مسابقه والجائزه ....................( قعود ) ..............

اخوان النداوي

السلام عليكم ورحمة الله وبركاته


مساكم الله بالخير ..............


بيت شعري ومن كمل عليه اربعه أبيات شعريه يدخل في الترشيح

لآفضل تكمله ........ والبيت يقول ............



عشقنا مرةٍ واليوم تبنا ****** وشبنا في هوى الخفرات شبنا



ــــــــــــــــ خالد الروقي __________________________

المشاركه مفتوحه للجميع ...........


[تم تعديل الموضوع من قبل خالد الروقي بتاريخ 11-27-2001 الساعة 01:13 AM]

السـلام عليكم

صبحك بالخير يالروقي



انا بااشارك ..... والله يجيب القعود




استلم :





عشقنا مرةٍ واليوم تبنا ****** وشبنا في هوى الخفرات شبنا





تعلقت بهوى سمح المحيّاا ***** ثنينّا الرجل لاكن ماحسبنا





نهيت القلب من طرد المقفيّ **** تجاهل ماتمسّك في عتبنا





صدفلّه من صروف الوقت صدفه *** ونشبنا وليته مانشبناا





حسبتـــه تاب والمشطـــــون عيّا *** حنينـــــه من صدى الونّه جذبناا




الا ياقلب ياكبر المصيبـــه *** نشـــــوف العدّ ؟؟؟؟ لاكنّ ماشربنا







وسلامتكم



وعسى ان تنال اعجابكم




فالح بن قشعم

الله الله يابو محمد

ماخليت لنا شىء الله يسلمك

تحياتى لك

فالح بن قشعم عز الله انك كفيت ووفيت وانك تستاهل القعود.


اخوك: على المري

الاخ ////////////فالح بن قشعم





سلام الله عليك


الله لايهينك على الابداع الي ماهو مستغربً منك


ولاتستهل قعود






تستهل مية قعود



ولكن نبي نعطي الجماعه فرصه
لآكبر مشاركات ممكنه من باب الخروج عن التقليديه وخلق جو المنافسه والمداعبه في نفس الوقت



اخوك ///// خالد

اعتذر على وصولي المتأخر:

عشقنا مرةٍ واليوم تبنا
وشبنا في هوى الخفرات شبنا

لان البيض يخلفن المواعد
وعدهنّ السراب اللي سلبنا

ولا يقنعهن ادراك الاماني
ولو نبني لهن الفين مبنا

جمال الضعف فيهن ما يضاهى
اصبنا سرهن لا ما اصبنا

وحنا لو نضاهيهن قوه
سبب قاتل محاجرهن عطبنا



ملاحظه:

انا قلت الابيات للمشاركه وتري القعود من نصيب ابن قشعم هذي ما يبيلها كلام !!!!

دمتم

صح الساانك ياداااااهم


وانا وياك خشرره فالقعووود


وعلى شرط انك الي تعسفه وتضمره لسباق زايد في ابو ظبي

عسانا نفوز بجيب والا جيّ






لاهنت ياداهم وتسلم

شخبار القعود

؟