حطيه في الشمس القويه كود يمّه ينعدل

[poem=font="Simplified Arabic,4,#030300,normal,normal" bkcolor="" bkimage="" border="none,4,#400000" type=1 line=0 align=center use=ex num="0,#400000"]

> حتّيه في الشمس القويّه < كود يمّه ينعـدل=جوالك اللـي قـد عدمتـه بالغسيـل انظفـه
ياويل حالي معك يابنتي آلا وشهـو العمـل=لامن لبستي بالدفاشه ثوب ابـوك ومعطفـه
قد قيل من شابه اباه من الحكم وعظ وجمـل=لا ماظلم وانتي شبيـه لـه ولانـي مجحفـه
أي ذاك لن قلت الهوى والحب ياشوقي زعـل=وان قلت هات الورد جاني من طفاقه يحذفـه
لامايدل الشـوق وبحـوره ولا مثلـه نهـل=من حوض وديان الغرام ولا هقيتـه يعرفـه
كم قلت له رب الحشا ناظر بعيناتـي النجـل=واقرا كلام الود ياروحي وانـا لـك بغرفـه
قام وتلفت قال قومي ودّنـا سمـن وعسـل=ياكثر هذراتك وانا ذالجوع بطنـي يحرفـه
لايابدوي ساكن المريخ مـدري مـن زحـل=انته علامك لازرعت الود لي مـا تقطفـه ؟
سبحان رب خالقك جلمود مـن ذاك الوحـل=نشف الدماغ وقاسي /.. وآنا بحناني مسرفـه
والمشكله يابنت يومك نسخة طبـق الأصـل=العين عين امك ولبسك لبس ابوك ومعطفـه
تدرين وشهو اللي مصبرني على ابوك الخبل؟=لا شاف دمعات المواقي بكـم ثوبـه جففـه[/poem]

اهلا بك
وصح لسانك على هذا النص المفعم بالروح المرحه
من المؤكد ان لهذا النص اقران
اتمنى قرائتها هنا
لاعجمتي

تدرين وشهو اللي مصبرني على ابوك الخبل؟
لا شـــــاف دمــعـــات الـمــواقــي بــكـــم ثـــوبـــه جــفــفــه

الله يجمعكم على الحب والطاعه

دخولك هنا يا الامل اضفى ابتسامه مشرقه للمتلقي

دمتي بخير

صح لسانك
وكل عام وانتي بألف خير وجميع اخواننا النداويه