شوق ..قصة شعرية طريفة من تأليفي

[align=center]اخواتي واخواني الاعزاء

مرحبا بكم

وارجو لكم قضاء وقت ممتع


كان ياما كان في قديم الزمان

شيخ قبيلة له صولات وجولات ومعشوق لدى النساء

تزوج من فتاة جميله بعمر اولاده اسمها (شوق) .. وله زوجة اخرى غيرها

وفي احد الليالي التي كان بها الزوج عند زوجته الأولي

استوحشت شوق وخرجت الى حديقة المنزل وانشدت


انا حبيبي فيه كلّ العذاريب
واول عيوبه هالحريّم يبونه


ثاني عيوبه شايبٍ حيل لعّيب
يبي الحلال ودايم ٍ له عيونه



فسمعها جارها و هو ابن عمها المغرم بها منذ الصغر وانشد



ياشوق خلي فيه كل العذاريب
اول عذاريبه وساعن عيونه



وثاني عذاريبه منزه من العيب
وكل العذارى بالحلى يحسدونه


اشعل بقلبي من غرامه لواهيب
وبرغم ذلك صعب عيشي بدونه

فتغابت وكأنها لم تسمع واكملت نشيدها


ثالث عذاريبه له احساس مايخيب
يعرف موده ويعرف من يخونه


رابع عذاريبه إذا نشّن يْصيب
يعرف اساليب الغرام وفنونه


خامس عذاريبه على كيفه يجيب
احلى العذارى باالعلن يخطبونه


سادس عذاريبه علا نظرته ذيب
ذيب البراري فيه طبعه ولونه


ماخذ تفوق في فنون الاساليب
شباب جده والله ما يغلبونه


ثامن وعاشر سالم النقص والعيب
ازريت اداوي فيه شايب جنونه


فاغتاظ ابن عمها وقال



اشعلت للمجنون نار المشاهيب .
وعشرين واحد جبتهم يطرحونه



احضرت له عجرا وعشرت مشاعيب
ووصيتهم مع صلعته يقلقونه


فقالت


الشايب المزيون مافيه مايعيب
وعشرتن مثلك فلا يطرحونه


فقال




شايبك يبغاله مكينه وتوضيب
بين الورش يازينهم يسحبونه



ماينفعه كثر الدواء والاطابيب
يبسة كراعينه وطاحة سنونه


فقالت


الشايب اكرمته بطيب المشاريب
يشرب لبن حتى طلع من عيونه



مايعرف المشفى ومازار تطبيب
ماكوله الحلبه بسمن معجونه


سمن وعسل مع بر سرّ العراقيب
يرجع شباب الفين خفه وليونه


فقال


مكينته فيها من الزيت تهريب
ومن الكبر قامت تدلى جفونه



عقله يجي ساعة وشهرين بيغيب

خرفان كل اهل البلد يسمعونه


ودخلت دارها بدون ان ترد عليه ..


ابيات ابن عم شوق منقوله
للشاعر الضامي


ودمتم بخير[/align]

هههههههههههه

بصراحه شوق ما فيها حيله

مشكوره اختي على الطرح الجميل

تقبلي مروري

ياسلام على التاليف الرائع الراقي

الناديه

الف شكر لكي


تحياتي

تسلمين يالنادية
نحتاج لمثل هذه المواضيع التي فيها انتاج مستطرف
لاهنتي

الناديه
جميل انرى مستطرف من تأليف شاعره
سلمتي على التواجد الثري..

هههههههههههه

بصراحه شوق ما فيها حيله

مشكوره اختي على الطرح الجميل

تقبلي مروري

هلا اخوي حسين المري

منور المتصفح

ويارب هالضحكة دوم مو يوم

وياهلا وغلا

ياسلام على التاليف الرائع الراقي

الناديه

الف شكر لكي


تحياتي

حياك الله اخوي حسن الوطري

تسلم كلك ذوق وماعليك زود
وياهلا ومرحبا

تسلمين يالنادية
نحتاج لمثل هذه المواضيع التي فيها انتاج مستطرف
لاهنتي

الله يسلمك يامشرفنا الفاضل سعيد

ان شاء الله الجيات اكثر وانا بعد احب هذي المواضيع وعندي كم قصه ان شاء الله ادرجها كل ماسنح الوقت

وياهلا وغلا

[align=center]ههههههههههه



صراحه
ابدعتي يا الناديه في هالقصه






تحياتي[/align]

الناديه
جميل انرى مستطرف من تأليف شاعره
سلمتي على التواجد الثري..

الله يسلمك اخوي ال كحله وماعليك زود

وحياك الله

الحمد لله اعجبتكم القصه ..وواوعدكم بالجديد ويارب يعجبكم

وياهلا ومرحبا

[align=center]ههههههههههه



صراحه
ابدعتي يا الناديه في هالقصه






تحياتي[/align]

هلا اخوي شجاع ..تسلم وماعليك زود



يارب هالضحكه دوم مو يوم ..وياهلا ومرحبا