الله يعين اللي يجيه التقاعد

[poem=font="Simplified Arabic,5,#000000,normal,normal" bkcolor="" bkimage="" border="none,4,#400000" type=1 line=1 align=center use=ex num="0,#400000"]



الله يعين اللي يجيه التقاعد=تصبح حياته لاتقاعد شديده
يقضي حياته داخل البيت قاعد=هاتو لي القرصان هاتو عصيده
نادو لي محمد ونادو مساعد=وسعيد وينه مايجيب الجريده
مع الدرج مابين نازل وصاعد=ماسك عصا واحيان ماسك حديده
يأسعيد قم عطني كتاب القواعد=بعلمك فك الرموز العنيده
بعلمك وشهي خطوط التباعد=من بعدها بعطيك شرح العقيده
يابوي وش صابك تراها قواعد=عني تحط اسمي بجمله مفيده
ثم قام للمطبخ لعله يساعد=يمكن يحصل له وظيفه جديده
هاذي حياة اللي يجيه التقاعد=وصفتها توصيف عبر القصيده
[/poem]

بكره يجيك اللي لفا بو مساعد
فالله يلطف ياخوي في عبيده
في أول أيامه شديد السواعد
وفي آخر أيامه حياته زهيده


أرحب يابو شيبه تراحيب الحيا
بكره بيمرنا الدور إذا الله أعطانا عمر
فاالله يقوينا على طاعته


تقبل تحيات أخوك غريب
أبو ولايــــــف

لاحول ولاقوة الا بالله
الا لازم تذكّرنا بالتقاعد ياعايض ههههه
ياخوي انتو هناك على الحدود وافكاركم متعلقه بالعسكرية الله يكفينا شركم هههههههه
لاعجمت ولاهفيت انت كفو والنص رائع