ليت من وقع اوراق التقاعد

قصيده خاصه وصلتني من أحد الأخوه وهي في الحقيقه قرابة الأ 24 بيت أخترت لكم منها هذه الأبيات ..
ولطرافة موضوعها احببت أن اشارك بها ..

اعتذر عن عدم ذكر شاعرها لأنه لايتوفر لدي ..


[poem=font="Simplified Arabic,5,#000000,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
ليت من وقع اوراق التقاعد = والاداره وافقت والهم طاحي
استلم كامل حقوقه والعوايد = سلم العهدة وغادر واستراحي
ما انتظر حفل"ن"يوزع به شهايد = وصور وتذكار مافيها صلاحي
أكتبوا له نشكرك خدمتك واجد = ونتمنى لك بدنياك النجاحي
صار من عقب ارتباطه يابو عابد = حر مثل الطير يكفخ بالجناحي
ماحداه الزام عن بعض المقاصد = لانوى له ديرة"ن" شغل وراحي
واصل غاليه ولربعه معايد = في عياد الفطر واعياد الاضاحي
لازمه يقضيه وبكيفه يواعد = مايراجع ريسه يبغى السماحي
لاأشتهى يرقد تخيّر بالوسايد = وإن سهر ماهوجس بزام الصباحي
والحظيظ اللي يبي يطلع تقاعد = دام به قوّه وقبل يقال طاحي[/poem]

الله الله الله الله الله الله الله الله
عزاااااااااااه .....انا اشهد ان الدوام باليه ..شكله في ارامكو الحين

عزالله انّه شاعر والله يستر من شاعرها ..جعل ماهو بأنت بس

بس انت الله يعطيك العافيه شباب ومشاء الله عليك دوامك فلاّتي


بيّض الله وجهك يابو ثامر على ذالزياره للدوانيه وهذا يدلّ على تواضعك الشخصي لاخوانك النداويه

دمت يأمير النداويه ..وجعلنا مانعتاض فيك


اسلّم وسلّم

ولاهو بحاصلك تقاعد ..تقصد والا ماتقصد

اهلين ابو ثامر


يعطيك الف عافيه


على ها الاختيار الرائع


تقبل تحياتي

اررررررحب يابو ثامر ..

سمعتها منك واعجبتني وقريتها وزاد اعجابي بها ..

هذا شكله شايب والعويل صغار وعنده ابل ووده بسوجة النفس في البر ..

وقاهره الريس ما فيه خير ولاهوب يسمح له دايم ..

صح لسان شاعرها وسلمت يمناك ياكاتبها ..

تقبل تحيات اخووووووك /// ابو مهدي

للذكرى فقط














لبا كلـــــــــــــــش

صوره مع التحيه للرئيس

تحياتي

مدري لو انها لك هههههههه
يسلم قلبك