الوزيره ولايـــــــف

[align=center]أحبتي النداويين أضع بين أيديكم
هذه الأبيات التي أتمنى أن تطربوا بها
وقد كتبتها بعد أن وصلني رسالة من أحد الزملاء ويدعى
نايف يخبرني أنه رزق بأبن وأسماه راشد فرديت على رسالته
بهذه الأبيات[/align]

[poem=font="Simplified Arabic,5,#0D0D00,normal,normal" bkcolor="" bkimage="" border="none,4,#400000" type=0 line=0 align=center use=ex num="0,#400000"]
من قبل عام الله رزقني ولايـــــف = واللحين راشد حل في دار نايف
وهـايـــبٍ من ربـنا اللي خـلـقـــنا = اللي علــيم بكل خلـقه وشـايف
فـعـسـى يـبـرونا إلى من كــبـرنا = قبلٍ نوارى في الثرى والنكايف
وعسى ولايف في أعالي المراتب = وراشد يصير من القرارات خايف
خايف قرار الفـصل من بنت حوى = عقب الوظيفه يطلب الله خلايف
ويقدم المعروض يطلب وظـيـفه = ويطرد مع البيبان مافي وظايف
ويجي أبوه يقول تكفى طلبتك = راشد فصل من الوزيره ولايـف
واقول أبـشـر دام حـنا زمـاله = وراشد ولدنا أبشروا بالنصايف
نعطيه مبلغ لجل يفتح بقاله = وبوفـيـتـيـن يبـيـع فيها خفـايـف[/poem]إهداء من أبو الوزيره ولايـــــــــــف

تسلم يابو ولايف
وتسلم لك ولايف
والقاف طرب ويفتح النفس
وجمال روحك وقلبك الطيب اضفا على المكان جو الألفه

صح لسانك ياغريب
والله يصلح ولايف وتشوف برها ان شاء الله

ويرزقها الزوج الصالح الي مايخاف من قراراتها هههههههه

اررررررررررحب يابو ولايف



وعسى الله يصلح ولايف وراشد وجميع ابناء المسلمين



وتقديري للوزيره ووالدها

أرحب يابو مقبل
والله وجودك هو الجمال بحد ذاته
أنا أتنومس بشرواك
عسى الله لا يخليني منك

ابو ولايف

دمت ودام تواصلك

والله يخلي لك ما اعطاك من ذريه


تحياتي

ابو ولايف



حياك الله وبياك



والله يحقق أمنيتك وتصير وزيره لكن المشكله النظام مايسمح
ههههههههههههههه
المره تصير وزيره ، ياخي الشيبان دايم فكرهم قديم لاتدقق يمكن مع الديمقراطيه يتغير الوضع
ههههههههههههههه

وتصير وزيرات مهيب وحده

عموماً صح لسانك أطربتنا


الله يخلي لك ولرفيقك مارزقكم

أرحب ياضيدان
شرفتني بتواصلك طال عمرك


تقبل تحيات اخوك غريب

أرحب يابو مبارك
ولا هنت على تواصلك
الذي يخجلني دائماً لتقصيري


تقبل تحيات أخوك غريب
أبو ولايــــــــف

أخي الأكبر واستاذي
حمد السحيمي
لحضورك طابع حاص
فشكراً لتواصلك