريم واقتصار اغلب الأوقات للصلاه والعباده

اما بالنسبه للموضوع فهو مفاجأه بكل الابعاد المعروفه

مضواح ابن جابر و خولان ابن عامر

الحقيقه انا لم اتفاجأ كثيرا بكونه شاعر ومن سنحان لكن مضواح بالذات فعلا تفاجأت وهابو نايف امبر من اي مفاجأه وهو من الاسماء اللي تتلمذت انا شخصيا عليها سواء في عالم الشعر او حتى العوامل اللي تكمل الرجال في عيون الرجال وابو نايف شخصيه فاضله ومن الناس اللي اياديه بيضاء سةاء في مواقف القبيله او في علاقاته العامه مع الآخرين

لا هنت ياسعيد وظهور جديد لأسم عرفناه دائما فوق الاشاده والتبجيل


تحيت

صديقي خولان ؟؟؟؟؟؟؟؟؟؟


هو نفسه صديقي مضواح؟؟؟؟؟؟؟؟؟؟


يا والله الليل لزهر

زانت القصيدة

لاهنت يااخ سعيد

وشاعرنا تميز بالجزاله وقوة المعنى

الله يعطيك ويعطيه العافيه

وسلمت على التوضيح





تقديري

اخوكم


فاااالح الشلوي

الغالي خولان هو مضواح



والله أني كنت داري بنسبه كبيره جداً مجرد حدس فقط


عموماً كبير يابو نواف والكبير الله


قدراً وشعراً يشهد الله