يا سعيد الاكلبي بعت السفاري

[poem=font="Simplified Arabic,5,#FF0800,bold,normal" bkcolor="" bkimage="images/toolbox/backgrounds/8.gif" border="none,4,#400000" type=0 line=1 align=center use=ex num="0,#400000"]
يا سعيد الأكلبي بعت ( السفاري ) = و اشتريت ( اليوكن ) اللي يذكرونه

يوم شفت لوارد النيسان شاري = قلت هاتو وارد الجمس لزبونه

غرّني شكله بالاعلان التجاري = و زدت في سومه على قومٍ يبونه

ليتني يــ سعيد قبل اشريه داري = كان ما ناظرت للي يجلبونه

النفود بقطعها ماهوب ضاري = و الدبل بالكهربه ما يمدحونه

كنّ في ظهره حمل خمسة لواري = فيه ثقلٍ وان نهض ينهض بهونه

لا وطا الربّاضه توزّر بعاري = مرخطٍ لو تزهمه يرخي متونه

وان عطا اللحي القشاش ادع الطواري = ينخلع وجهه و تتكاشف سنونه

ويش اسوي لا اذكرو علم الخباري = و اوصفو لي خايعٍ زافت غصونه

و النشاما من يمين ومن يساري = حملهم فوق المواتر يربطونه

الرجال اللي تهيّو للحباري = باشقرٍ فوق السواعد ينقلونه

والرجال اللي بــ وايتها تباري = ذود وضحٍ قد لهم ما يطعمونه

كم شعيبٍ مرّه النيسان ساري = عقب ما استعرض على جاله فنونه

إمهبولٍ ينطح العرق انتحاري = ولا انطلق في صحصحٍ ما يلحقونه

كان يسوى الروز عندي والفراري = و ما شرا التجار مما يركبونه

ورحت اشاور جاهلٍ واخلف قراري = ومن عطا الجهّال رايه يخلفونه

و انقلب مرباعنا بين الحواري = و فرّة الكورنيش مع ذيك النمونه

و ان عزمنا واصبح الوضع اضطراري = حدّنا شاطي البحر منّه و دونه

فكان عندك راي لو هو بالمصاري = هات و لك منّي دبل ما يدفعونه

بس لا تطري العتب واللوم زاري = جرحٍ تداوون به لا تنقضونه[/poem]

اررررررررررحب يابوعبدالله



وصح لسانك يالقرم



قصيدة رائعه موجهه الى شاعر علم وكبير



(واليوكن زبونه موجود ولاتغليه )



لك تقديري

ارحب يابوعبدالله ارحب
وحي الهاجس وراعيه
واتشرف بإسناد القاف الجزل والموضوع الممتع
ولاهان ابومبارك على ردّه الوافي

الرد في موضوع مستقل هــــنا

ابو عبدالله

حي ذا العين من شوف اسمك

لـيـتـنــي يـســعــيــد قـــبـــل اشـــريـــه داري
كــــــان مــــــا نـــاظـــرت لـــلـــي يـجـلـبـونــه
الــنــفــود بـقـطـعـهــا مـــاهـــوب ضـــــــاري
و الـــدبـــل بـالـكـهـربــه مــــــا يـمــدحــونــه
كــنّ فــي ظـهــره حـمــل خـمـسـة لـــواري
فـيـه ثـقـلٍ وان نـهــض يـنـهـض بـهـونـه

اشهد انك صادق

واذا صار لونه ابيض بعد :: المووووووت ماله روح


الله يسعدك يابو عبدالله